ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଅଷ୍ଟ୍ରେଲିଆ ପ୍ରଧାନମନ୍ତ୍ରୀଙ୍କ ମଧ୍ୟରେ ଟେଲିଫୋନ ବାର୍ତ୍ତାଳାପ
Posted On:
06 APR 2020 1:48PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଅଷ୍ଟ୍ରେଲିଆ ରାଜ୍ୟଗୋଷ୍ଠୀର ପ୍ରଧାନମନ୍ତ୍ରୀ ଏଚ.ଇ ସ୍କଟ ମୋରିସନଙ୍କ ସହିତ ଟେଲିଫୋନ ବାର୍ତ୍ତାଳାପ କରିଛନ୍ତି ।
ଉଭୟ ନେତା ସାଂପ୍ରତିକ କୋଭିଡ-19 ମହାମାରୀର ମୁକାବିଲା ନେଇ ଦୁଇ ଦେଶର ନିଜସ୍ୱ ପ୍ରସ୍ତୁତି ଏବଂ ନିଜ ନିଜ ସରକାରଙ୍କ ଦ୍ୱାରା ଗ୍ରହଣ କରାଯାଇଥିବା ରଣନୀତିକ ପଦକ୍ଷେପ ସଂପର୍କରେ ଆଲୋଚନା କରିଥିଲେ । ଦୁଇନେତା ବର୍ତ୍ତମାନର ସ୍ୱାସ୍ଥ୍ୟ ସଂକଟ ସମୟରେ ଦ୍ୱିପାକ୍ଷିକ ସହଯୋଗ ଏବଂ ଗବେଷଣାରୁ ମିଳୁଥିବା ଅଭିଜ୍ଞତାର ମିଳିତ ଆଦାନ ପ୍ରଦାନର ଗୁରୁତ୍ୱ ଉପରେ ସହମତି ବ୍ୟକ୍ତ କରିଥିଲେ ।
ଯାତ୍ରା କଟକଣା ଯୋଗୁଁ ଭାରତରେ ଫସି ରହିଥିବା ଅଷ୍ଟ୍ରେଲିଆ ନାଗରିକଙ୍କୁ ଆବଶ୍ୟକ ସୁବିଧା ଓ ସହାୟତା ପ୍ରଦାନ କରିବା ପାଇଁ ଭାରତ ପ୍ରସ୍ତୁତ ଥିବା ପ୍ରଧାନମନ୍ତ୍ରୀ କହିଥିଲେ । ସେହିପରି ପ୍ରଧାନମନ୍ତ୍ରୀ ଏଚ.ଇ ମୋରିସନ ଆଶ୍ୱାସନା ଦେଇ କହିଥିଲେ ଅଷ୍ଟ୍ରେଲିଆରେ ଥିବା ଭାରତୀୟ ସମୁଦାୟଙ୍କ ସମେତ ଭାରତୀୟ ଛାତ୍ରମାନଙ୍କୁ ଅଷ୍ଟ୍ରେଲିଆ ସମାଜର ଜୀବନ୍ତ ଓ ମୂଲ୍ୟବାନ ଅଂଶ ଭାବେ ଗୁରୁତ୍ୱ ଦିଆଯିବ । ଦୁଇ ନେତା ଭାରତ-ପ୍ରଶାନ୍ତ ମହାସାଗରୀୟ ଅଂଚଳରେ ଭାରତ- ଅଷ୍ଟ୍ରେଲିଆ ଭାଗିଦାରୀର ବ୍ୟାପକ ଗୁରୁତ୍ୱ ଉପରେ ଏବଂ ସଂପ୍ରତି ଦେଖାଦେଇଥିବା ସ୍ୱାସ୍ଥ୍ୟ ସଂକଟ ପ୍ରତି ସତର୍କ ରହିବା ସହ ଧ୍ୟାନ କେନ୍ଦ୍ରିତ କରିବାକୁ ମହମତି ପ୍ରକାଶ କରିଥିଲେ ।
************
(Release ID: 1611795)
Visitor Counter : 209
Read this release in:
English
,
Urdu
,
Marathi
,
Hindi
,
Assamese
,
Manipuri
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam