نئی دہلی،08مئی :     حکومت ہند کے نوٹیفیکیشن نمبر، ایف نمبر 4 (4) -بی / (ڈبلیو اینڈ ایم) / 2020 مورخہ 13اپریل ، 2019 کے لحاظ سے سوورین گولڈ بانڈز 2020-21 (سیریز دوم) 11-15 مئی ، 2020 کی مدت میں کھولے جائیں گے۔ اس کے لئے نمٹارے کی تاریخ 19 مئی 2020 ہو گی۔ سبسکرپشن کی مدت کے دوران بانڈ کی ایشو قیمت 4،590 روپے (صرف چار ہزار پانچ سو نوے) روپئے فی گرام ہوگی ، جیسا کہ آر بی آئی نے 8 مئی 2020 کو اپنی پریس ریلیز میں بھی شائع کیا ہے۔

حکومت ہند نے ریزرو بینک آف انڈیا کے ساتھ مشاورت سے فیصلہ کیا ہے کہ وہ ان سرمایہ کاروں کو جو آن لائن درخواست دیتے ہیں اور اس کی ادائیگی ڈیجیٹل موڈ کے ذریعہ کرتے ہیں، ایسے لوگوں کو ایشو قیمت سے فی گرام 50 روپئے (صرف پچاس روپے) کی چھوٹ کی اجازت ہے۔ ایسے سرمایہ کاروں کے لئے گولڈ بانڈ کی ایشو قیمت 4،540 روپے (صرف چار ہزار پانچ سو چالیس روپئے) فی گرام ہوگی۔

*************

م ن۔ن ا ۔م ف 

U: 2387