অৱাং নোংপোক লমদমগী চাউখৎ থৌরাংগী মন্ত্রী (মনীংতম্বা), দা. জিতেন্দ্র সিংহনা ভিদিও কনফরেন্সকী থোংদা অৱাং নোংপোক লমদমদা কোবিদ-১৯গী লাইচৎ শন্দোরকপা অমসুং মসিবু থেংননবা পাইখৎলিবা থৌরাংশিংগী মতাংদা দোনর মন্ত্রালয়, নোর্থ ইস্তর্ন কাউন্সিল (এন.ই.সি.) অমসুং এন.ই.দি.এফ.আই.গী ওফিসরশিংগা লোইননা মরিক চুম্বা রিভ্যুগী মীফম অমা, সোসিয়েল দিস্তেন্সিংগী গাইদলাইন পুম্নমক ঙাক্লদুনা পাংথোকখ্রে। মীফম অদুদা দোনর মন্ত্রালয়গী সেক্রেতরী, এদিস্নেল সেক্রেতরী, সেক্রেতরী এন.ই.সি., সি.এম.দি. নোর্থ ইস্তর্ন দিবেলপমেন্ত ফাইনান্স কোর্পোরেসন লিমিতেদ (এন.ই.দি.এই.আই.) অমসুং দোনর মন্ত্রালয় এন.ই.সি.গী সেনিয়র ওফিসরশিংনা শরুক য়াখি। হৌরকপদা ইকাই খুম্নরবা মন্ত্রীদা খঙহনখি মদুদি মন্ত্রালয়গী থবক ১০০% ই-ওফিস্তা পাংথোকখি, হোম মোদতা থবক তৌনবগী সরকারগী পাউতাকশিং ইন্দুনা মসিবু লাইথোকহনখি।

অৱাং নোংপোক লমদমদা লোকদাউন মশক থোক্না পাংথোক্লি। অৱাং নোংপোক লমদমগী ইন্তর্নেস্নেল বোর্দর (চাউরাক্না কিলোমীতর ৫৫০০) মশক থোক্না শিংজিল্লে।

দোনর মন্ত্রালয়গী ওফিসর অমসুং স্তাফ পুম্নমক অমসুং মসিগী ওর্গনাইজেসনশিং অমসুং পি.এস.য়ু.শিং মিং ওইনা পল্লবদা এন.ই.সি., এন.ই.দি.এফ.আই., এন.ই.ঐচ.ঐচ.দি.সি., এন.ই.আর.এ.এম.এ.সি., সি.বি.তি.সি. অমসুং এন.ই.আর.সি.ও.এম.পি.না নোংমগী তলব পি.এম. কেয়র্স ফন্দদা কৎথোকখি।

এন.ই.দি.এফ.আই.না মখোয়গী সি.এস.আর. ফন্দদগী পি.এম. কেয়র্স ফন্দদা লুপা করোর অনি কৎথোকখি।

মমাংদা ৱারেপ লৌদুনা মন্ত্রালয়/এন.ই.সি.না অৱাং নোংপোক রাজ্যশিংদা কোবিদ-১৯গী লাইচৎ মশক থোক্না থেংননবগীদমক মরক্কী অহোবা ফন্দ মেনশিন্নবা হান্ননা লুপা করোর ২৫ কাইথোকখ্রবনি। ফন্দ অসি অন্তাইদ ফন্দগী মওংদা ওইগনি, মসি কোবিদ-১৯ লাইচৎকা মরী লৈনবা করিগুম্বা থবক-থৌরম অমা হেক্তদা শিজিন্নবা য়াগনি, অমসুং লৈরিবা কেন্দ্রগী পেকেজশিংগী মনুংদা চল্লোই। অন্তাইদ ফন্দগী অনোপ-অতিং নাইবা অসিনা রাজ্যশিংনা য়াম্না থুনা থবক পাংথোকপা ঙম্লগনি। ফন্দ অসি লৈরিবা স্কিমশিংগী মখাদা দোনর/এন.ই.সি. মন্ত্রালয়না কাইরকপা অতৈ ফন্দশিংগী মথক্তা ওইগনি।  

রাজ্যশিংগী ওইনা শিজিন্নগদবা ফন্দ মখাদা পীরিঃ

মন্ত্রালয়না মসিগী মরু ওইবা থৌরম এন.ই.এস.আই.দি.এস.কী মখাদা অৱাং নোংপোক রাজ্যশিংদা হেল্থ ইনফ্রাস্ত্রকচর মপাঙ্গল কলহন্নবগীদমক পাইখৎপা প্রোজেক্তশিংগী মতাংদসু পনখি।