نئی دہلی ،15مئی2020: سی ایس آئی ار ایڈوانسڈ مٹیریلز اینڈ پروسیسس  ریسرچ انسٹی ٹیوٹ ، بھوپال کے ڈاکٹر راجیو کمار، جنہیں سائنس اینڈ ٹیکنالوجی کے محکمے، حکومت ہند کی جانب سے شروع کردہ انسپائر فیکلٹی ایوارڈ بھی حاصل ہو چکا ہے،وہ ایسے پوروس کاربن مواد وضع کرنے میں مصروف ہیں، جن کا استعمال سیسے کے تیزاب کی حامل  بیٹریوں میں امکانی طورپر کیا جاسکے گا۔

یہ مواد پاور الیکٹرونکس، برقی مقناطیسی انٹر فیئرنس میں حرارت کو کم کرنے کے لئے بھی استعمال کیا جاسکے گا۔یعنی ایرو اسپیس ، ہائیڈروجین  اسٹوریج اور الیکٹروڈ کے تحفظ میں بھی بروئے کار لایا جاسکے گا۔ یعنی سیسے کے تیزاب والے بیٹریوں کے لئے کارآمد ہوگا اور پانی صاف کرنے میں بھی بروئے کار لایا جاسکے گا۔

ڈاکٹر راجیو کمار کاربن فون بنانے والی اکائی میں نظر آرہے ہیں

فی الحال گرِڈ اسکیل توانائی اسٹوریج کا شعبہ  ، ایسا شعبہ ہے جس میں عام طورپر لیتھیم  سی بنی ہوئی بیٹریاں استعمال کی جاتی ہیں، کیونکہ یہ زیادہ توانائی کی حامل ہوتی ہیں اور ان کی استعمال کی مدت بھی طویل ہوتی ہے۔ تاہم ان بیٹریوں کے سلسلے میں کچھ سنگین تشویشات بھی پائی جاتی ہیں، یعنی سلامتی کے خطرات ، محدود وسائل کی بہم رسانی، زیادہ لاگت اور ری سائیکل نہ کیا جا سکنے والا بنیادی ڈھانچہ ان  کے عیوب میں شامل ہیں۔ ایک متبادل بیٹری نظام وضع کرنے کی ضرورت تھی، جو ماحولیاتی لحاظ سے بہت حد تک ہمہ آہنگ ہونے کے لائق ہو، کفایت شعارانہ  طریقہ سے تیار کیاجاسکے اور اس میں زیادہ توانائی بھی جمع ہوسکے۔ چونکہ سیسے کے تیزاب کی حامل بیٹریوں کو اب بھی از حد معتبر ، کفایت شعارانہ اور ماحول کے لحاظ سے مناسب ترین خیال کیا جاتا ہے، لہٰذا اب تک ان کا غلبہ رہا ہے، تاہم سیسے کے تیزاب کی حامل بیٹریوں میں استعمال ہونے والے الیکٹروڈ کے سلسلے میں کئی مسئلے ہوتے ہیں ، جن میں ان کا بھاری وزن ، ان میں رونما ہونے والا انحطاط ، نسبتاً خراب حرارتی استحکام وغیرہ ہیں۔

حال ہی میں ڈاکٹر راجیو نے اپنے تحقیقی گروپ کے ساتھ مل کر ہلکے کاربن فوم وضع کئے ہیں، جن کی ڈینسٹی  0.3g/cc ہے اور ان کے اندر85 فیصد سے زیادہ پور بھی پائے جاتےہیں، جو میکانکی قوت فراہم کرتے ہیں۔ اس گروپ نے کاربن فوم کے موضوع پر از حد مقدر سائنٹفک جریدوں میں 2016 سے اب تک کی مدت میں 16 مقالے بھی شائع کئے ہیں۔ مذکورہ فوم ہر لحاظ سے بہتر ہے۔

مزید تفصیلات جاننے کے لئے ڈاکٹر راجیو کمار سے درج ذیل ویب سائٹ پر رابطہ قائم کیا جاسکتا ہے۔

[kumarrajeev4[at]gmail[dot]com,Ph:07838352624)

اشاعتی لنک:

https://scholar.google.co.in/citations?hl=en&user=_bi0TtgAAAAJ&view_op=list_works&sortby=pubdate]

********

م ن۔ ن ع

 (U: 2542)