সাইন্স অমসুং তেক্নোলোজী বিভাগকীদা ওতোনোমস ইন্সতিত্যুত অমা ওইরিবা জৱাহরলাল নেহরু সেন্তর ফোর এদভান্স সাইন্তিফিক রিসর্চকী (জে.এন.সি.আর.এস.আর.)গী থীওরিতিকেল সাইন্স ইয়ুনিৎ (তি.এস.ইয়ু.)তগী প্রোফেসর শোভনা নরসিমহবু অমেরিকান একাদমী ওফ আর্তস অন্দ সাইন্সেসতা ইন্তর্নেস্নেলগী ওনরেরী  মেম্বর ওইনা খল্লক্লে।

দি অমেরিকান একাদমী ওফ আর্তস এন্দ সাইন্সেসনা খঙ-হৈরবা অমদি লুচিংবশিংনা সাইন্ত, আর্তস, হ্যুমেনিতিজ অমদি মীয়ামগী পুন্সি মহিংদা মশামক্না শিংথানীংঙাই ওইবা থবক তৌবগীদমক ইকাই খুম্নৈ। হান্না মমাংদা ইন্তর্নেস্নেল ওনরেরী মেম্বর ওইখ্রবশিংদা চার্লস দার্ৱিন, অলবর্ত আইন্সতাইন অমদি নেল্সন মন্দেলা য়াওরি।  

প্রোফেসর নরসিমহ অসি জে.এন.সি.এ.এস.আর.দা কম্প্যুতেস্নেল নেনো সাইন্স গ্রুপকী মকোক ওইরি। মহাক্না মতৌ করম্না পোৎশিংগী প্রোপর্তীবু দাইমেন্সগী ওইবা মওংদা নেমথহল্লগা চাউবা হন্থহন্নবগী চাংয়েং তৌদুনা নেনো মেতরিএলশিংগী রেস্নেল দিজাইন তৌবদা শিংথানীংঙাই ওইবা থবক তৌখ্রে। মহাক্কী থবক অসি ক্লিন ইনর্জী এপ্লিকেসনশিংগী নেনোকেতালিস্ত ওইনা অমদি মেমোরী স্তোরেজগী মেগ্নেতিক মেতরিএলশিংগুম্বা মশিং কয়াগী এপ্লিকেসনশিংগা মরি লৈনৈ।

মহাক্কী গ্রুপনা ওক্সাইদ সব্সত্রেত্তা তুংদুনা লৈরিবা সনাগী নেনোপার্তিকলশিং অসিগী মোর্ফোলোজী অমসুং রিএক্তিবিতি অসি ইলেক্ত্রোন দোনরশিংনা ঙাক্লৌ অদু দোপিং তৌদুনা ত্যুন তৌবা হায়না তুংদা ওইরক্কদবা ৱাফম অদু হায়খি।

প্রোফেসর নরসিমহ অসি এস.তি.ই.এম.দা ভারত অমসুং মীরমদা নুপীশিংবু শৌগৎপদা য়াম্না থৱাই য়াওনা হোৎনখি। আই.ইয়ু.পি.এ.পি.গী ফিজিক্সতা নুপীশিংগীদমক্তা থবক তৌবশিংগী মীহুৎ অমা ওইরম্মী। ২০১৩ দগী, মহাক অসি ইতলিগী ত্রিস্তীদা লৈবা অব্দুস সলাম ইন্তর্নেস্নেল সেন্তর ফোর থিওরিতিকেল ফিজিক্স(আই.সি.তি.পি.) অমদি রৱান্দাগী কিগালীদা লৈবা আই.সি.তি.পি.-ই.এ.আই.এফ.আর.গী ফিজিক্সতা নুপীশিংগী কেরীয়র দিভেলপমেন্তকী ৱর্কশোপ শীন্মিন-লাংমিন্নদুনা পাংথোকখি।

মনাশিং অমদি শক-খঙবীখিবশিং

মহাক অসি ২০২২দা ভারতকী নেস্নেল একাদমী ওফ সাইন্সেতা ফেলো অমা ওইখি অমসুং ২০১০দা স্ত্রী শক্তী সম্মান সাইন্সকী মনা অমদি ২০১০দা কর্নাতকা সরকারগী কল্পনা চাওলা ৱুমেন সাইন্তিস্তকী মনা ফংখি।

প্রোফেসর নরসিমহ অসি ভারত সরকারনা শেম্বা কম্মিতী-দি নেস্নেল তাস্ক ফোর্স ওন ৱিমেন ইন সাইন্স অমদি ৱিমেন ইন সাইন্সকী স্তেন্দিং কম্মিতীদা সরকারনা বৈজ্ঞানিক নুপীশিংবু মতৌ করম্না শৌগৎকপা য়াবগে হায়বদুগী পাওতাক পীনবা কম্মিতী অনীগী মীহুৎ ওইরম্মি।

মহাক অসি ক্বান্তম এসপ্রেসো গ্রুপকা লোয়ন-লোয়ননা অসেসমা(দি অফ্রীকান স্কুল ফোর ইলেক্ত্রোনিক স্ত্রকচর মেথদস এন্দ এপ্লিকেসন্স)দা এসিয়া অমসুং অফ্রীকাদা ৱর্কশোপশিংদা সোলিদ-স্তেত ফিজিক্স অমসুং দেন্সিতী ফঙ্কসনেল থিওরীগী মতাংদা তাকপা য়াওখি। মহাক অসি অসেস্মাগী একজিক্যুতিব কম্মিতিগী মেম্বর অমদি আই.সি.তি.পি.-ই.এ.আই.এফ.আর. (ইস্ত অফ্রীকান ইন্সতিত্যুত ওফ ফন্দামেন্তেল রিসর্সকী রৱান্দাগী কিগালীদা লৈবা সাইন্তিফিক কম্মিতিগী মেম্বরসু ওইরম্মি।

জে.এন.সি.এ.এস.আর.দা জোইন তৌদ্রিঙৈগী মমাং ১৯৯৬তা নরসিমহনা ইন্দিয়ন ইন্সতিত্যুত ওফ তেক্নোলোজী(আ.আই.তি.) মুম্বাইদা ফিজিক্সতা মাস্তর লোইখি অমসুং প্রোফেসর দেবিদ ভান্দরবিল্তকী সুপরভিজন মখাদা হবার্দ য়ুনিভর্সিতীদা ফিজিক্সতা পি.ঐচ-দি লোইশিনখি। মহাক ইয়ু.এস.এ.গী ন্যু য়োর্কতা লৈবা ব্রুকহেভন নেস্নেল লেবতা অমসুং মদুদগী অমুক জর্মনগী বর্লিন্দা লৈবা ইন্সতিত্যুত ওফ মেক্স প্লেঙ্ক সোসাইতীদা পোসদোক অমা ওইনা থবক তৌখি। মহাক্না থিওরীতিকেল সাইন্সেস ইয়ুনিত্তা মমাংদা থৌবুরেল ওইনা থবক পুরম্বগা লোয়ন-লোয়ননা জে.এন.সি.এ.এস.আর.দা একাদমিক এফেয়র্সতা দীন ওইরমখি।

ইন্তর্নেস্নেল সেন্তর ফোর থীওরিতিকেল ফিজিক্স(আই.সি.তি.পি.)গী মহাক্না শীল-লাংদুনা পাংথোকখিবা ফিজিক্সতা নুপীশিং হায়বা ৱর্কশোপ্তা প্রোফেসর সোভনা নরসিমহ (ওইদগী অনীশুবা)

 [অহেনবা ই-পাউগীদমক্তা প্রোফেসর সোভনা নরসিমহদা (shobhana@jncasr.ac.in, 98806 41962) পাউ ফাওবীয়ু]

****