نئی دلّی ،22 مئی / کمپٹیشن کمیشن آف انڈیا ( سی سی آئی ) نے  نوووکو وِستاس کارپوریشن لمیٹیڈ کے ذریعے اِمامی سیمنٹ لمیٹیڈ کے تمام شیئرس اور پیڈ اَپ کیپٹل  کی 100 فی صد خریداری کو منظوری دے دی ہے ۔

          اس مجوزہ خریداری میں  نوووکو وِستاس کارپوریشن لمیٹیڈ ( این وی سی ایل  ) کے ذریعے اِمامی سیمنٹ لمیٹیڈ  ( ای سی ایل ) کے تمام شیئرس اور پیڈ اَپ کیپٹل کی 100 فی صد خریداری کے مجوزہ  سودے کو  منظوری دے دی گئی ہے ۔

          این وی سی ایل  ایک نِرما بانی گروپ  کمپنی  ہے ، جو چھتیس گڑھ ، جھار کھنڈ ، مغربی بنگال ، راجستھان اور ہریانہ میں  سیمنٹ تیار کرنے  کے یونٹوں کو چلا رہی ہے ۔ کہا جاتا ہے کہ  یہ کمپنی  پورٹ لینڈ  پوزو لانا  سیمنٹ ، پورٹ لینڈ  سلیگ سیمنٹ  اور عام پورٹ لینڈ سیمنٹ  سمیت   سلیٹی سیمنٹ کی مختلف  قسموں کی تیاری اور فروخت  کا کاروبار کرتی ہے ۔ یہ کمپنی  چند  اضافہ قدر والے اشیاء جیسے  تعمیراتی کیمیکل  ، وال پٹی  اور کوور بلاکس  جیسی مصنوعات بھی فروخت کرتی ہے ۔

          ای سی ایل ، اِمامی گروپ کا ایک حصہ ہے اور یہ مغربی بنگال  ، چھتیس گڑھ ، بہار  اور اڈیشہ میں  سیمنٹ تیار کرنے والے یونٹوں  کی ملکیت رکھتی ہے اور انہیں چلاتی ہے ۔ یہ کمپنی   پورٹ لینڈ  پوزو لانا  سیمنٹ ، پورٹ لینڈ  سلیگ سیمنٹ  اور عام پورٹ لینڈ سیمنٹ اور سادہ سیمنٹ  کنکریٹ یعنی کمپوزٹ سیمنٹ  سمیت سلیٹی سیمنٹوں  کی مختلف اقسام کی تیاری اور فروخت کرتی ہے ۔  اس کے علاوہ ، کمپنی  مختلف قسم کے کلنکر  اور فرنیس سلیگ  بھی تیار اور فروخت کرتی ہے ۔

          سی سی آئی کے احکامات کی تفصیلات  بعد میں دی جائیں گی ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( م ن ۔ و ا ۔ ع ا )

U. No.  2713