নাশিক ম্যুনিসিপাল কাউন্সিল (এন.এম.সি.)না কোবিদ-১৯গা লান্থেংননবা থবক থৌরম কয়া অমা পায়খৎলি। শহর অসিদা পায়খৎপা মরু ওইবা থবকশিংদা য়াওবা খরা মখাদা পীরিঃ

মীয়ামগী মফমশিং নালহনবা/সেনিতাইজ তৌবাঃ এন.এম.সি.গী তোঙান তোঙানবা লোইশঙশিং, ক্বারেন্তাইন তৌফমশিং অমসুং শহর অসি শিনবা থুংনা স্ক্বার কিলোমীতর ৩৬ পাক চাওবা মফমশিংদা ত্রেক্তর ৮ (কিলোমীতর ৭৫ শাংবা লম্বীদা) অমসুং পম্প ১৩না সোদিয়ম হাইপোক্লোরাইৎ কাপথোকখি। মখা তানা, মেলেরিয়াগা লান্থেংনরিবা থৌমী ২৮৭না মথংশিৎনা স্ক্বার মীতর ৩৭.৫ পাক চাওবা অমসুং কিলোমীতর ১০৯ শাংবা মফমশিংদা তিন হিদাক অমসুং মৈখুগী স্প্রে কাপথোকখি।  

ক্বারেন্তাইন্দা লৈবা ইমুং মনুংদগী ফত্ত হাওদি লৌনবা তোঙানবা গারি থম্বাঃ  য়ুমদা ক্বারেন্তাইন তৌবা য়ুমথোং খুদিংদা চত্তুনা ফত্ত-হাওদি লৌখৎপগী থবকসু কোর্পোরেসনগী সেনিতেসনগী থৌমীশিংনা তোঙান্না তৌই।

সেনিতেসন থৌমীশিংদা অখন্নবা পি.পি.ই. পীবাঃ খুত্তা উপ্নবা গ্লোব, মায়গী মাস্ক, হেন্দ সেনিতাইজর অমসুং অতোপ্পা পি.পি.ই.নচিংবা ইশা ঙাকথোকচনবা পোৎলমশিংসু মেদিকেলগী মীওই ৭৪৮ অমসুং সেনিতেসনগী থৌমী ১৫০০দা পীখি।

ইন্সতিত্যুসনেল ক্বারেন্তাইন ৱার্দকী খুদোংচা পীবাঃ শহর অসিদা কোবিদ-১৯না নারে চিংনবা মীওইশিং থম্নবা ইন্সতিত্যুসনেল ক্বারেন্তাইন ৱার্দ ১৪ শেম শাদুনা পীবা। ঙসিফাওবদা ইন্সতিত্যুসনেল ক্বারেন্তাইন ৱার্দতা ফমুং ৭২ শিজিন্নরে।

থিংজিন্দুনা থম্লবা জোন্দা দাক্তর অমসুং হকশেলগী থৌমীশিংনা ফ্রন্তলাইন তেস্তিং তৌবাঃ দাক্তর অমসুং হকশেলগী থৌমীশিং য়াওনা মীওই ২২, ১২ অমসুং ১১না শাবা তাস্ক ফোর্সশিং গোবিন্দ নগর, অনন্দ বালি অমসুং নাশিক রোদতা লৈবা মীয়ামগী হেলথ চেক অপ তৌনবা থাদোকখ্রে। থিংজিন্দুনা থম্লবা মফমশিংদা হকশেলগী থৌমীশিংনা ঙসিফাওবদা মীওই ৮০০০গী হেলথ চেক অপ তৌখ্রে।

 ‘মহাকবচ’ কৌবা স্মার্তফোন এপঃ

মহাকবচ অসি হৌজিক হৌজিক্কী ওইবা পুংফমদা মীয়াম্না হকশেলগী থৌমীশিংদা কন্তেক্ত ত্রেসিং, জিও-ফেন্সিং অমসুং কোবিদ-১৯গী ক্বারেন্তাইন তৌবা মীওইগী ত্রেসিং তৌবগী মরমদা মতেং পাংনবা পুথোকপা কন্তেক্ত ত্রেসিং তৌনবা এপ অমনি। এপ্লিকেসন অসিদা সেলফি নমদুনা এতেন্দেন্স লৌদুনা বর্চুৱেল এতেন্দেন্স তৌবা য়ানবা খুদোংচাবা অমসু হাপচিল্লে। এপ অসি দাক্তর অমসুং মেদিকেলগী থৌমীশিংনা হায়রকপগী মতুং ইন্না মশা মশানা শিজিন্নগদবনি। এপ অসিনা কাংলোন চুম্না ইন্দুনা ক্বারেন্তাইন তৌবগী ৱারোল অপদেৎ তৌনবা ইথিল পী। অপদেৎ অসিনা য়ুমগী লৈফমগী দেতা চুম্বসু হেলহল্লি। মসিনা ব্রিচ অপদেৎ অসি অমুক্তং থাবা য়াহল্লি।

স্মার্তফোন এপ “নাশিক বজার”: গ্রোসরি, তিফিন, চাক, হিদাক লাংথক, হৱাই-চেংৱাই, উহৈ-ৱাহৈ, শঙ্গোম, অচাপোৎ, হেঞ্জাং-নাপীনচিংবা নোংমদা চংদ্রবা য়াদ্রবা পোৎলমশিং ওনলাইন্দা ওর্দর তৌদুনা য়ুমদা থীল্লকপা য়াবগী কান্নবা পীবা এপ “নাশিক বজার” অসি নাশিক ম্যুনিসিপাল কোর্পোরেসন অমসুং মহারাস্ত্র চেম্বর্স ওফ কম্মর্স ইন্দস্ত্রী এন্দ এগ্রিকলচর (এম.সি.সি.আই.এ.)না পুন্না শাখ্রে। য়ুমদা লৈবা মীওই ৯০২ অমসুং পোৎ য়োনবা মীওই ৩৩২না হৌজিকফাওবদা পুন্না রেজিস্তর তৌখ্রে।

স্মার্তফোন এপ “এন.এম.সি. কোবিদ-১৯”: মসিনা মীয়ামদা সর্বিস ১১গী কান্নবা পী। কোরোনা নাবগী চিংনবা মীওইগী মরমদা পাউ পীনবা – কোবিদ-১৯ ইনফোর্মর, দাক্তর, হোস্পিতাল, এম্বুলেন্সচচিংবগী ফোন নম্বর পীবা, গ্রোসরি অমসুং শা-য়েন য়োনবা দুকানগী পরীং, লৈত-লাইরশিংদা চানবা পীবা সর্বিস্কী রেজিস্ত্রেসন তৌবা, মফম মফমগী মতুং ইন্না শেলতর হোমশিংদা পন্দুনা লৈরিবা মীওইগী ৱারোল পীফম্নচিংবা সর্বিস কয়া এপ অসিনা পী। হৌজিক ফাওবদা মীওই ৭০০ হেনবনা এপ অসি দাউনলোদ তৌদুনা শিজিন্নরি।  

ভি.এম.দি. অমসুং পি.এ.এস.কী খুত্থাংদা মীয়াম খংমিন্নবাঃ কোবিদ-১৯গী অঙনবা সিম্পতম, চেকশিং থৌরাংশিং অমসুং হেল্পলাইনগী নম্বরশিং পীনবগীদমক্তা রিমোৎলি কন্ত্রোল তৌরবা লেপ্তবা অমসুং পিকচর মেসেজ উৎনবা ভেরিএবল মেসেজ দিস্প্লে অমসুং পব্লিক এদ্রেসিং সিস্তেম (পি.এ.এস.) শেম শাখ্রে। সেন্ত্রেল বস স্তেন্দ, রেলৱে স্তেসনগী লম্বী, ইন্সতিত্যুসন লৈবা মফমশিং অমসুং জঙ্কসনগুম্বা মী য়াম্না চিনবা মফমশিংদা অসিগুম্লবা স্মার্ত ইলিমেন্তশিং অসি থমখ্রে।

আই.ভি.আর.দা য়ুম্ফম ওইবা ২৪*৭ হেল্পদেস্কঃ কোবিদ-১৯গী মরমদা ফোন তৌবগী অমসুং হান্ননা ঙাংলগা লৌশিন্দুনা থম্বা, ৱাহৈগী অমসুং খোঞ্জেলগী মেসেজ থানবা  ২৪*৭ হেল্পদেস্ককী সিস্তেম শিজিন্নবা। ঙসি ফাওবদা লৈবাক শিনবা থুংবদা লৈবা মীয়াম ৪,৫০,০০০দা ৱাহৈগী অমসুং খোঞ্জেলগী মেসেজ থাদুনা পাউ পীরি। অহল ওইরবা অমসুং নাম্মা শোইরবা মীওইশিংদা নোংমগী চংদ্রবা য়াদ্রবা পোৎ-চৈ অমসুং হিদাক-লাংথক ফংনবা মতেং পাংনবা তোঙানবা হেল্পলাইন নম্বর অমসু লৈ।

ইন্তিগ্রেতেদ কম্মান্দ এন্দ কন্ত্রোল সেন্তর প্লেৎফোর্মঃ ৱেব অমসুং মোবাইলদা য়ুম্ফম ওইবা এপ্লিকেসনশিং য়েংশিন্নবা আই.সি.সি.সী. প্লেৎফোর্ম শিজিন্নবা।

হকচাং সেনিতাইজ তৌনবা মেছিনঃ নাশিক ম্যুনিসিপাল কোর্পোরেসনগী ময়াই লোইশঙ, দিবিজনেল ওফিস অমসুং অনা লায়েংশঙশিং (বি.ৱাই.তি.সি.ও. হোস্পিতাল, ইন্দিরা গান্ধী হোস্পিতাল, স্বামি সমর্থ হোস্পিতাল অমসুং জাকির হুসেন হোস্পিতাল)দা হকচাং সেনিতাইজ তৌনবা মেচিন থম্বা।

এরোসোল বোক্সঃ স্বাব সেম্পল লৌনবা অমসুং কোবিদ-১৯না চিংনবা মীওইশিং ওপরেৎ তৌবা মতমদা দাক্তরগুম্বা মেদিকেলগী থৌমীশিংবু ঙাকথোক্নবা ম্যুনিসিপালগী অনা লায়েংশঙশিংদা এরোসোল বোক্স অমসুং এরোসোল ইন্ত্যুবেসন বোক্স শিজিন্নবা।

• নর্স অমসুং আশাগী থৌমীশিংনা মফম কয়াদা য়ুম-য়ুমদা চত্তুনা কোবিদ-১৯গী সর্বে তৌবা, মীয়ামদা খংহনবা অমসুং কোরোনা ভাইরসকী চেক-অপ তৌবা
• নর্স অমসুং আশাগী থৌমীশিংনা ক্বারেন্তাইন্দা লৈবা মীওইগী য়ুমদা নুংতিগী চৎপা অমসুং ফোন তৌবা

কোবিদ-১৯ হেল্প সর্বেগী ৱাহংশিং : কোবিদ-১৯ সিম্পতম, লমদা চৎলুবগী ৱারোল অমসুং লৈফমগী অকুপ্পা মরোলগা মরী লৈনবা কয়া খংবা ঙম্নবা মীয়ামগী পাউ লৌনবা ফোর্ম অসিনা মরী লৈনবা মীওইশিংনা সিম্পতমেতিক ওইবা মীওইশিং খংদোকপদা মতেং পাংগনি।

উহৈ অমসুং হেঞ্জাং-নাপীগী কৈথেলশিং দিসেন্ত্রেলাইজ তৌবাঃ  এন.এম.সি.না শহরসিগী তোঙান তোঙানবা মফমশিংদা উহৈ অমসুং হেঞ্জাং-নাপী য়োন্নবা কৈথেল ১০৬ হাংখ্রে। ঙসিফাওবদা কৈথেলশিং অসিদগী হেঞ্জাং-নাপী তোন ৫২২ অমসুং উহৈ তোন ২০ য়োনখ্রে।

লৌউবশিংগী কাংলুপ অমসুং এন.জি.ও.গী মতেং : শহরসিগী তোঙান তোঙানবা মফম ৮২দা লৈবা লৌউবগী কাংলুপ ৪২না মীয়ামদা উহৈ অমসুং হেঞ্জাং-নাপী য়েনখ্রে। মসিগী মথক্তা সাহয়াদ্রি ফার্মর্স প্রদ্যুসর কম্পেনী, গ্রীন ফিল্দ সর্বিসেস অমসুং দ্রক্স বিগ্যান মন্দলনা মীয়ামগী য়ুমদা উহৈ অমসুং হেঞ্জাং-নাপীগী পোলাং থিনখি। এন.জি.ও.শিংনসু এন.এম.সি.দা লৈত-লাইরবা মীশিংদা হিদাক অমসুং চানবা পীবদা মতেং পাংলি।

দাক্তর অপল্য দারি, ফিরতা দৱাখানা : মসিগী খোংথাং অসিনা শহর অসিগী দিবিজন তরুক্তা লৈবা স্লমগী মফমশিং কোন্সিনবা ঙম্লে।

লৈননবা মফম পীবাঃ এন.এম.সি.না ৱার্দকী ওইনা মপান্দগী লাকপা শিন্মী, চাক্নিবা অমসুং ফত্তবা খোম্বা মীওইশিংগী লৈনবা মফম পীরি অমসুং মসিদা লৈরিবা মীওইশিং অসিদা সাইকিয়াত্রিস্ত, কাউন্সিলর অমসুং মেদিকেল হেলথকী মতাংদা খং-হৈরবশিংনা লু-নান্না লৈবা, সোসিএল দিস্তেন্সিং অমসুং ৱাখল ফনা লৈনবা পাউতাক কয়াসু পীরি।

হায়রিবা খোংথাংশিং অসি পাংথোকপদগী নাশিক ম্যুনিসিপাল কাউন্সিলনা মখোইনা কোনবা মফমশিংদা কোবিদ-১৯ শন্দোরকপা থিংনবা হোৎনবদা মতেং পাংলি।

****