কেমিকেল্স অমসুং ফর্তিলাইজর মন্ত্রালয়
ইন্দিয়ন ফর্মাস্যুতিকেল অমসুং মেদিকেল দিভাইসশিংগী ইন্দস্ত্রীদা ইনভেস্ত তৌনবা জাপানগী কম্পনীশিংগী পুক্নীং চিংশিনখ্রে
ভারতনা ইনভেস্তরশিংদা অচৌবা খুদোংচাবা পীরদুনা অনৌবা থবক থৌরমশিং কয়া অমা পাইখৎখ্রে: ফার্মা সেক্রেতরী দা. ৱাঘেলা
Posted On:
22 MAY 2020 5:54PM by PIB Imphal
কোবিদ-১৯গী মতুংগী ফিভমদা ভারত অমসুং জাপানগী মরক্তা বিজনেস অমসুং লল্লোন-ঈতিক্কী মতাংদা খুৎশম্নবগীদমক্তা মে ২২, ২০২০গী অয়ুক্কী পুং ১১.৩০দা ‘মেদিকেল দিভাইস অমসুং এ.পি.আই. সেক্তর: শিংনবা অমসুং থোরক্লিবা খুদোংচাবশিং’গী মতাংদা ৱেবিনার অমা পাংথোকখ্রে। ৱেবিনার অসি ভারত সরকারগী কেমিকেল অমসুং ফর্তিলাইজরশিংগী মন্ত্রালয়গী দিপার্ৎমেন্ত ওফ ফর্মাস্যুতিকেলসকা লোইননা খুৎশম্নদুনা তোক্যোদা ভারতকী এম্বসীনা পাংথোকখি।
জাপান্দা ভারতককী অম্বাসেদর ওইরিবা শ্রী সঞ্জজয় কুমার ৱর্মানা হৌজিক চত্থরিবা কোবিদ-১৯গী চিরবা তঞ্জা অসিদা জাপান অমসুং ভারতকী মতক্তা লৈনরিবা মরী অসি হেন্না কনখৎন্নবা য়াম্না তাংনা ফংবা তঞ্জা অসিগী মতাংদা মহাক্কী মমলা য়াম্লবা ৱাখল্লোন অদু মীয়ামদা খংহনখি। ফর্মাস্যুতিকেলসকী সেক্রতরী, দা. পি.দি. ৱাঘেলানা সেক্তরগী ওইনা উৎপা অমসুং ভারত্তা ফর্মাস্যুতিকেল অমসুং মেদিকেল দিভাইস ইন্দস্ত্রীদা ইনভেস্তমেন্ত তৌবগী খুদোংচাবশিং অদু উৎখি। মহাক্না লৈবাক অসিদা লল্লোন-ঈতিক অমসুং বিজনেস চাউখৎহন্নবা ভারত সরকারনা পাইখৎলিবা অনৌবা থবক থৌরমশিং অদুসু উৎখি।ফার্মসিতিএলসকী জোইন্ত সেক্রেতরী, শ্রী নৱদীপ রিনৱানা বল্ক দ্রগশিং অমসুং মেদিকেল দিভাইসশিং চাউখৎহন্নবা দিপার্ৎমেন্তকী স্কিমশিং অদু শন্দোক্না তাকখ্রে, মিং ওইনা পল্লবদা প্রোদক্সন লিঙ্কদ ইন্সেন্তিব স্কিমশিং অমসুং বল্ক দ্রগশিং/মেদিকেল দিভাইসশিংগী পার্কশিং চাউখৎহনবা অমসুং মহাক্না দেলিগেৎশিংদা স্কিম অসিগী খুদোংচাবা অসি ফংননবা হায়জখ্রে।
জাপানগী মীহুৎশিং
ফর্মাস্যুতিকেল ত্রেদর এসোসিয়েশন অমসুং জাপান ফেদরেশন ওফ মেদিকেল দিভাই এসোসিয়েশন অসিনা কোবিদ-১৯গী মতুংদা লাক্কদবা শিংনবশিং অমসুং ফর্মাস্যুতিকেলশিং অমসুং মেদিকেল দিভাইসকীদমক্তা খুদোংচাবশিং অমসুং মসিনা মালেমগী সপ্লাই চেনদা থোকহনগদবশিং অমসুং লৈবাক অনি অসিগী মরক্তা খুৎশম্ননা থবক তৌমিন্নবনা মরু ওইনা এ.পি.আই.শিং অমসুং মেদিকেল দিভাইসশিংগী সপ্লাই চেন স্তেবিলাইজ তৌবদা শরুক য়াগনি। জে.ই.তি.আর.ও. চেন্নাইগী মীহুৎনসু এ.পি.আই. সেক্তর অমসুং মেদিকেল দিভাইসশিংদা লৈরিবা শিংনবশিং অমসুং থোরক্লিবা খুদোংচাবশিংগী মতাংদা খঙবশিং অদুসু মীয়ামদা খঙহল্লমখি।
তোক্যো, ই.ও.আই.গী মন্ত্রী (ইকোনোমিক অমসুং কমর্স), সুকুমারি মোনা কে.সি. খন্দারনা ভারতকী ইকোনোমীগী সেজিলিয়েন্স অমসুং মপাঙ্গলগী মতাংদা পনখি আমসুং কোবি-১৯গী চিরবা তঞ্জা অসিবু কোকহন্নবা অমসুং ইনভেস্তমেন্ত এনভাইরনমেন্ত ফগৎহন্নবা ভারত সরকারনা লাউথোকখিবা স্তিম্যুলস অমসুং রিফোর্ম পেকেজশিং অসিগী মতাংদা কুপ্থনা হায়খি। ভারতকী ইকোনোমী, এফ.দি.আই. ইকোসীস্তেম অমসুং অকক্ননা জাপংন খক্তগী ওইবা ফেসিলিতেশনশিংসু পনখি।
জাপানগী সবসিদ্যরীশিং, নিপ্রো ইন্দিয়া কোর্প অমসুং ঐসাই ফর্মাস্যুতিকেলস ইন্দিয়া প্রাইভেৎ লিমিতেদকী মীহুৎশিংনসু ‘মেক ইন ইন্দিয়া’ প্রোগ্রামগী মতাংদা মচা খায়না উৎখি অমসুং মখোয়গী এক্সপরিয়েন্স অদুসু মীয়ামদা খঙহনখি।
ভারতকী অচৌবা ফারমসিতিকেল অমসুং মেদিকেল দিভাই এসোসিয়েশনগী মীহুৎশিংনা ভারত্তা লৈরিবা ফর্মাস্যুতিকেল অমসুং মেদিকেল দিভাইস ইন্দস্ত্রীগীদমক্তা মতুংদা লাক্কদৌরিবা খুদোংচাবশিং অমসুং চাউখৎলক্কদবা লম্বি অদু উৎখি।
গুজরাত, তেলঙ্গানা, হিমাচল প্রদেশ অমসুং গোৱাগি মীহুৎশিংনা ইন্সেন্তিবশিং অমসুং তেক্সেশনগী কান্নবশিং, ইজ ওফ দুইং বিজনেসকী নৌনা লৌখৎলকপা থবক থৌরমশিং, লম লায়না ফংবা য়াবা, ইনফ্রাস্ত্রকচরগী ওইবা ফেসিলিতীশিং, রিগুলেতরী ফ্রেমৱার্ক য়াওনা মখোয় মখোয়গী রাজ্যশিংদা ইনভেস্তমেন্ত তৌবগী খুদোংচাবশিং অদুগী মরোলশিং অদু কুপ্থনা পীখি অমসুং মখোয় মখৌয়গী রাজ্যশিংদা ইনভস্ত তৌনবগীদমক্তা জাপানগী কমপনীশিংগী পুক্নীং চিংশিনখি।
আন্ধ্র প্রদেশকী মেদতেক জোন, ৱোকহার্ত, সন ফার্মা, পনাসিয়া বায়োতেক অমসুং অতোপ্পা জাপানগী মশিং য়াম্লবা কমপনীশিংগী মীহুৎশিংনা G2B অমসুং B2B নেৎৱার্কিংগী শরুক অমা ওইনা ৱেবিনার অসিদা শরুক য়াখি।
****
(Release ID: 1626363)
Visitor Counter : 201