লৈবাক শিনবা থুংনা লোকদাউন লৈরবসু কোবিদ-১৯গী মায়োক্তা চেকশিন থৌরাং পুম্নমক লৌখত্তুনা বোর্দর রোদ ওর্গনাইজেশন (বি.আর.ও.)না সুবানসিরী তুরেল মথক্তা চৎলিবা দাপোরিজো তুরেল মথক্তা লৈবা থোং অসি ভারত অমসুং চাইনাগী মরক্তা লৈরিবা এল.এ.সি.গীদমক্তা ওইনা য়াম্না মরু ওইবা স্ত্রেতেজিক লিঙ্ক অমনি। সপ্লাইশিং, রেসনশিং, কনস্ত্রক্সন মেতরিয়েলশিং অমসুং হিদাক লাংথক পুম্নমক থোং অসি লান্দুনা পুই। অরিবা থোং অদু চেখাইবা হৌরকপদগী মসিনা মরম ওইরগা জুলাই ২৬, ১৯৯২দা থোকখিবা য়াম্না থৌদোক অমদা পেসেঞ্জর বস অমা থোংদগী তাশিন্দুনা মী অমত্তা হিংখিদবা অদুগুম্না য়াম্না চাউরবা খুদোংথিবা থৌদোক অমা থোক্লকপা য়াই। দি.জি.বি.আর. অমসুং সি.ই. অরুনাঙ্কনা মিৎয়েং চংশিল্লকপদগী এম.ও.দি. অমসুং অরুনাচল সরকারদগী চাউরবা শেন্থং অমা ফংবা ঙমখি। কোবিদ-১৯গী চেকশিন থৌরাং পুম্নমক লৌখত্তুনা য়াম্না লুবা অমসুং খুদোংথিনীংঙাই ওইরবা থবক অসি য়াম্না য়াংনা লোইশিনবা ঙমখি।

২৩ বি.আর.তি.এফ.না মার্চ ১৭,২০২০দা থোং অদু শাবগী থবক হৌখি। কোন্নথংদা নুমিৎ ২৭নিগী মতুংদা এপ্রিল ১৪, ২০২০দা থোং অদু মাইপাক্না অমসুং অশোই অঙাম য়াওদনা সপোর্তশিংদা হাপচিন্দুনা নীংথিনা লোইশিনবা ঙমখি। থোং অসি মাই পাক্না তন ২৪গী ক্লাসতগী তন ৪০গী ক্লাস্তা অপগ্রেদ তৌবা ঙমখ্রে, মসিনা অর্মীগী মথৌ তাবা পোৎচৈশিং পুথোক পুশিন তৌবদা নত্তনা অপ্পর সুবান্সিরী জিলাগী তুংদা ইনফ্রাস্ত্রকচরশিং শেমগৎপদা চংগদবশিং পুথোক পুশিন তৌনবা অচৌবা অরুম্বা গারীশিং চংবা য়াহল্লি।

অরুনাচলগী মুখ্য মন্ত্রি শ্রী পেমা খন্দুনা ভিদিও কনফরেন্সিংগী খুথাংদা শঙ্গাখি অমসুং ঙসিদগী গারী চৎথোক চৎশিন তৌবগীদমক্তা হাংদোকখ্রে।

অশোই অঙাম য়াওদনা অমসুং ঙন্না থোং অসি লোইশিনবা ঙম্লিবা অসিনা বি.আর.ও., এম.ও.দি. অমসুং অরুনাচলগী সরকারগী মরক্তা লেংমান্ননা অমসুং পু্ন্না তেংবাংনদুনা অপনবা অথিংবা লৈতনা থবক অসি তৌমিন্নখি হায়বা ময়েক শেংনা তাক্লি।