মখাদা পীরিবা অকুপ্পা মরোলশিং অসিগী মতুং ইন্না সরকারগী সেক্যুরিতীগী শিংগৎকদবা ৱাৎলিবশিং অদুদি :

‘৮.২৭% সরকারগী সেক্যুরিতী ২০২০’গী মখাদা লৈহৌবা অহেনবা শেনফম অদু মথক্কী তেবল অসিগী কলম ৪দা উৎখ্রিবা অসিগী মতুং ইন্না শিংদোকপগী ওইগদবা অশেংবা নুমিত্তা পীবা য়াগনি। হায়রিবা শিংদোক্নবগী পীরিবা নুমিৎ অসি সুতি লাউথোকখিবা থোক্লবদি রাজ্য সরকার অমহেক্তনা নেগোসিয়েবল ইন্সত্রুমেন্ত এক্ত, ১৮৮১গী মখাদা লোনশিং অদুবু থবক শুরিবা মমাংগী নুমিৎ অদুদা রাজ্য অদুদা লৈরিবা পেয়িং ওফিসশিংনা পীগনি।

গোভর্মেন্ত সেক্যুরিতীজ রিগুলেসন্স, ২০০৭গী সব-রিগুলেসন ২৪(২) অমসুং ২৪(৩)গী মতুং ইন্না মেচ্যোরিতী পীবা অসি সবসিদ্যরী জেনরেল লেজর নত্ত্রগা কন্সতিত্বেন্ত সবসিদ্যরী জেনরেল লেদজর একাউন্ত নত্ত্রগা স্তোক সর্তিফিকেৎকী মওংদা সরকারগী সেক্যুরিতীগী রেজিস্তর তৌদুনা পাইরিবা মীশক অদুদা মহাক্কী বেঙ্ক একাউন্তকী মরু ওইবা চে-চাংশিং য়াওরবা পে ওর্দর নত্ত্রগা ইলেক্তোনিক্কী ওইবা পাম্বৈশিংগী খুত্থাংদা শেন্থংশিং ফংবা য়াবগী খুদোংচাবা লৈবা বেঙ্ক অমহেক্তগী মীশক অদুনা লৈরিবা একাউন্ততা হাপচিল্লকনি। সেক্যুরিতিশিং পীবগী মতাংদা, অসিগুম্বা সেক্যুরিতীশিং পাইরিবা অশেংবা মীশক নত্ত্রগা মতুং তাথরকপদা পাইরিবা মীশক অদুনা মাংজৌননা মখোয়গী বেঙ্ক একাউন্তকী মরু ওইবা চে-চাংশিং অদু থাজিনগনি। অদুবু, পীখ্রিবা মতম অদুদা লোন শিংগৎপদা খুদোংচানবা বেঙ্ক একাউন্তকী মরু ওইবা চে-চাংশিং/ ইলেক্ত্রোনিক্কী ওইবা পাম্বৈশিংগী খুত্থাংদা শেন্থংশিং ফংনবগী মেন্দেৎ য়াওদবা তারবদি পাইরিবশিং অদুনা ত্রেজরীশিং/সব-ত্রেজরীশিং অমসুং স্তেৎ বেঙ্ক ওফ ইন্দিয়াগী ব্রান্ছশিং (মখোয়না শেন্দোই থিনবগীদমক্তা চে-চাংশিং থনম্লিবা/রেজিস্তর তৌরম্লিবা ) অদুগী পব্লিক দেব্ত ওফিস্তা থাদোকখ্রিবা সেক্যুরিতীশিং অদু শিংগৎপগীদমক্তা পীরিবা নুমিৎ অদুগী মাংজৌননা নুমিৎ ২০গী মমাংদা পীখৎকদবনি।

দিসচার্জ ভেল্যু ফংনবগীদমক্তা  ওইবা থৌওংশিংগী আকুপ্পা মরোল পুম্নমক মমাংদা পনখিবা পেয়িং ওফিসরশিংদগী ফংবীগনি।

****