কেবিনেট
কেবিনেটৰ ‘‘কেন্দ্ৰীয় শৈক্ষিক প্ৰতিষ্ঠান (শিক্ষকৰ কেডাৰত সংৰক্ষণ) বিধেয়ক, ২০১৯’’ৰ অনুমোদন
বিশ্ববিদ্যালয়/মহাবিদ্যালয়ক ২০০ পইণ্ট ৰোষ্টাৰৰ আধাৰৰ ভিত্তিত এটা ইউনিট হিচাপে গণ্য কৰা হ’ব
শিক্ষকৰ কেডাৰত প্ৰত্যক্ষ ভৰ্তিৰ দ্বাৰা ৭০০০ বিদ্যমান পদ পূৰণ কৰা হ’ব
নতুন বিধেয়ক পৰৱৰ্তী সদনত উত্থাপিত কৰা হ’ব
Posted On:
12 JUN 2019 7:48PM by PIB Guwahati
শিক্ষা ক্ষেত্ৰৰ সংশোধনত গুৰুত্ব প্ৰদান কৰি তথা ইয়াক সমাবেশী হিচাপে প্ৰস্তুত কৰাৰ বাবে আৰু বিভিন্ন শ্ৰেণীৰ লোকৰ আকাংক্ষাসমূহৰ প্ৰতি লক্ষ্য ৰাখি প্ৰধানমন্ত্ৰী শ্ৰী নৰেন্দ্ৰ মোদীৰ পৌৰহিত্যত কেন্দ্ৰীয় কেবিনেটে ‘কেন্দ্ৰীয় শৈক্ষিক প্ৰতিষ্ঠান (শিক্ষকৰ কেডাৰত সংৰক্ষণ) বিধেয়ক, ২০১৯’ শীৰ্ষক বিধেয়ক উত্থাপন কৰাৰ বাবে অনুমোদন প্ৰদান কৰিছে৷
কেবিনেটৰ এই সিদ্ধান্তৰ দ্বাৰা অনুসূচীত জাতি/অনুসূচীত জনজাতি/সামাজিক আৰু শৈক্ষিক দিশৰ পৰা পিছপৰা শ্ৰেণীসকলৰ বহু পুৰণি দাবী সমাধান হ’ব আৰু সংবিধানৰ অধীনত তেওঁলোকৰ অধিকাৰ সুনিশ্চিত হ’ব৷ ইয়াৰ দ্বাৰা আৰ্থিক ক্ষেত্ৰত দুৰ্বল শ্ৰেণীৰ বাবেও ১০ শতাংশ সংৰক্ষণ সুনিশ্চিত হ’ব৷
প্ৰভাৱঃ
এই নিৰ্ণয়ৰ দ্বাৰাঃ-
১) ২০০ পইণ্ট ৰোষ্টাৰযুক্ত শিক্ষক কেডাৰত প্ৰত্যক্ষ ভৰ্তিৰ দ্বাৰা ৭০০০ত কৈও অধিক বিদ্যমান পদ পূৰণ হোৱাৰ অনুমতি লাভ হ’ব৷ অনুচ্ছেদ ১৪, ১৬ আৰু ২১ৰ সাংবিধানিক ব্যৱস্থাসমূহৰ অনুপালনৰ নিশ্চিতি লাভ হ’ব৷
২) শিক্ষকৰ কেডাৰত প্ৰত্যক্ষ ভৰ্তিৰ দ্বাৰা অনুসূচীত জাতি/অনুসূচীত জনজাতি/সামাজিক আৰু শৈক্ষিক দিশৰ পৰা পিছপৰা শ্ৰেণীসকলৰ বহু পুৰণি দাবী সমাধান হ’ব আৰু সংবিধানৰ অধীনত তেওঁলোকৰ অধিকাৰ সুনিশ্চিত হ’ব
৩) অনুসূচীত জাতি/অনুসূচীত জনজাতি/সামাজিক আৰু শৈক্ষিক দিশৰ পৰা পিছপৰা শ্ৰেণীসম্বন্ধীয় সকলো উপযুক্ত তথা প্ৰতিভাৱান প্ৰাৰ্থীক আকৰ্ষিত কৰি উচ্চতৰ শৈক্ষিক সংস্থাসমূহৰ অধ্যয়নৰ মানদণ্ড উন্নীত কৰাৰ আশা কৰা হ’ব৷
নিহিতাৰ্থঃ
এই বিধেয়ক ‘কেন্দ্ৰীয় শৈক্ষিক প্ৰতিষ্ঠান (শিক্ষকৰ কেডাৰত সংৰক্ষণ) বিধেয়ক, ২০১৯’ৰ স্থানত হ’ব৷ ইয়াক পৰৱৰ্তী সদনত উত্থাপিত কৰা হ’ব৷
প্ৰণয়নঃ
- এই ২০০ পইণ্ট ৰোষ্টাৰৰ ওপৰত আধাৰিত পূৰ্বৱৰ্তী সংৰক্ষণ প্ৰণালীক বাহাল ৰাখি বিশ্ববিদ্যালয়/মহাবিদ্যালয়সমূহক এটা ইউনিটৰ ৰূপত বিবেচনা কৰা হ’ব৷ এতিয়াৰে পৰা বিভাগ/বিষয়ক এটা ইউনিটৰ ৰূপত বিবেচনা কৰা নহ’ব৷
- শিক্ষক কেডাৰত প্ৰত্যক্ষ ভৰ্তিত পদসমূহৰ সংৰক্ষণৰ বাবে বিশ্বাবিদ্যালয়/শৈক্ষিক সংস্থাসমূহক বিভাগৰ পৰিৱৰ্তে ইউনিট হিচাপে বিবেচনা কৰা হ’ব৷
- কেবিনেটৰ সিদ্ধান্তৰ দ্বাৰা অনুসূচীত জাতি/অনুসূচীত জনজাতি/সামাজিক আৰু শৈক্ষিক দিশৰ পৰা পিছপৰা শ্ৰেণীসকলৰ বহু পুৰণি দাবী সমাধান হ’ব আৰু সংবিধানৰ অধীনত তেওঁলোকৰ অধিকাৰ সুনিশ্চিত হ’ব৷ ইয়াৰ দ্বাৰা আৰ্থিক ক্ষেত্ৰত দুৰ্বল শ্ৰেণীৰ বাবেও ১০ শতাংশ সংৰক্ষণ সুনিশ্চিত হ’ব৷
*****
AKT/AK/MANN
(Release ID: 1574569)
Visitor Counter : 148