نئی دہلی،  03 مئی ۔مرکزی وزارت برائے ترقی خواتین واطفال  کی جانب سے  کل نئی دہلی میں  بیٹی بچاؤ بیٹی پڑھاؤ  (بی بی بی پی )  کےتحت   244  اضلاع کی   قومی کانفرنس  کا انعقاد کیا جائے گا۔ پورے دن جاری رہنے اس کانفرنس میں  244  اضلاع  کے نوڈل افسران    ریاستی  افسران اور دیگرسینئر  افسران 

شرکت کریں گے ۔ترقی خواتین واطفال   کے امور کی مرکزی وزیر محترمہ مینکا سنجے گاندھی اس کانفرنس میں  مہمان خصوصی کی حیثیت سے شرکت کریں گی جبکہ وزیر مملکت برائے ترقی خواتین واطفال ڈاکٹر ویریندر کمار اس کانفرنس میں مہمان ذی وقار کی حیثیت سے شرکت کریں گے ۔

          اس کانفرنس میں  ترقی خواتین واطفال کے امور کی وزارت کے سکریٹری  جناب راکیش سریواستو بی  بی بی پی کے تحت    اس اسکیم کے اب تک کے سفر پر روشنی ڈالیں  گے ۔علاوہ ازیں  صحت اور خاندانی بہبود کی وزار ت اور  فروغ وسائل انسانی کی وزارت  کے افسران   جنسی تفریق  وامتیاز  کی کمی کی  صورتحال میں   بہتری  پر اپنے اپنے شعبوں     میں ہونے والے تجربات کی تفصیل  پیش کریں گے ۔علاوہ ازیں   نوزائیدہ بچوں کی  شرح اموات   کمی  اور بچیوں کی تعلیم   سے متعلق امور بھی اس کانفرنس میں زیر بحث آئیں گے ۔اس کانفرنس کے بالمشافہ گفتگو کے ایک اجلاس میں   ملک کے  مختلف علاقوں  کے  منتخب  بی بی بی پی  اضلاع   کے ڈسٹرک کلکٹر   گزشتہ تین برسوں کے دوران اس سلسلے میں کئے گئے  جدت طراز اقدامات   کی تفصیل بھی بیان کریں گے ۔اس موقع پر ریاست ہریانہ کی جانب سے   شہری سماج کے شراکتدار بھی ریاستی سطح کے اپنے تجربات  بیان کریں  گے ۔

          یہ کانفرنس    باہمی تجربات کے لین دین اور نئے اضلاع کو   یہ پروگرام   کامیابی کے ساتھ  روبہ عمل لانے کی ترغیب دئے جانے ا موقع فراہم کرے گی۔اس کانفرنس میں  شرکت کرنے والوں میں   ترقی خواتین واطفال  کے پرنسپل سکریٹری اور مختلف ریاستوں / مرکز کے زیر انتظام علاقوں کے محکمہ تعلیم وصحت کے پرنسپل سکریٹری   اور 244  اضلاع کے ڈپٹی کمشنر اور ڈسٹرکٹ مجسٹریٹ  حضرات شرکت کریں  گے ۔

          دوسری طرف وزیر اعظم جناب نریندر مودی نے  ملک بھر کے 640  اضلاع میں بیٹی بچاؤ بیٹی پڑھاؤ (بی بی بی پی )  اسکیم  کو ملک گیر پیمانے پر  شروع کرنے کا اعلان کیا ہے ۔ وزیر اعظم نے  8 مارچ  2018  کو راجستھان کے شہر جھنجھنوں میں یہ اعلان کیا تھا ۔یادرہے کہ اس اسکیم میں  ملک کے 244  نئے اضلاع کو   ہمہ شعبہ جاتی اقدامات کے لئے دائرہ کار میں شامل کیا جائے گا ۔  یہ اقدام   پہلے ہی اس دائرہ کار میں لائے جانے والے 161  اضلاع کے علاوہ  اضافی اقدام ہوگا ۔ باقیماندہ 235  اضلاع  کو  میڈیا مہم  اور   مشاورتی  رسائی کے ذریعہ اس دائرہ کار میں شامل کیا جائے گا۔

۰۰۰۰۰۰۰۰۰۰۰۰۰۰۰۰۰۰۰۰۰

م ن ۔س ش ۔رم

U-2418