କାର୍ମିକ, ସାଧାରଣ ଅଭିଯୋଗ ଓ ପେନସନ ମନ୍ତ୍ରଣାଳୟ
ଜମ୍ମୁ-କଶ୍ମୀର ଏବଂ ଲଦାଖର କୋଭିଡ-19 ବ୍ୟବସ୍ଥା ନେଇ ଡଃ ଜିତେନ୍ଦ୍ର ସିଂଙ୍କ ସମୀକ୍ଷା
ପୋଷ୍ଟ କରାଯିବା ଦିନାଙ୍କ:
12 MAY 2020 6:55PM by PIB Bhubaneswar
କେନ୍ଦ୍ର ଉତ୍ତର-ପୂର୍ବାଞ୍ଚଳ ବିକାଶ (ସ୍ଵାଧୀନ), ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ, ସାଧାରଣ ଅଭିଯୋଗ, ପେନସନ, ଆଣବିକ ଶକ୍ତି ଏବଂ ମହାକାଶ ବିଭାଗ ରାଷ୍ଟ୍ରମନ୍ତ୍ରୀ ଡଃ ଜିତେନ୍ଦ୍ର ସିଂ ଆଜି ଜମ୍ମୁ-କଶ୍ମୀର ଏବଂ ଲଦାଖର ସମସ୍ତ ଜିଲ୍ଲା ଡେପୁଟି କମିଶନରଙ୍କ ସହ ବର୍ତ୍ତମାନ କୋଭିଡ-19ର ସ୍ଥିତି, ଦୁଇ କେନ୍ଦ୍ରଶାସିତ ଅଞ୍ଚଳରେ ଅସହାୟ ଲୋକଙ୍କ ପହଞ୍ଚ ଏବଂ ପ୍ରଶାସନ ଦ୍ଵାରା ଶ୍ରମିକ ସ୍ଵତନ୍ତ୍ର ଟ୍ରେନ ମାଧ୍ୟମରେ ଆସୁଥିବା ଯାତ୍ରୀଙ୍କ ବ୍ୟବସ୍ଥା ସହିତ ଆସନ୍ତାକାଲିଠାରୁ ଜମ୍ମୁକୁ ନିୟମିତ ଟ୍ରେନ ସେବା ଆରମ୍ଭ ବିଷୟରେ ମତ ବିନିମୟ କରିଥିଲେ । କୋଭିଡ-19 ସଙ୍କଟକୁ ନିୟନ୍ତ୍ରଣ କରିବା ପାଇଁ ଦୁଇ କେନ୍ଦ୍ରଶାସିତ ଅଞ୍ଚଳରେ କରାଯାଇଥିବା ଉଲ୍ଲେଖନୀୟ ଉଦ୍ୟମ ପାଇଁ ମନ୍ତ୍ରୀ ଡେପୁଟି କମିଶନରମାନଙ୍କୁ ପ୍ରଶଂସା କରିଥିଲେ । ଡକ୍ଟର ଜିତେନ୍ଦ୍ର ସିଂ କହିଥିଲେ ଯେ, ବାସ୍ତବରେ ଜମ୍ମୁ-କଶ୍ମୀରରେ ସଂକ୍ରମଣର ଦ୍ଵିଗୁଣିତ ମାମଲା ସଂଖ୍ୟା ଜାତୀୟ ହାରଠାରୁ ଅଧିକ ଭଲ । କୋଭିଡ-19 ପାଇଁ କରାଯାଉଥିବା ଅଧିକ ସଂଖ୍ୟକ ପରୀକ୍ଷାକୁ ନେଇ ସେ ସନ୍ତୋଷ ବ୍ୟକ୍ତ କରିଥିଲେ ।
ଡଃ ସିଂ ଆହୁରି ମଧ୍ୟ କହିଥିଲେ ଯେ, ଛାତ୍ରଛାତ୍ରୀଙ୍କ ସମେତ 50,000ରୁ ଅଧିକ ଅସହାୟ ଲୋକ କେନ୍ଦ୍ରଶାସିତ ଅଞ୍ଚଳକୁ ଫେରି ଆସିଛନ୍ତି ଏବଂ ସେମାନଙ୍କୁ ପରୀକ୍ଷା, ଏକାନ୍ତବାସ ଏବଂ ଘରକୁ ପଠାଇବା ବ୍ୟବସ୍ଥା ପାଇଁ ପ୍ରଶାସନ ଏକ ଉତ୍ତମ କାର୍ଯ୍ୟ କରିଛି । ସାମାଜିକ ଦୂରତା ନିୟମକୁ ବଜାୟ ରଖିବା ପାଇଁ ଭିନ୍ନ ଭିନ୍ନ ଦୋକାନଗୁଡିକୁ ଭିନ୍ନ ଭିନ୍ନ ଦିନରେ ଭିନ୍ନ ଭିନ୍ନ ସମୟରେ ଖୋଲାଇବାକୁ ମନ୍ତ୍ରୀ ଡେପୁଟି କମିଶନରମାନଙ୍କୁ ଅନୁରୋଧ କରିଥିଲେ । ଗୃହ ମନ୍ତ୍ରଣାଳୟର ନିର୍ଦ୍ଦେଶାନୁଯାୟୀ ନାଗରିକଙ୍କ ସୁରକ୍ଷା ପାଇଁ ଆରୋଗ୍ୟ ସେତୁ ଆପ ଡାଉନଲୋଡ ଏବଂ ବ୍ୟବହାର କରିବା ନେଇ ମନ୍ତ୍ରୀ ପୁନର୍ବାର କହିଥିଲେ ।
**********
(ରିଲିଜ ଆଡି: 1623468)
ପରିଦର୍ଶକ କାଉଣ୍ଟର : 223