মে ১৬, ২০২০দা উত্তরাখন্দগী মফম অনি, হায়বদি কেদার খন্দ(গারৱালগী লম) অমসুং মনু খন্দ(কুমাওনগী লম) অমদি মমিং চৎলবা মফমশিং-গঙ্গোত্রী, য়মুনোত্রী,কেদারনাথ, হেমখুন্দ সাহীব অমসুং লৈশিংগী তম্পাক্কী য়ুনেস্কো হেরিতেজগী মফমশিং অথোইবা মওংদা উৎলদুনা ‘ইচম-চম্বা অতিয়ানি উত্তরাখন্দ’ হায়না মিংথোনবা “দেখো অপনা দেশ” ৱেবিনারগী পরিংদা তুরিজমদা করি তৌহল্লকপা য়াবগে হায়বদু অথোইবা মওংদা উৎখ্রে।

ৱেবিনার অসি ফুদ হিস্তরিয়ন অমসুং ইন্তর্নেস্নেল রিলেসন্সকী এক্সপর্ত অমা ওইরিবা মশক নাইরবা স্কোলর অমা ওইরিবা জে.এন.ইয়ু.দা হান্না প্রোফেসর ওইরম্বা দা. পুশপেশপন্ত, ময়াম্না খংনরবা অইবা, শিংথানিংঙাইগী মশক ওইরবা ফোতোগ্রাফর অমদি উত্তরাখন্দগী পুৱারীগী ওথোরিতী ওইরিবা শ্রী গনেশ সৈলী অমসুং হীরম কয়াগী শকখংনরবা ত্রেনর, রিশিকেশকী অসপেন এদভেনচরগী এম.দি. শ্রী শশঙ্ক পান্দেনা থৌরম অদু হৌদোকখি। সেসন অদু তুরিজম মন্ত্রালয়গী এদিস্নেল দিরেক্তর জনরেল শ্রী রুপিন্দর ভতনা মোদরেতর ওইখি অমসুং

উত্তরাখন্দগী এদভেনচর তুরিজমদা তৌনরিবশিং হায়বদি রিশিকেশকী অমসুং পিত্তোগরগী তুরেলদা রাফতিং, ঔলীদা ৱিন্তর স্পোর্তস অমসুং স্কীয়িং, তেহরী দাম অমসুং কৌশানীদা পেরাগ্লাইদিং, চোপ্তা অমসুং পিন্দারী গ্লেসিয়রদা লৈরিবা চাওর-চাওরবা ত্রেক্কিং অমসুং রিশিকেশতা লৈরিবা ইন্দিয়াগী খ্বাইদগী ৱাংবা বঙ্গী চোংবগী খুদোংচাবশিং অসি থৌরম লান্থোক্লিবশিংনা শিংথানদুনা উৎখি। 

এদভেনচরশিং অসিগী মথক্তা, লৈবাক অসিগী খ্বাইদগী লিরবা নেস্নেল পার্ক-জীম কোর্বেৎ নেস্নেল পার্ক য়েংবা চৎলগা য়েংলুনবগীদমক  খ্বাইদগী ফবা মওংদা শেল তিংবগী ওপ্সনশিংগী সেসনসু পুথোক্তুনা খংহনখি। রাজাজী তাইগর রিজর্ব অমসুং হিমালয়গী মফমশিংগী মথল-মখলগী ইনাক খুল্লবা উ-ৱা অমসুং শা-উচেকশিংনা থন্না লৈরবা নন্দা দেবী নেস্নেল পার্কপুসু ময়ামদা পুথোক্তুনা খংহনখি.

পাংথোক্লিবশিং অদুনা মফমদুগী ওইবা চাক-এঞ্জাং পীজ-পীথক্তুনা মীশিংবু নিংথিজনা মওংদা থৌগল তৌদুনা য়ুমশিংদা খ্বাইদগী ফবদগী ফরবা ওপ্সনশিং পীদুনা লৈবা য়াবা খুঙ্গংগী তুরিজমশিংদা লৈরিবশিং অসি চাউখৎহন্দুনা ময়ামদা খংহন্নবগীদমক্তা  উত্তরাখন্দা পীক থন্না লৈরিবা খুদোংচাবশিং অদু শিংথানরদুনা পুথোক্নরকখি। উত্তরাখন্দগী ‘দেব ভুমী’, লাইয়ামশিংগী লৈবাক হায়রিবা অসি তুরিস্তশিংগীদমক্তা শুমহৎনিংঙাইনা থল্লবা মখল-মথেলশিংগী লমথুংফমগী মতাংদা শিংথাদুনা এদিস্নেল দিরেক্তর জেনরেল শ্রী রুপিন্দর বিরারনা সেসন অদু লোইশিনখি। মসি মমায়-ময়াম অমা লোংবা পন্থুংফম অমনি, হায়বদি শেংলবা অমসুং লাইগী ওইবা মফম অমা ওইবনা খ্বাইদগী লুরবা মওংগী ইনাক খুল্লবা মখল-মখা কয়াগী থৱায় পানবশিংগা শাগোন্নবা লম কোয়ফম অমনি।

ইরৈবাকপু খংশি-য়েংশি হায়বা ৱেবিনার পরিংগী সেসনশিং অসি ইলেক্ত্রোনিক্স অমসুং ইনফোর্মেসন তেক্নোলোজী (মৈতী)গী নেস্নেল ই-গবর্নমেন্স দিভিজন(এন.ই.জি.দি.)না মপুং ফারবা মতেংদা পাংথোকখি।

ৱেবিনার অসিদা য়াওহৌদবশিংগীদমক্তা সেসনশিং অসি হৌজিক

https://www.youtube.com/channel/UCbzIbBmMvtvH7d6Zo_ZEHDA/featuredদা অমসুং ভারত সরকারগী তুরিজম মন্ত্রালয়গী সোসিএল মেদিয়াদসু ফংবিগনি।  

মে ১৯, ২০২০গী অয়ুক্কী পুং ১১.০০ দা পাংথোক্কদবা মথংগী ৱেবিনারগী ইপিসোদ অসি ‘ফোতোৱালকিং ভোপাল’ হায়না মিংথোল্লি অমসুং মসিদা শরুক য়ানিংবশিংনা https://digitalindia-gov.zoom.us/webinar/register/WN_wLHXyRTGTrK3Vb-ljK8sxQদা রেজিস্তর তৌরগা য়াওবা য়াগনি।

****