ভারত সরকারনা য়োন্নবা (রি-ইসু) লাউথোক্লে

 (১) প্রাইজ বেজ ওক্সনগী খুৎথাংদা লুপা ক্রোর ৩,০০০গী সরকারগী স্তোক, ২০২২গী চাদা ৫.০৯ য়োন্নবা

 (২) প্রাইজ বেজ ওক্সনগী খুৎথাংদা লুপা ক্রোর ১৮,০০০ সরকারগী স্তোক, ২০৩০গী চাদা ৫.৭৯ য়োন্নবা

 (৩) প্রাইজ বেজ ওক্সনগী খুৎথাংদা লুপা ক্রোর ৪,০০০গী ‘ভারত সরকারগী ফ্লোতিং রেত বোন্দ ২০৩১’ য়োন্নবা

 (৪) প্রাইজ বেজ ওক্সনগী খুৎথাংদা লুপা ক্রোর ৫,০০০ সরকারগী স্তোক, ২০৬০গী চাদা ৭.১৯ য়োন্নবা

মথক্কী সেকুরিতিশিং অসিগী মশিং অমা নৎত্রগা অমদগী হেনবদা লুপা ক্রোর ২,০০০গী অহেনবা সবস্ক্রিবসন থমহৌনবা সরকারনা অপাম্বা খনবা য়াগনি। মে ২২ (ইরাই) ২০২০দা মুম্বাইগী ফোর্তদা লৈবা রিজার্ব বেঙ্ক ওফ ইন্দিয়াগী মুম্বাই ওফিসতা নিলাম লাউগনি।

সরকারগী সেকুরিতিশিং নিলাম লাউনবগী নন-কম্পেতিতিপ বিদ্দিং ফেকসিলিতি স্কিমগী মখাদা য়োন্নবা লাউথোকখ্রবা স্তোকশিংগী চাদা ৫ ফাওবা লনাই মীওইশিং অমসুং ইন্সতিতুসনশিংদা পীগনি।

নিলাম লাউনবা কম্পেতিতিপ অমসুং নন- কম্পেতিতিপ বিদশিং ইলেকত্রোনিক ফোরমেত্তা মে ২২, ২০২০দা রিজার্ব বেঙ্ক ওফ ইন্দিয়াগী কোর বেঙ্কিং সোলুসন (ই-কুবের) সিস্তেমদা থাজিনগদবনি। নন- কম্পেতিতিপ বিদশিং অয়ুক পুং ১০.৩০ অমসুং অয়ুক পুং ১১.০০গী মরক্ত অমসুং কম্পেতিতিপ বিদশিংনা অয়ুক পুং ১০.৩০ অমসুং অয়ুকপুং ১১.৩০গী মরক্ত থাজিনগদবনি।

মে ২২, ২০২০দা নিলামশিংগী ফল লাউথোক্কনি অমসুং মাইপাকলবা বিদ্দরশিংনা মে ২৬, ২০২০দা শেন পীগদবনি।

জুলাই ২৪, ২০১৮দা সর্কুলার নম্বর আরবিআই/২০১৮-১৯/২৫গী মখাদা রিজার্ব বেঙ্ক ওফ ইন্দিয়ানা থোকখিবা “ৱেন ইসু ত্রান্সসেক্সন ইন সেন্ত্রেল গভর্মেন্ত সেকুরিতিস” চৎন-পথাপশিংগী মখাদা “ৱেন ইসু” ত্রেদিং তৌবদা স্তোকশিং অসি অয়াবা পীগনি।

****