প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত আজি নতুন দিল্লীত অনুষ্ঠিত হয় কেন্দ্ৰীয় হিন্দী কমিটিৰ ৩১সংখ্যক বৈঠক৷

ভাষণত প্ৰধানমন্ত্ৰীয়ে কমিটিৰ সকলো সদস্যক তেওঁলোকৰ সৃষ্টিশীল আৰু ব্যৱহাৰিক পৰামৰ্শসমূহৰ বাবে অভিনন্দন জ্ঞাপন কৰে৷

হিন্দী ভাষা দৈনন্দিন বাৰ্তালাপৰ জৰিয়তে সম্প্ৰসাৰিত হ’ব লাগে বুলি উল্লেখ কৰি প্ৰধানমন্ত্ৰীয়ে কয় যে শৈক্ষিক প্ৰতিষ্ঠানসমূহে এই অভিযানৰ নেতৃত্ব দিয়াত সহায় কৰিব পাৰে৷

বিশ্ব পৰিভ্ৰণত হিন্দী ভাষাৰ ব্যৱহাৰ সন্দৰ্ভত অভিজ্ঞতা বৰ্ণনা কৰি তেওঁ সকলো সদস্যক আশ্বাস দিয়ে যে হিন্দীকে ধৰি সকলো ভাৰতীয় ভাষাৰ সহায়ত আমি সমগ্ৰ বিশ্বৰ সৈতে সংযুক্ত হ’ব পাৰো৷

একেদৰে, প্ৰধানমন্ত্ৰীয়ে কয় যে তামিলৰ দৰে বিশ্বৰ সবাতোকৈ পুৰণি ভাষাক লৈ আমি গৌৰৱান্বিত৷ দেশৰ সকলো ভাষাই হিন্দীক সমৃদ্ধিশালী কৰিব পাৰে বুলিও তেওঁ কয়৷ এই প্ৰসংগত তেওঁ ভাৰত চৰকাৰৰ ‘এক ভাৰত শ্ৰেষ্ঠ ভাৰত’ পদক্ষেপৰ কথা উল্লেখ কৰে৷

আদৰণি ভাষণৰ পাছত কেন্দ্ৰীয় গৃহমন্ত্ৰী তথা সচিব(ৰাজভাষা)শ্ৰী ৰাজনাথ সিঙে বিভিন্ন দিশৰ অগ্ৰগতিক লৈ এক পৰ্যালোচনা আগবঢ়ায়৷ হিন্দী ভাষাৰ প্ৰসাৰৰ সৈতে জড়িত সমস্যাকলৈ বিভিন্ন সদস্যই নিজৰ নিজৰ মত প্ৰকাশ কৰে৷

এই অনুষ্ঠানত প্ৰধানমন্ত্ৰী নৰেন্দ্ৰ মোদীয়ে কেন্দ্ৰীয় হিন্দী ডাইৰেক্ট’ৰেটৰদ্বাৰা প্ৰকাশিত গুজৰাটী-হিন্দী অভিধান মুকলি কৰে৷

প্ৰায় দুঘণ্টা ধৰি চলা এই বৈঠকত অৰুণাচল, হিমাচল প্ৰদেশ আৰু গুজৰাটৰ মুখ্যমন্ত্ৰীকে ধৰি কমিটিৰ আন সদস্যসকল উপস্থিত থাকে৷

***

AKT/VJ/AK/MS