সাইন্স অমসুং তেক্নোলোজী বিভাগকী মখাদা লৈবা ওতোনোমস ইন্সতিত্যুৎ অমা ওইরিবা জৱাহরলাল নেহরু সেন্তর ফোর এদভান্স সাইন্তিফিক রিসর্চ(জে.এন.সি.এ.এস.আর.)গী বৈজ্ঞানিকশিংনা সনা অমদি সিলিকোনগী ইন্তর্ফেস শিজিন্নদুনা ঙাক-শেন্নবগীদমক শিজিন্ননবা অহোংবা মমলগী ইনর্জী মপুং ফানা য়াওবা ৱেফের-স্কেল ফোতোদিতেক্তর অমা শেমখ্রে। মসিনা মপাঙ্গল শোনবা চাইথোরকপা পামদবা মঙাল থোরক্লে হায়না তাক্লকপদা মতেং ওইগনি।

ফোতোদিতেক্তর অসি মঙাল খঙদোকপা ঙম্বা ওপ্তোইলেক্ত্রোনিক সর্ক্যুতকী পুনফম্নি অমসুং পাক-শন্না সুপরমার্কেৎশিংদা মপান-থংবা গেলেক্সীদগী রেদিএসন পুথোকপদা মশানা থোকচরকপা মঙালশিং লাকশিনবদগী  হৌরগা মখল কয়াগী এপ্লিকেসনশিংগা লোয়ন-লোয়ননা ঙাক-শেনবগী এপ্লিকেসনশিংদা শিজিন্নৈ। অদুম ওইনমক, চাং ৱাংনা উৎপা ঙম্বা দিতেক্তরগী মচাক্কী মমল  অমদি লুনা শাবগী  মওং অসিগী মরম্না নুতিগী শিজিন্নবদা মমল য়াম্না তাংই।

জে.এন.সি.এ.এস.আর.গী বৈজ্ঞানিকশিংনা চাং ৱাংনা উৎপা ঙম্বা দিতেক্তরগীদমক নৌনা পুথোকপা অসিনা অরাইবা অমদি হন্থবা মমলগী লোইশিন্নবা পাম্বৈদা য়ুম্ফম ওইনা শাবগী থৌওং এপ্লাইদ ইলেক্ত্রোনিক মেতরিএলস ওফ দি অমেরিকন কেমিকেল সোসাইতীগী জর্নেলদা ফোংখ্রে।

বৈজ্ঞানিকশিংনা ফোতোদিতেক্সন উৎপা ঙম্বা মঙাললোমদা খঙ্গনবা মতৌ চাং ৱাংনা উৎপা ঙম্বা পুথোকপা সনা (Au)-সিলিকোন (n-Si)কী ইন্তর্ফেস শেম্মি। Au-Si ইন্তর্ফেস অসি আইয়োনশিংগী মওংদা ধাতুশিং তুংশিন্দুনা য়াওবা ৱাতর-বেজ সোলুসন(ইলেক্ত্রোলাইত্স) শিজিন্নদুনা ধাতুশিংবু ইলেক্ত্রোপ্লেতিং তৌনবা তেক্নিক অমা ওইরিবা গালভানিক দিপোজিসন্দগী শেম্বনি। মসিদা নত্তনা, নেনোস্ত্রকচর তৌরবা Au ফিল্ম অসিসু  p-মওংগী সিলিসাইদ(পোজিতিব চার্জ কা হেন্না য়াওবা)গী মথক্তা তুংশিনবা চার্জ তৌরবা কলেক্তর অমা ওইনা য়াওই।  

সোলুসন্দা য়ুম্ফম ওইবা তেক্নিক অমা ওইবনা, থৌওং অসি মমল য়াম্না অহোংবা ওইবনা অমদি দিতেক্তরনা তৌরকপা থবক অদুদা য়াশিন্নবা য়াওদনা চাওনা শাবা য়াহল্লি। থৌওং অসি তৌনীংবা তৌবা য়ারবা  মফমশিং পুথোক্নবা অমা শাবদা য়াম্না থুনা মিনিত খরতমক চংই।  ধাতুগী নেনোস্ত্রকচরশিং অসিনা  চংশিল্লকপা মঙাল ত্রেপ্পিং তৌদুনা শাবা দিতেক্তরগী মথৌ হেনগৎহল্লি। মসিগী ফোতোদিতেক্তর অসিনা অকোয়বদা লৈরিবশিংসি চেৎশিন্না লৈহন্নবা উৎলি।

দিতেক্তর অসিনা মাইক্রোসেকেন্দ ৪০গী অয়াংবা থৌওং উহল্লি অমসুং হন্থবা মঙালগী অয়াংবা খঙবা ঙম্মি। খুৎলাই অসিদা অল্ত্রা ভাইওলেত্তগী ইনফ্রা রেদকীদমক  অপাকপা স্পেক্ত্রম অমা য়াওরি। মসিদা নত্তনা, মসিনা থবক পাংথোকপদা 5% দগী তানা খেৎনবা মপুং ওইনা ফজনা থবক তৌবা মফমদা খ্বাইদগী ফনা অমত্তা ওইবা মওং উৎলি। মরু ওইনা দিতেক্তর অসিনা মশানা পাৱর পীজবগী মওংদা হায়বদি থবক পাংথোক্নবা খুৎলাই অদুনা মপান্থোংগী ওইবা পাৱরগী মথৌ তাদনা মতৌ অসুম্না মপুং ফানা ইনর্জী লৈবা ওইহল্লি। ময়াম্না শিজিন্ননবা ফংবা ঙাকথোক্নবগী ওইবা কোতিংদা অরুবা মতাংদা নুমীৎ কয়ানি খুৎলাইশিং অসি অকোয়বদা য়াম্না ফনা চেৎশিন্না লৈবা উৎলি। বৈজ্ঞানিকশিং অসিনা ফোতোদিতেক্তর অসি প্রোতোতাইপকী ৱাখলনা শাবা সিস্তেম, লক্স অমসুং পাৱর মিতর অমা ওইনা অমদি ঙাক-শেন্নবগীদা শিজিন্ননবা খুৎলাই অমা ওইনা ওইনা শিজিন্নবগী মওং অদু উত্তুনা তাকই।    

প্রোতোতাইপ সেক্যুরিতী সিস্তেম

প্রোতোতাইপ অদুদা, মোদেল হাওসকী মনুংদা, শেম্লবা দিতেক্তর অমা মঙালগা চাংদম্ননবা মমল ৱাংবা লল্লোন-ইতীক্কী ওইবা দিতেক্তরগী নাকলদা থম্লি। ৱার্নিং পীরবা মঙাল(লাই অসিদা হীগোক মচুগী মঙাল) অমসুং সেক্যুরিতী বজরলু ত্রিগর তৌননবগীদমক্তা মপানগী সর্ক্যুত অমতংদা শম্লি।  পামদবা থবকশিং তৌরকপগী খুদম অমা ওইনা মপাঙ্গল শোনবা মঙাল চাইথোরক্নবা থোং অসি হাংলি। বজর অমসুং মঙাল ওন তৌদুনা মীওইবগী মীৎনা উবা ঙমদবা অসিগুম্বা হন্থবা থাক্কী মঙাল অসিগা লোয়ননা দিতেক্তর অসি নীংথিনা মথৌ পাংহনখ্রে।

****