نئی دہلی،30؍ ستمبر، وزیراعظم جناب نریندر مودی یکم اکتوبر 2019 کو وگیان بھون میں آروگیہ منتھن  کی اختتامی تقریب کی صدارت کریں گے۔ آروگیہ منتھن وہ تقریب ہے، جس کا انعقاد نیشنل ہیلتھ اتھارٹی نے آیوشمان بھارت  پی ایم-جے اے وائی کے ایک سال مکمل ہونے پر کیا ہے۔

اس موقع پر وزیراعظم آیوشمان بھارت کا ایک نیا موبائل اپلی کیشن لانچ کریں گے۔ وہ اس موقع پر ‘ آیوشمان بھارت اسٹارٹ –اپ گرانڈ چیلنج’ کو بھی لانچ کریں گے اور ایک یادگاری ڈاک ٹکٹ جاری کریں گے۔

وزیراعظم آیوشمان بھارت  پی ایم- جے اے وائی  کے منتخب استفادہ کنندگان کے ساتھ بات چیت بھی کریں گے۔ وہ پی ایم – جے اے وائی نمائش کا بھی معائنہ کریں گے، جس میں گزشتہ ایک برس کے دوران ا س اسکیم کے سفر کو دکھایا گیا ہے۔

آروگیہ منتھن کا مقصد پی ایم- جے اے وائی کے سبھی اہم متعلقین کو یکجا ہونے کے لئے ایک پلیٹ فارم دستیاب کراناہے تاکہ وہ ایک دوسرے سے ملاقات کر سکیں اور گزشتہ ایک برس کے اندر ا س اسکیم کے نفاذ کی راہ میں جو چیلنجز سامنےآئے ہیں، ان پر تبادلہ خیال کر سکیں اور اس کے نفاذ کے عمل کو بہتر بنانے کےلئے مستقبل  کی ر اہوں کے بارے میں ایک نئی سمجھ پیدا کر سکیں۔ اس موقع پرآروگیہ منتھن کی کلیدی سفارشات بھی پیش کی جائیں گی۔

آیوشمان بھارت پی ایم – جے اے وائی کا آغاز وزیراعظم نریندر مودی نے 23 ستمبر 2018 کو کیا تھا۔

م ن ۔م م۔ ک ا

U- 4410