শক্তি মন্ত্ৰালয়
ৰাজস্থানত ক’ভিড-১৯ৰ বিৰুদ্ধে যুঁজত পিএফচিৰ সহযোগ
Posted On:
25 MAR 2020 7:25PM by PIB Guwahati
কেন্দ্ৰীয় শক্তি মন্ত্ৰালয়ৰ অধীনষ্ঠ কেন্দ্ৰীয় পিএছইউ আৰু শক্তি খণ্ডৰ আগশাৰীৰ এনবিএফচি পাৱাৰ ফাইনেন্স ক’ৰ্পোৰেচন লিমিটেড(পিএফচি)-এ ভাৰতীয় ৰেড ক্ৰ’ছ ছ’চাইটীলৈ ৫০,০০,০০০(পঞ্চাশ লাখ মাত্ৰ)টকাৰ বিত্তীয় সাহায্য প্ৰদান কৰিবলৈ সন্মতি প্ৰকাশ কৰিছে৷
চিএছআৰ কাৰ্যসূচীৰ অধীনত পিএফচিয়ে আগবঢ়োৱা বিত্তীয় সাহায্যৰ ধন ক’ভিড-১৯ৰ বিৰুদ্ধে প্ৰতিৰোধমূলক ব্যৱস্থাৰ অংশ হিচাপে ৰাজস্থানত ৰেড ক্ৰ’ছ ছ’চাইটীৰ জৰিয়তে স্বাস্থ্যসন্মত মাস্ক আৰু ছেনিটাইজাৰ বিতৰণত ব্যৱহাৰ কৰা হ’ব৷ পিএফচিৰ এই পদক্ষেপ উল্লেখনীয় হিচাপে চিহ্নিত হৈছে, কিয়নো ৰাজস্থানৰ জয়পুৰ ভাৰতত ক’ৰোনা ভাইৰাছৰ অন্যতম অভিকেন্দ্ৰ হিচাপে পৰিগণিত হৈছে৷
***
RCJ/M/MS
(Release ID: 1608197)