نئی دلّی ، 12 فروری ؍سابق وزیر اعظم جناب اٹل بہاری واجپئی کے ایک پورٹریٹ کی نقاب کشائی آج پارلیمنٹ کے سینٹرل ہال میں صدر جمہوریہ ہند جناب رام ناتھ کوو ند نے کی ۔
نائب صدر جمہوریہ ہند جناب ایم ۔ وینکیا نائیڈو ، وزیر اعظم جناب نریندر مودی ، لوک سبھا کی اسپیکر محترمہ سمترا مہاجن اور دیگر متعدد مقتدر شخصیات اس موقع پر موجود تھیں ۔
وزیر اعظم نے اس موقع پر ایک اجتماع سے خطاب کیا ۔ وزیر اعظم نے ایک سلسلہ وار ٹوئیٹ میں کہا ہے کہ :
’’ اب سے آئندہ ، اٹل جی پارلیمنٹ کے سینٹرل ہال میں ہمیشہ رہیں گے ، ہمیں تحریک دیتے رہیں گے اور آشیر واد دیتے رہیں گے ۔
اگر ہم اٹل جی کی اچھائیوں کی بات کرنا شروع کریں ، تو اس کے لئے گھنٹوں گھنٹوں درکار ہوں گے ۔
اٹل جی کا ایک طویل سیاسی کرئیر رہا ہے ، انہوں نے کرئیر کا ایک طویل عرصہ اپوزیشن میں رہتے ہوئے بسر کیا ہے ۔
تاہم ، انہوں نے مفاد عامہ کے موضوعات اٹھانے کا سلسلہ جاری رکھا اور انہوں نے کبھی بھی اپنے نظریات سے رو گردانی نہیں کی ۔
اٹل جی تقاریر میں توانائی ہوا کرتی تھی اور ان کی خاموشی بھی یکساں توانائی کا سر چشمہ ہوا کرتی تھی ۔
ان کی مواصلاتی ہنر مندی لا ثانی تھی ۔ ان میں غضب کی طنز و مزاح کی حس موجود تھی ۔

۔ ۔ ۔ ۔ ۔ ۔
U . 904