সাইন্স অমসুং তেক্নোলোজী মন্ত্রালয়
ভোপালদগী দি.এস.তি. ইন্সপাইর ফেকল্তীনা লীদ বেত্তরী মহুৎ শিনবা য়াবা অয়াংবা কার্বোন ফোম শেম্লে
কোর্বোন ফোম অসি মোৎশিল্লবা ঈশিংদগী অর্সেনিক, থাও অমসুং অতৈ মেতেলশিং শেন ইচং চংদনা লৌথোকপদসু শীজিন্নবা য়াগনি
কার্বোন ফোম অসি হু চেন্দবা, লায়না শেম্বা য়াবা, মমল হোংবা অমদি ঈশিংদা তুম্বা ঙম্বা পোৎশক্নি
Posted On:
15 MAY 2020 12:13PM by PIB Imphal
ভারত লৈঙাক্কী দিপার্তমেন্ত ওফ সাইন্স এন্দ তেক্নোলোজীনা লিংখৎপা ইন্সপাইর ফেকল্তী মনা ফংলবা সি.এস.আই.আর.-এদভান্স মেতরিএল্স এন্দ প্রোসেসেস রিসর্চ ইনস্তিত্যুৎ, ভোপালগী দাঃ রজীব কুমারনা লীদ এসিদ বেত্তরীদা য়াওবা লীদ গ্রিদকী মহুৎ শিনবা য়াবা মহী চুপশিনবা ঙম্বা কার্বোন মেতরিএলশিং শেমগৎলি।
মসি পাৱর ইলেক্ত্রোনিক্তা হীত সিঙ্ক ওইনা, এরোস্পেসতা ইলেক্ত্রোমেগ্নেতিক ইন্তর্ফরেন্স ঙাকথোকপদা, লীদ-এসিদ বেত্তরীশিংদা হাইদ্রোজেন স্তোরেজ অমদি ইলেক্ত্রোদ ওইনা অমসুং ঈশিং শেংদোকপগী সিস্তেমদসু শীজিন্নবা য়াগনি।
ফিগ: কোর্বোন ফোম ফেব্রিকেসন য়ুনিত্তা দাঃ রজীব কুমার
হৌজিক লৈরিবা গ্রিদ-স্কেল ইনর্জী-স্তোরেজ সেক্তর অসি লিথিয়ম-আইয়ন বেত্তরীশিংনা, মখোয়গী ইনর্জী দেন্সিতী ৱাংবা অমদি পাৱর চপ চানা লৈবা অমসুং মপুন্সি শাংবা মরম্না দোমিনেত তৌরি। অদুম্নমক লিথিয়ম-আইয়ন বেত্তরীশিংগী সেফতীগী খুদোংথিবা, মচাক মরাং কায়না লৈতবা, মমল য়াম্না ৱাংবা, অমদি রিসাইকল তৌবগী মচাক মথুমশিং লৈতবনচিংবা অরুবা ৱাফম খরা লৈরি। মরম অসিনা মহৌশাগী ফীভমদা থোইদোক্না কায়দবা, শেন্মিৎলোনদা খুদোংচগদবা অমসুং ইনর্জী দেন্সিতী হেন্না ৱাংবা অতোপ্পা বেত্তরী সিস্তেম অমা শেমগৎপা হায়বসি মথৌ তাহল্লি। মসিনা মরম ওইরগা লীদ-এসিদ বেত্তরী অসি হৌজিকফাওবগী ওইনা খ্বাইদগী থাজবা য়াবা, শেন চঙদবা অমসুং মহৌশাগী ফীভমদা শোকহন্দবা ওপসন অমা ওইরি। অদুম্নমক লীদ-এসিদ বেত্তরীশিংদা য়াওরিবা ইলেক্ত্রোদশিং অসিগী কা হেন্না লূম্বগী খুদোংচাদবা, চাথৎপা, থর্মেল স্তেবিলিতী ৱাৎপা, ইলেক্ত্রোলাইতশিংগী দিফ্যুজন দাইমেন্সম অমখক্তদা থোকপনচিংবনা পুথোক্লিবা মৈগী চাংদা শোকহল্লকই।
ইকুই কুইদ্রিঙৈদা দাঃ রজীবনা মহাক্কী থিজিল্লিবা কাংবুগা লোয়ননা ০.৩গ্রাম/সি.সি.দগী হন্থবা, চাদা ৮৫গী মথক্তা মহী চুপশিনবা ঙম্বা, মেকানিকেল মপাঙ্গল কনবা অয়াংবা কার্বোন ফোম শেম্লে। মহাক্কী কাংবু অসিনা ইং ২০১৬তগী (ইনস্পাইর ফেকল্তী ওইনা য়াওরবা মতুং) হৌরগা হৌজিকফাওবদা মমীং লৈরবা সাইন্তিফিক জর্নেলশিংদা কার্বোন ফোমগী মতাংদা চে ১৬লোম ফোঙখ্রে। ফোম অসি চাথৎকন্দে, সর্ফেস এরিয়া ৱাংবগা লোয়ননা ইলেক্ত্রিকেল অমসুং থর্মেল কন্দক্তিভিতী ফৈ অমদি লম কয়াদা শীজিন্নবা য়াবগী ওইথোকপা লৈবা মরম্না মীয়ামগী পুক্নীং য়াম্না চিংশিনবা ঙমখ্রে।
“ফেলোসিপ অসিগী খুত্থাঙদা ঐখোয়না মতিং হেনগৎলবা কার্বোন ফোম শেমগৎলে। ঐখোয়না ওতোমোবাইলদা অমদি য়ুমদা শীজিন্নরিবা লীদ-এসিদ বেত্তরীগুম্বা ইনর্জী স্তোরেজ সিস্তেমদা চাওনা তাংদুনা লৈরি। অয়াংবা কার্বোন ফোম অসিনা অরুম্বা, চাথৎকনবা অমদি থর্মেল স্তেবিলিতী ৱাৎপা লীদ-এসিদ বেত্ত্রীগী মহুৎ শিনবা য়াগনি,” হায়না দাঃ রজীব কুমারনা ফোঙদোকখি।
ইনস্পাইর ফেলোসিপকী মখাদা পুথোক্লিবা কার্বোন ফোম অসি মোৎশিল্লবা ঈশিংদগী অর্সেনিক, থাও অমসুং অতৈ মেতেলশিং লৌথোকপদসু শেন চঙদবা মচাক অমা ওইগনি। কার্বোন ফোমশিং অসি হু চেন্দে, শেম্বদা লায়, মমল চঙদে অমদি ঈশিংদা তুম্বা ঙম্মী। কার্বোন ফোম অসি শেম্নবগী মচাকশিং অসিসু মফম খুদিংমক্তা ইরায় লায়না ফংই অমদি কোর্বোন ফোম অসি শেম্নবগীদমক অমদি ফিলত্রেসন তৌনবগীদমক মমল ৱাংবা খুৎশু খুৎলায় চঙদে। অসিগুম্বা পোৎলমশিং অসি মৈগী ফীভম নুংঙাইতবা মনুং হঞ্জিনবা মফমশিংদা অকিবা লৈতনা শীজিন্নবা য়াগনি।
ফিগঃ ১ (এ) ওপ্তিকেল ইমেজ, (বি-সি) ওপন সেল স্ত্রকচর উৎপা কার্বোন ফোমগী এস.ই.এম. ইমেজ, (দি) কম্প্রেসিব স্ত্রেংথ, (ই) সাইক্লিক ভোল্তামিত্রী, (এফ) স্পেসিফিক কেপাসিতেন্স অমদি (জি) কার্বোন ফোমগী ই.এম.আই. ঙাকথোকপগী পর্ফোর্মেন্স।
(অহেনবা ৱারোলগীদমক দাঃ রজীব কুমারগা পাউ ফাওনবিয়ু ( kumarrajeev4[at]gmail[dot]com,Ph:07838352624)
চেফোঙগী লিঙ্কঃ
https://scholar.google.co.in/citations?hl=en&user=_bi0TtgAAAAJ&view_op=list_works&sortby=pubdate]
****
(Release ID: 1624114)
Visitor Counter : 221