సరిహద్దు మౌలికాభివృద్ధికి సంబంధించి లెఫ్టనెంట్ జనరల్ డి.బి.షెకట్కర్ అధ్యక్షతన నిపుణుల కమిటీ చేసిన మూడు ముఖ్యమైన సిఫారసులను ప్రభుత్వం అంగీకరించి, అమలులోకి తెచ్చింది. సరిహద్దుల్లో రహదారుల నిర్మాణం వేగవంతం చేయడం, సరిహద్దు ప్రాంతాల్లో సామజిక ఆర్థిక అభివృద్ధి సాధించడం ఈ సిఫార్సుల ముఖ్యోద్దేశం. 

సరిహద్దు మౌలిక సదుపాయాల కల్పనకు సంబంధించిన అంశంపై, బోర్డర్ రోడ్స్ ఆర్గనైజేషన్ (BRO) సామర్థ్యానికి మించి రహదారి నిర్మాణ పనులను అవుట్సోర్స్ చేయడానికి ప్రభుత్వం నిపుణుల కమిటీ సిఫారసును ప్రభుత్వం అమలు చేసింది. రూ.100 కోట్లకు పైబడిన పనులను ఇంజనీరింగ్ ప్రొక్యూర్మెంట్ కాంట్రాక్టు (ఈపిసి) పద్ధతిలో నిర్వహించడాన్ని తప్పనిసరి చేశారు.  

ఆధునిక నిర్మాణ ప్లాంట్లు, పరికరాలు, యంత్రాల ప్రవేశానికి సంబంధించిన ఇతర సిఫారసులను దేశీయ, విదేశీ సేకరణల కోసం మెరుగైన సేకరణ అధికారాలను రూ .7.5 కోట్ల నుంచి రూ .100 కోట్ల వరకు బీఆర్‌ఓకు అప్పగించడం ద్వారా అమలు చేశారు. బోర్డర్ రోడ్లు ఇటీవల హాట్-మిక్స్ ప్లాంట్ 20/30 టిపిహెచ్ ని ప్రవేశపెట్టింది. ఇదేమి రోడ్లు వేగంగా వేయడానికి, రిమోట్ ఆపరేటెడ్ హైడ్రాలిక్ రాక్ డ్రిల్స్ డిసి -400 ఆర్ హార్డ్ రాక్ కటింగ్ కోసం, ఎఫ్ -90 సిరీస్ స్వీయ-చోదక మంచు-కట్టర్లు / బ్లోయర్స్ వేగవంతమైన మంచు తొలగింపునకు ఉపయోగపడుతుంది. 

ఖచ్చితమైన పేలుడు కోసం బ్లాస్టింగ్ టెక్నాలజీ, నేల స్థిరీకరణ కోసం జియో-టెక్స్‌టైల్స్‌ను ఉపయోగించడం, పేవ్‌మెంట్‌లకు సిమెంటిషియస్ బేస్, ఉపరితలం కోసం ప్లాస్టిక్ పూత కంకరలు వంటి కొత్త సాంకేతిక పరిజ్ఞానం కూడా నిర్మాణ వేగాన్ని పెంచడానికి ఉపయోగించబడుతోంది. ఆర్థిక, పరిపాలనా అధికారాల కేటాయింపు ద్వారా క్షేత్రస్థాయి అధికారుల సాధికారతతో,  వేగంగా పనుల ఫైనాన్సియల్ క్లోజర్ జరగడంలో గణనీయమైన మెరుగుదల కనిపించింది.

భూసేకరణ, అటవీ-పర్యావరణ క్లియరెన్స్ వంటి అన్ని చట్టబద్ధమైన అనుమతులు కూడా వివరణాత్మక ప్రాజెక్ట్ రిపోర్ట్ (డిపిఆర్) ఆమోదంలో భాగంగా చేయబడతాయి. ఇంకా, ఈపిసి అమలు విధానాన్ని అవలంబించడంతో, 90 శాతం చట్టబద్ధమైన అనుమతులు పొందినప్పుడు మాత్రమే పనిని ఇవ్వడం తప్పనిసరి, అలాగే ప్రాజెక్ట్ ప్రారంభానికి ముందస్తు అనుమతులు పొందడం గురించి నిపుణుల కమిటీ  సిఫారసును అమలు చేస్తుంది.