জল জীবন মিশন (জে.জে.এম)গী মখাদাদিসেম্বর ২০২২ ফাওবগী মনুংদা জম্মু-কশ্মীরনা খুঙ্গংগী য়ুমথোং খুদিংদা তোতি ঈশিং ফংহনবা হোৎনরি। চৎলিবা চহী অসিদা জিলা ৩, হায়বদি গন্ধরবাল, শ্রীনগর অমসুং রাইশিগী অপুনবা খুঙ্গং ৫০০০ দা চাদা ১০০ ফংহন্নবা রাজ্য অসিনা পান্দম থম্লি।

জে.জে.এম.গী মখাদা য়ুমথোং খুদিংদা তোতি ঈশিং ফংহন্নবগী পান্দমদা ঙরাং থক্নবা ঈশিং অমসুং মহীক-মতাই লৈহন্দনবগী বিভাগনা মখোয়গী থবক্কী পান্দম উত্তুনা মখোয়গী তৌগদবা থবক্কী থৌরাংশিং উৎলদুনা রাজ্য অসিগী মকোক থোংবশিংনা হায় মদুদি য়ুনিয়ন তেরিতোরীশিংদা ইমুং লাখ ১৮.১৭ লৈবগী মনুংদা লাখ ৫.৭৫দি হান্ননা মথৌ ফজনা তৌবা ইমুং-মনুংগী তোতিশিং (এফ.ঐস.তি.সি. )গী খুত্থাংদা ফংহনখ্রে। জম্মু অমসুং কশ্মীরনা লেমহৌরিবা ইমুং লাখ ১.৭৬ তা ইং ২০২০-২১ ফাওবদা তোতি ফংহন্নবগী পান্দম থমলি।

মসিগী শেনবাগী চহীসিগী জে.জে.এম.গী মখাদা সেন্ত্রেল শেয়র ওইনা ইয়ু.তি.না লুপা করোর ৬৮০ ফংলবা য়াই। য়ুনিয়ন তেরিতোরী অসি ফিজিকেল অমসুং ফাইনান্সিএলগীদা পাংথোরকপদু য়েংঙগা অতোপ্পা শেলশিং ফংনবগী মতিক চাবা ওই। য়ুনিয়ন তেরিতোরীগী লৈঙাক্না দিসেম্বর ২০২২ ফাওবদা ২০২৪-২৫কী নেস্নেলগী পান্দম অদু চাদা ১০০ য়ৌশিল্লক্নবগী থৌরাং তৌরি। মতৌ অসুম্না তৌরগা, জম্মু অমসুং কশ্মীরনা খুঙ্গংগী ইমুং খুদিংদা তোতি ফংহনখিবগী থমখিবা পান্দম অদু মপুং ফাহনখিবদা মকোক ওইরিবা খুদম অমনি।

ঈশিং চাংয়েং তৌনবা লেবোরেতরীশিংগী মনুংদগী ৯৮দি, থবক হৌখিবা চহীদুদা ইয়ু.তি.না লেব ১০ এন.এ.বি.এল.না শকখঙবীনবগী থৌরাং তৌরি। শেমদোকপা য়াবা পাম্বৈশিংগীদমক ঈশিংগী ক্বালিতীগী থাক অদুগী চাংয়েং তৌনবগীদমক্তা কম্ম্যুনিতীগী থাক্তা ফিল্দ তেস্তিং কিৎশিং ফংহনগনি। য়ু.তি.গী লৈঙাক্না ক্বালিতীনা চৈথেং ফংহল্লবা মী খুন্দারিবা মফম ৪মক্তা থক্নবা ঈশিং ফংহন্নবা থৌরাং তৌরি। কাংলুপ অদুদা মশাগীনি হায়বগী ৱাখল্লোন অদু লৈহন্নবগীদমক্তা খুঙ্গংগী ঈশিং অমসুং মহীক-মতাই লৈহন্দনবগী কমিতীদা ৱা কন্না হায়খ্রে। তৌবা য়াবা থবকশিং লোইশিন্নবদা য়েংঙগা খু্ঙ্গংদা থবক পায়খৎনবগী থৌরাংশিং পায়খৎখ্রে।

তমথিরবা কোবিদ-১৯গী তেস্ত তৌরিঙৈসিদা খুঙ্গংগী মফমশিংদা তোতী ঈশিংগী কনেক্সনশিং ফংননবা কন্না হোৎনবা অসিগুম্বা অসি চপ-চানা লাইনা পুন্সি হিংবা হেনগৎহনগনি, মরুওইনা নুপী অমসুং নুপীমচাশিংদা শুনীং-হৈনীংদবা হন্থহন্দুনা শোয়-ঙামদনা অমসুং ইকাই খুম্ননীংঙাই ওইবা পুন্সি অমদা ওইহল্লি।  

‘জল জীবন মিশন’ (জে.জে.এম.) অসি লৈবাক অসিদা লৈরিবা খুঙ্গংগী ইমুং খুদিংদা মখোয়গী হিংবগী থাকশিং ফগৎলক্নবা অহোংবা মমলদা থিনবীরকপগী চার্জশিংদা চাং নাইনা অমসুং মতম শাংনা আইন্না য়াবা ক্বালিতীগী মতিক-চাবা চাংদা থক্নবা ঈশিংগীদমক্তা এফ.ঐচ.তি.সি. অমা ফংহনবনি। 

খুঙ্গংগী মীশিংনা মীয়াম্না উয়ুংদা লেপ্তুনা অমসুং ক্যু শাংনা লেপ্তুনা ৱানা ঈশিং শোকপা চৎনদনবা শক্তি লৈরবা কোবিদ-১৯গী ফিভমসিদা য়েংঙগা খুঙ্গংগী ইমুংশিংদা তোতী ঈশিংগী কনেক্সন ফংহন্নবা কন্না হোৎনরিবা অসি কেন্দ্র সরকারনা থৱায় য়াওনা হোৎনবননি। খুন্নাই অসিগী লায়রবশিং অমসুং লায়রবগী পনখৈদা লৈবা সেক্সনশিংদা সোসিয়েল দিস্তেন্সিংগী চৎন-কাংলোনশিং ইন্দুনা ঈশিং শোকফমদা চত্তনবা মখোয়গী ময়ুম মনুংদা তোতিগী কনেক্সন পীদুনা ঈশিং ফংহন্দুনা তমথিরবা কোবিদ-১৯ থোরকপনা শোয়দনা শোকহন্দনা থম্নবা তৌরি। পাউতাক্লোইশিংনা রাজ্যশিং/য়ুনিয়ন তেরিতোরীশিংদা খুঙ্গংগী ইমুংশিংদা তোতিগী কনেক্সন ফংহন্দুনা  থক্নবা ঈশিংগী থবকশিং হান্না পায়খৎপগা লোয়ননা লমদুগী মীশিং অমদি মাইগ্রেন্ত ৱর্করশিংদা থবক্কী খুদোংচাবা শেম্নবা হায়খ্রে।  

হৌখিবা থা ৩সিদা, রাজ্যশিং/য়ুনিয়ন তেরিতোরীশিংগা খন্নদুনা ইমুংশিংদা তোতিগী কনেক্সন ফংহন্নবা খুঙ্গং খুদিংদা  পাংথোকখিবা ঈশিং পীবগী থবকশিংগী স্কীমশিং অদু য়েংশিনখ্রে।

****