ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ  ਨੇ  ਅੱਜ ਸਾਊਦੀ ਅਰਬ ਦੇ ਰਿਆਧ ਵਿੱਚ ਫਿਊਚਰ ਇਨਵੈਸਟਮੈਂਟ ਇਨੀਸ਼ਿਏਟਿਵ ਫੋਰਮ ( ਐੱਫਆਈਆਈ )   ਦੌਰਾਨ ਜੌਰਡਨ  ਦੇ ਰਾਜਾ ਅਬਦੁੱਲਾ II ਬਿਨ ਅਲ - ਹੁਸੈਨ ਨਾਲ ਮੁਲਾਕਾਤ ਕੀਤੀ।  ਬੈਠਕ ਦੌਰਾਨ ਦੋਹਾਂ ਨੇਤਾਵਾਂ ਨੇ ਦੁਵੱਲੇ ਸਬੰਧਾਂ ਨੂੰ ਹੋਰ ਮਜ਼ਬੂਤ ਕਰਨ ‘ਤੇ ਵਿਚਾਰ-ਵਟਾਂਦਰਾ ਕੀਤਾ । ਇਸ ਵਿੱਚ ਜੌਰਡਨ ਦੇ ਰਾਜੇ ਦੀ 27 ਫਰਵਰੀ 2018 ਤੋਂ 1 ਮਾਰਚ,  2018 ਤੱਕ ਭਾਰਤ ਯਾਤਰਾ ਦੌਰਾਨ ਦਸਤਖ਼ਤ ਕੀਤੇ ਗਏ ਸਹਿਮਤੀ ਪੱਤਰ ਅਤੇ ਸਮਝੌਤੇ ਵੀ ਸ਼ਾਮਲ ਸਨ ।  ਦੋਹਾਂ ਨੇਤਾਵਾਂ ਨੇ ਮੱਧ ਪੂਰਬ ਸ਼ਾਂਤੀ ਪ੍ਰਕਿਰਿਆ (ਮਿਡਲ ਈਸਟ ਪੀਸ ਪ੍ਰੋਸੈੱਸ) ਅਤੇ ਹੋਰ ਖੇਤਰੀ ਘਟਨਾਵਾਂ ‘ਤੇ ਵਿਚਾਰ ਵਟਾਂਦਰਾ ਕੀਤਾ ।  ਪ੍ਰਧਾਨ ਮੰਤਰੀ ਮੋਦੀ ਨੇ ਜੌਰਡਨ ਦੇ ਰਾਜੇ ਦੇ ਨਾਲ ਆਤੰਕਵਾਦ ਨਾਲ ਮੁਕਾਬਲਾ ਕਰਨ ਵਿੱਚ ਸਹਿਯੋਗ  ਦੇ ਮੁੱਦੇ ‘ਤੇ ਵੀ ਵਿਚਾਰ-ਵਟਾਂਦਰਾ ਕੀਤਾ ।

ਭਾਰਤ ਅਤੇ ਜੌਰਡਨ  ਦਰਮਿਆਨ ਪ੍ਰਾਚੀਨ ਸਮੇਂ ਤੋਂ ਹੀ ਇਤਿਹਾਸਿਕ ਜੁੜਾਅ, ਸੱਭਿਆਚਾਰਕ ਸਬੰਧ ਅਤੇ  ਨਾਗਰਿਕਾਂ ਦਰਮਿਆਨ ਸੰਪਰਕ ਕਾਇਮ ਰਹੇ ਹਨ ।  ਪ੍ਰਧਾਨ ਮੰਤਰੀ ਦੇ ਜੌਰਡਨ ਦੌਰੇ ਅਤੇ ਜੌਰਡਨ  ਦੇ ਰਾਜੇ ਦੇ ਸਾਲ 2018 ਵਿੱਚ ਹੋਏ ਭਾਰਤ ਦੌਰੇ ਨੇ ਦੋਹਾਂ ਦੇਸ਼ਾਂ ਦਰਮਿਆਨ ਦੁਵੱਲੇ ਸਬੰਧਾਂ ਨੂੰ ਇੱਕ ਨਵੀਂ ਗਤੀ ਦਿੱਤੀ ਹੈ ,  ਜੋ ਕਿ ਕਈ ਦੁਵੱਲੇ, ਖੇਤਰੀ ਅਤੇ ਬਹੁਪੱਖੀ ਮੁੱਦਿਆਂ ਉੱਤੇ ਆਪਸੀ ਸਤਿਕਾਰ ਅਤੇ ਸਮਝ ਦੇ ਪ੍ਰਤੀਕ ਹਨ ।

 

***

 

ਵੀਆਰਆਰ/ਏਕੇ

(Release ID: 1589569) Visitor Counter : 91