କତାର ସ୍ୱତନ୍ତ୍ର ବ୍ୟବହାର କିମ୍ବା ଅନ୍ୟ ପ୍ରାକୃତିକ ଫାଇବର ସହ ମିଶାଇ ଏହାର ବ୍ୟବହାର ଉଦ୍ଦେଶ୍ୟରେ ଏକ ‘ସେଣ୍ଟର ଅଫ୍ ଏକ୍ସିଲେନ୍ସ’ (ଉତ୍କର୍ଷ କେନ୍ଦ୍ର) ସ୍ଥାପନ କରିବା ପାଇଁ କତା ବୋର୍ଡ, ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲଜି-ମାଡ୍ରାସ ସହ ବୁଝାମଣାପତ୍ର (MOU) ସ୍ୱାକ୍ଷର କରିଛି । କେନ୍ଦ୍ର ଏମ୍ଏସ୍ଏମ୍ଇ ମନ୍ତ୍ରୀ ନୀତିନ ଗଡ଼କରୀ ଦୃଷ୍ଟି ଆକର୍ଷଣ କରିବା ପରେ କଏର ଜିଓ-ଟେକ୍ସଟାଇଲ (CGT) ଉପରେ ଭାରତରେ କତା ବୋର୍ଡ ଓ ଅନ୍ୟ ଏଜେନ୍ସିଗୁଡ଼ିକ ଦ୍ୱାରା କରାଯାଇଥିବା ଗବେଷଣାକୁ ପୂର୍ବରୁ ଆଇଆଇଟି-ମାଡ୍ରାସ ସ୍ୱୀକୃତି ଦେଇଥିଲା ଏବଂ ସିଜିଟିକୁ ଢାଲୁ ସ୍ଥାନ, ସେତୁ ବନ୍ଧ, ନଦୀ ବନ୍ଧ, ଖଣି ଢାଲୁ ଅଞ୍ଚଳ ଆଦିରେ ସଫଳତାର ସହ ବ୍ୟବହାର କରାଯାଇପାରିବ ବୋଲି ସୁପାରିସ କରିଥିଲା । ଏହାଛଡ଼ା ସିଜିଟିକୁ ଛୋଟ ଗ୍ରାମୀଣ ସଡ଼କରେ ପୁନଃ-ପ୍ରବର୍ତ୍ତନ ଉପକରଣ ଭାବେ ବ୍ୟବହାର କରାଯାଇପାରିବ ବୋଲି ଏହି ପ୍ରତିଷ୍ଠାନ ସୁପାରିସ କରିଥିଲା ।

ଆଇଆଇଟି-ମାଡ୍ରାସର ବିଶେଷଜ୍ଞ ଟିମ ସହାୟତାରେ ସେଣ୍ଟର ଅଫ୍ ଏକ୍ସିଲେନ୍ସ (COE) କତା କ୍ଷେତ୍ରରେ ବର୍ତ୍ତମାନ ସୁଦ୍ଧା ହୋଇଥିବା ଗବେଷଣାକୁ ପୁନଶ୍ଚ ସୁଦୃଢ଼ କରିବ । ଏହି ସେଣ୍ଟର କତା ସହ ପ୍ରାସଙ୍ଗିକ ରଖୁଥିବା ଟେକ୍ନୋଲଜି ବିକାଶରେ ସହାୟତା କରିବା ସହ ନିର୍ଦ୍ଦିଷ୍ଟ ପ୍ରକଳ୍ପ ଜରିଆରେ କତା ଉତ୍ପାଦନ, ପ୍ରକ୍ରିୟାକରଣ ପାଇଁ ମାନକ ପ୍ରସ୍ତୁତ କରିବ ଏବଂ କତା ବୋର୍ଡର ଗବେଷଣା ପ୍ରତିଷ୍ଠାନ ଓ ଲାବୋରେଟୋରିକୁ ମାର୍ଗଦର୍ଶନ କରିବ । ସେଣ୍ଟର ଅଫ୍ ଏକ୍ସିଲେନ୍ସ ବୌଦ୍ଧିକ ସମ୍ପତି ଅଧିକାର ସୃଷ୍ଟି ଓ ଟେକ୍ନୋଲଜି ହସ୍ତାନ୍ତରଣ ଦିଗରେ ମଧ୍ୟ ସହାୟତା କରିବ ।

ସେଣ୍ଟର ଅଫ୍ ଏକ୍ସିଲେନ୍ସ ସ୍ଥାପନ ଓ ଚାଲୁ ରଖିବା ପାଇଁ କତା ବୋର୍ଡ ପ୍ରାରମ୍ଭିକ ଭାବେ 2 ବର୍ଷ ନିମନ୍ତେ 5 କୋଟି ଟଙ୍କାର ଆର୍ଥିକ ସହାୟତା ଯୋଗାଇବ ।

ଏହି ସେଣ୍ଟର ଅଫ୍ ଏକ୍ସିଲେନ୍ସ ଦ୍ୱାରା କତା ଶିଳ୍ପରେ R&D ପାଇଁ 27ଟି କ୍ଷେତ୍ର ଚିହ୍ନଟ ହୋଇଛି । ଏହା ବ୍ୟତୀତ ଏହି ସେଣ୍ଟର ମେସିନାରୀ ବିକାଶ ଓ ସଡ଼କ ପ୍ରକଳ୍ପ କ୍ଷେତ୍ରରେ ଆଇଆଇଟିଏମର 10ଟି ଇନ୍-ହାଉସ ପ୍ରକଳ୍ପ ଉପରେ ମଧ୍ୟରେ କାମ କରିବ ।

**************