ভাৰতীয় খাদ্য নিগমে লকডাউনৰ সময়ত সমগ্ৰ দেশতে অবিৰতভাৱে খাদ্যশস্যৰ যোগান চলি থাকিব বুলি আশ্বাস প্ৰদান কৰিছে। ভাৰতীয় খাদ্য নিগমে ৰাষ্ট্ৰীয় খাদ্য সুৰক্ষা আইনমতে প্ৰয়োজনীয় প্ৰতি মাহে প্ৰতিজন হিতাধিকাৰীৰ বাবে ৫ কিলোগ্ৰামকৈ খাদ্যশস্যৰ যোগান ধৰিবলৈ সাজু হোৱাতে ক্ষান্ত নহয়, বৰং অতিৰিক্তভাৱে অহা তিনিমাহৰ বাবে প্ৰধানমন্ত্ৰীৰ দৰিদ্ৰ কল্যাণ আঁচনিৰ অধীনৰ ৮১.৩৫ কোটি মানুহক প্ৰতি মাহে প্ৰতিজন হিতাধিকাৰীৰ বাবে ৫ কিলোগ্ৰামকৈ খাদ্যশস্যৰ যোগান ধৰিবলৈকো সাজু হৈ আছে। ০২.০৪.২০২০ তাৰিখলৈকে ভাৰতীয় খাদ্য নিগমৰ ওচৰত ৫৬.২৪ নিযুত মেট্ৰিকটন খাদ্যশস্য (৩০.৬৪ নিযুত মেট্ৰিকটন চাউল আৰু ২৪.৬ নিযুত মেট্ৰিকটন ঘেঁহু) মজুত আছে।

ভাৰতীয় খাদ্য নিগমে প্ৰধানতঃ ৰে’লসেৱাৰ জৰিয়তে সমগ্ৰ দেশতে বৰ্দ্ধিত চাহিদা অনুসৰি চাউল আৰু ঘেঁহু যোগান দিয়াটো খৰতকীয়া কৰিব পাৰিছে। আজি ০৩.০৪.২০২০ তাৰিখে মুঠ ৬৯ টা ৰে’লগাড়ীৰ ৰেকত ১.৯৩ লাখ মেট্ৰিকটনৰ সামগ্ৰী উঠোৱা হৈছে। ২৪ মাৰ্চত লকডাউন আৰম্ভ হোৱাৰেপৰা মুঠ ১৩.৩৬ লাখ মেট্ৰিকটনৰ খাদ্য সামগ্ৰী কঢ়িওৱা ৪৪৭ টা ৰেক ইতিমধ্যে বিভিন্ন ৰাজ্যৰ পৰা পঠিওৱা হৈছে।

লকডাউনৰ সময়ত খাদ্যশস্য প্ৰেৰণ কৰা ৰাজ্যসমূহ হৈছেঃ

মুক্ত বজাৰ বিক্ৰী আঁচনিৰ অধীনত সূচীৱদ্ধ ৰোলাৰ মিল বা ৰাজ্য চৰকাৰক ঘেঁহু যোগান সুচল কৰিবৰ বাবে ই-নিলাম অনুষ্ঠিত কৰিছে। শেহতীয়াকৈ ৩১.০৩.২০২০ তাৰিখে অনুষ্ঠিত ই-নিলামত ১.৪৪ লাখ মেট্ৰিকটন ঘেঁহুৰ ডাক লাভ কৰিছে।

ক’ভিড-১৯ ৰ প্ৰাদুৰ্ভাৱৰ সময়ত নিয়মিত ই-নিলামৰ বাদেও জিলাৰ উপায়ুক্তসকলক ভাৰতীয় খাদ্য নিগমৰ গোদামৰপৰা পোনপটীয়াভাৱে মুক্ত বজাৰ বিক্ৰী আঁচনিৰদ্বাৰা নিৰ্ধাৰিত দৰত ঘেঁহু লৈ ৰোলাৰ মিল বা অন্যান্য ঘেঁহুৰ সামগ্ৰী তৈয়াৰ কৰা প্ৰতিষ্ঠানত দিয়াৰ অনুমতি দিয়া হৈছে। এতিয়ালৈকে ১০০১৪৭ মেট্ৰিকটন ঘেঁহু তলত দিয়া ৰাজ্যসমূহৰ বাবে নিৰ্দিষ্ট কৰা হৈছেঃ 

লগতে চাউলৰ যোগান সুচল কৰিবৰ বাবেও ই-নিলাম অনুষ্ঠিত হৈছে। শেহতীয়াকৈ ৩১.০৩.২০২০ তাৰিখে অনুষ্ঠিত ই-নিলামত তেলেঙ্গানা, তামিলনাডু, জম্মু-কাশ্মীৰ আদি ৰাজ্যৰপৰা ৭৭০০০ মেট্ৰিকটন চাউলৰ ডাক লাভ কৰিছে।

তদুপৰি জৰুৰী পৰিস্থিতিৰ প্ৰতি লক্ষ্য ৰাখি ৰাজ্যসমূহক মুক্ত বজাৰ বিক্ৰী আঁচনিৰ অধীনত ই-নিলামত অংশ গ্ৰহণ নকৰাকেও ৰাষ্ট্ৰীয় খাদ্য সুৰক্ষা আইনে ধাৰ্য কৰাতকৈ অতিৰিক্ত পৰিমাণত প্ৰতি কিলোগ্ৰামত ২২ টকাকৈ চাউল ক্ৰয় কৰাৰ অনুমতি প্ৰদান কৰিছে আৰু প্ৰধানমন্ত্ৰী দৰিদ্ৰ কল্যাণ আঁচনিৰ বাবেও চাউল ধাৰ্য কৰা হৈছে। এতিয়ালৈকে তলত উল্লিখিত সাতখন ৰাজ্যৰ বাবে ৯৪৭৬৭ মেট্ৰিকটন চাউল ধাৰ্য কৰা হৈছেঃ   

*****

APS/PK/MS/PRK