ইন্দিয়ন রিন্যুএবল ইনর্জী (আর.ই.) সেক্তরনা ঙসি ইতিহাসিক ওইরবা নুমিৎ অমগী সাখি ওইখ্রে, রাওন্দ দি ক্লোক (আর.তি.সি.) সপ্লাইগা কোন্ননা ৪০০ মেগা ৱাত আর.ই. (রিন্যুএবল ইনর্জী) প্রোজেক্তশিংগীদমক্তা ই-রিভর্স নিলামী অদু অঙকপা মওংদা লুপা ২.৯০/Kwh দা লোইশিনখি। মসিগী নিলামী অসি ন্যু অমসুং রিন্যুএবল ইনর্জী মন্ত্রালয়গী মখাদা কেন্দ্রগী পি.এস.ইয়ু. অমা ওইরিবা সোলর ইনর্জী কোর্পোরেসন ওফ ইন্দিনা পাংথোকখিবনি। নিলামী অদুদা কন্না পুং ৩ চংনা য়েৎনরিঙৈগী মতমদুদা পৈশা ৬৯ তারকপা উখিবা নিলামীগী মতুংদা এম./এস.রিন্যুএবল সোলর পাৱর প্রাইভেৎ লিমিতেদতা ৪০০ মেগা ৱাতকী কেপাসিতীদা পীখি।

মসিগী কন্না হোৎনবসিগীদমক এস.ই.সি.আই.বু শিংথারদুনা রাজ্যগী কেন্দ্র মন্ত্রী (আই.সি.), পাৱর অমদি ন্যু অমসুং রিন্যুএবল ইনর্জী অমসুং স্কীল দিবেলপমেন্ত অমসুং ওন্ত্রপ্রিন্যুরশিপকী রাজ্য মন্ত্রী শ্রী আর.কে. সিংহনা হৌখিবা নুমিদাংৱাইরমদা ত্বীৎ অমদা হায়খি, “এস.ই.সি.আই. লিমিতেদনা পুং ২৪ রাওন্দ দি ক্লোক (আর.তি.সি.) সপ্লাইগা কোন্ননা ৪০০ মেগা ৱাতকী আর.ই. প্রোজেক্তশিংগীদমক্তা লুপা ২.৯০/KWh তারিফ ওইবদগী ই.আর.এ.গী লমদা ওইনা সনাগী লমায় অমা হাপচিল্লে। এন.আর.ই. মন্ত্রালয়না চাদা ১০০গী আর.ই. পাৱরদগী লল্লোনমিন্নবা য়াবা, হান্না লেপথোক্নবা মতম অমসুং অহোংবা মমলগী আর.তি.সি. সপ্লাইগী মায়কৈরোমদা নৌনা হৌদোকপা থবক্নি।”

৪০০ মেগা ৱাতকী চাংদা ওইবা তেন্দর অদুনা অপুনবা ৯৫০ মেগা ৱাতকী ওইবা নীলামগী শেল হুনবা মরীগা লোয়ননা অকনবা মওংদা শরুক য়াখি। শেল হুনবা ৪দুগী মনুংদা ৩গী মমিং পল্লবদা, এম./এস. রেন্যুএবল সোলর পাৱর প্রাইভেৎ লিমিতেদ, এম./এস. গ্রীনকো ইনর্জীজ প্রাইভেৎ লিমিতেদ অমসুং এম./ঐচ.ই.এস  ইনফ্রা প্রাইভেৎ লিমিতেদনা ই-রিভর্স ওক্সনগীদমক অরোইবা ওইনা মমিং থোকখি।

এম./এস. অয়ানা লিন্যুএবল পাৱর প্রাইভেৎ লিমিতেদনা মরীশুবা নীলামগী শেল হুনবা ওইখি। মসিগী প্রোজেক্ত অসিগী পাৱর অসি এন.দি.এম.সি. অমদি দমন  অমসুং দিয়ু অমসুং দাদ্রা অমসুং নগর হবেলীনা ২০০ মেগা ৱাতকী কেপাসিতী লৈবা খুদিংদা পান্দম থম্লম্মী।  প্রোজেক্তশিং অসিগী সিল্লিং তারিফ শিং লৈতে অমসুং শেমগৎলিবশিংনা পেন-ইন্দিয়াগীদা য়ুম্ফম ওইরগা অথিংবা অমত্তা য়াওদনা শেমগৎপা য়াগনি।  তেন্দর অসিদা লৈরিবা প্রোজেক্তশিং অসি ব্যুল্দ-ওন-ওপরেতকী মোদেলদা শেমগৎকনি।

মসিগী তারিফ  অসি ইতিহাসিক ওইবগী মরমদি মসিগী তেন্দর অসি চাদা ১০০গী আর.ই.গী ওইবা ইনর্জী পুথোকফম, হায়বদি নুংশিৎ অমসুং সোলর পি.ভি. ওইনা তুংশিন্দুনা লৈরিবশিংদুগা য়ানশিন্নদুনা অসি রাওন্দ দি ক্লোক ইনর্জী সপ্লাই অমগীদমক ফংহনখিবনি। দিবেলপ তৌরিবা অদুনা য়াম্লবদা পি.পি.এ.চৎনখিবা তাং অদুদগী থা ২৪গী মতম পীগনি।  অহানবা চহীগী তারিফ  অদু পি.পি.এ.গী ১৫ শুবা চহীদগীনা ২৫ শুবা চহীগী মতম ওইনা চাদা ৩গী চাংদা কাগদবনি।  মসিগী মহৈ ওইনা, হায়রিবা প্রোজেক্তসিগী শেনফমগীদমক লুপা ৩.৫৯/কিলো ৱাতকী তারিফকী মথৌ তৌবা ওইগদবনি। উরিবা তারিফ শিংদুগা জেনরেৎ তৌনবগী শেম্বা ফংফমশিংদুদা চাংদম্নবদা, মসিগী তারিফ  অসিনা চাদা ১০০গী আর.ই. সপ্লাইদগী মখোয়গী ইনর্জী ফংনবা তাল্লকপদা দিস্কোমগীদমক হেন্না ফবা ৱাফম অমা ওইহল্লি।

শেল হুল্লকপশিংনা থম্লকপা ৱাফমগী মতুংইন্না, দিবেলপ্পর অদুনা চহীগী ওইনা য়ামদ্রবদা চাদা ৮০গী সি.ইয়ু.এফ.  (কেপাসিতী য়ুতিলাইজেসন ফেক্তর) গী মথৌ তাবা অমসুং থাদা চাদা ৭০গী মথৌ তাবা অদু মপুং ফানবা য়াথং পীরি। পি.পি.এ.গী মতাংদা  মথক্তা থম্লিবা মথৌ তারিবা ৱাফমশিং অসি ফংবদা মায়থিরবদি,  অকক্নবা চহী অমদা  মথক্কী মথৌ তাবশিং অসি ফংদ্রি ফাওবা মতুং তারকপা চহীশিংদা তারিফ  কাখৎলকপা  লৌথোক্কনি। মথক্তা পনখিবা মথৌ তাবশিং অসিগী মতাংদা, মসিগী তেন্দর অসিনা করিগুম্বা এম.এন.আর.ই. অমসুং এস.ই.সি.আই.না হোৎনজবা অদুগীদমক্তা থাজনীংঙাই ওইবা আর.ই. পাৱরগী সপ্লাই মোদেলগী ফংহনবনা চাউনা মায় পাকপা ওইগনি, মদুনা শোয়দবা মওংদা মমাংদগী তৌনরক্লবা প্রোজেক্ত অমগী মফম লৌবা ঙম্মি।

****