ছৌদি আৰৱৰ ৰিয়াধত আজি ফিউচাৰ ইনভেষ্টমেণ্ট ইনিচিয়েটিভ ফ’ৰাম(আফআইই)ৰ সমান্তৰালভাৱে প্ৰধানমন্ত্রী শ্রী নৰেন্দ্ৰ মোদী আৰু জর্ডানৰ হেশেমিটে সাম্ৰাজ্যৰ ৰজা দ্বিতীয় আব্দুল্লা বিন আল- হুছেইনৰ মাজত বৈঠক অনুষ্ঠিত হয়৷ দুয়োগৰাকী নেতাই দ্বিপাক্ষিক সম্পর্কক আৰু অধিক শক্তিশালী কৰাৰ পদ্ধতিসমূহৰ সন্দৰ্ভত আলোচনা কৰে৷ ২০১৮ৰ ২৭ ফেব্ৰূৱাৰীৰ পৰা ১ মার্চলৈকে জর্ডানৰ ৰজাৰ ভাৰত ভ্ৰমণৰ সময়ত স্বাক্ষৰিত বুজাবুজি চু্ক্তি তথা চুক্তিসমূহ কাৰ্যকৰী কৰাৰ অগ্ৰগতিক লৈও তেওঁলোকেৰ মাজত আলোচনা হয়। মধ্যপ্রাচ্যত শান্তি প্ৰক্রিয়া আৰু অন্যান্য আঞ্চলিক অগ্ৰগতিৰ বিষয়বোৰৰ সন্দৰ্ভতো দুয়োগৰাকী নেতাই আলোচনা কৰে৷ সন্ত্রাস দমনত সহযোগিতাৰ সন্দৰ্ভতো প্ৰধানমন্ত্ৰী আৰু জৰ্ডানৰ ৰজাই আলোচনা কৰে৷

ভাৰত আৰু জর্ডানৰ মাজত অতি প্রাচীন কালৰ পৰাই ঐতিহাসিক যোগসূত্ৰ, সাংস্কৃতিক পৰম্পৰা আৰু দুয়োখন দেশৰ জনসাধাৰণৰ যোগাযোগ অব্যাহত আছে৷ ২০১৮ত প্ৰধানমন্ত্রীৰ জর্ডান ভ্ৰমণ আৰু দেশখনৰ ৰজাৰ ভাৰত ভ্ৰমণে দ্বিপাক্ষিক সম্পর্কক আৰু অধিক শক্তিশালী কৰাত নতুন গতি প্ৰদান কৰিছে৷ দুয়োখন দেশৰ মাজত এই সম্পর্কে পাৰস্পৰিক শ্ৰদ্ধা তথা একাধিক দ্বিপাক্ষিক, আঞ্চলিক আৰু বহুপাক্ষিক বিষয়ক লৈ বুজাপৰা হৈছে৷

***

VRRK/AK/DB