রোদ ত্রান্সপোর্ত অমসুং হায়ৱেজ অমদি এম.এস.এম.ই.গী কেন্দ্র মন্ত্রী শ্রী নিতিন গরকরীনা কৈলাস-মানসরোবর য়াত্রা রুৎ হায়না ময়াম্না খঙনরবা ধারচুলাদগী লিপুলেখ (চাইনা বোর্দর) ফাওবগী লম্বী শেম্বা লোইশিন্নবগীদমক বোর্দর রোদস ওর্গনাইজেসন (বি.আর.ও.)না হোৎনখিবশিং অদু থাগৎপা ফোংদোকখ্রে। ঙাকশেল মন্ত্রী শ্রী রাজনাথ সিংহনা বিদিও কনফরেন্সিংগী থোংদা পিথোরাগরদগী গারীশিংগী অহানবা কনভোই লমথাদুনা ঙসি লম্বী অসি হৌদোকখি।

শ্রী গরকরীনা হায়খি, অহানবা ওইনা ঙমখৈগী খুঙ্গংশিংবু লম্বীশিংগা শম্নহল্লে অমদি কৈলাস-মানসরোবর য়াত্রীশিংনা হৌজিক কিলোমীতর ৯০গী অরুবা ত্রেক্ততগী নান্থোক্লগনি অমদি চাইনা ঙমখৈ ফাওবা গারীশিংনা চৎপা য়ারগনি।

ধারচুলা-লিপুলেখ লম্বী অসি পিথোরাগর-তাৱাঘাৎ-ঘাতিয়াবাগর লম্বীগী এক্সতেন্সন অমনি। মসি ঘাতিয়াবাগরদগী হৌরগা কৈলাস-মানসরোবরগী গেৎৱে ওইরিবা লিপুলেখ পাসতা লোইশিল্লি। মসিগী কিলোমীতর ৮০ শাংবা লম্বী অসিদা ওল্তিচুদ অসি ফীৎ ৬০০০তগী ফীৎ ১৭,০৬০ ফাওবা ৱাংলি। প্রোজেক্ত অসি মপুং ফানা লোইশিনবনা কৈলাস-মানসরোবর য়াত্রাগী পিলগ্রিমশিংনা অৱাংবা ওল্তিচুদতা খোংনা চৎরোই অমসুং খোংচৎকী মতমসু নুমিৎ কয়া হন্থরগনি।

হৌজিক্কী ওইনা সিক্কিম নত্রগা নেপালগী থোংদা কৈলাস-মানসরোবর চৎপদা চাউরাক্না চয়োল অনিদগী অহুম ফাওবা চংই। লিপুলেখ রুৎনা কিলোমীতর ৯০ শাংবা ত্রেক অমা লৈরি অমসুং অহল ওইরবা য়াত্রীশিংনা খুদোংচাদবা কয়া মায়োক্নরি। হৌজিক্তি খোঙচৎ অসি গারীশিং শিজিন্দুনা চৎপা য়ারে।

খুদোংচাদবা কয়ানা মরম ওইদুনা লম্বী অসি শেমগৎপগী থবক-থৌরমশিং থিংজিনখি। লেপ্পা লৈতনা উন তাবা, ওল্তিচুদ খংৱাং ৱাংখৎপা অমদি থোইদোক হেন্দোক্না ইংবনা মরম ওইদুনা থবক তৌবগী মতম অসি থা মঙা ওইখি।

মসিগী মথক্তা মশিং য়াম্লবা খংহৌদবা ইচাউ অমসুং লৈচিলনা য়াম্না চাউনা মাংহন-তাকহনখি। হৌরকপগী কিলোমীতর ২০দা চিংশিং অসিগী অকনবা নুংজাওশিং লৈরম্মি অমদি নুংজাওশিং অদু চপ য়ুংনা লেপলম্মি, মদুনা মরম ওইরগা বি.আর.ও.না পুন্সি কয়া মাংখ্রে অমদি ইক্বুইপমেন্ত ২৫সু কালি নদিদা তাশিনবনা মরম ওইদুনা য়াম্না শাথিনা মাংহন-তাকহনখি।

খুদোংচাদবা কয়া মায়োক্নরবসু, হৌখিবা চহি অনিদা বি.আর.ও.না এতেক্ত পোইন্ত কয়া শেমগৎতুনা অমদি মোদর্ন তেক্নোলোজী ইক্বুইপমেন্ত শিজিন্নদুনা মসিগী আউৎপুত শরুক ২০ হেঙ্গৎপা ঙমখি। সেক্তর অসিগী মনুংদা স্তোর্স/ ইক্বুইপমেন্ত তন চা কয়া হাপচিন্নবা হেলিকোপতরশিংসু শিজিন্নখি।

****