पत्र सूचना कार्यालय

Technology

இந்தியாவின் வளர்ந்து வரும் தொழில்நுட்பச் சூழலியல்

கடந்த பத்தாண்டுகளில், இந்தியா ஒரு பெரிய டிஜிட்டல் சந்தையிலிருந்து வளர்ந்து வரும் உலகளாவிய தொழில்நுட்ப சக்தியாக உருமாறியுள்ளது. முன்னதாக, இந்தியா பெரும்பாலும் டிஜிட்டல் சேவைகள் மற்றும் இணையத்தால் இயக்கப்படும் தளங்களுக்கான ஒரு பரந்த நுகர்வு  தளமாகவே பார்க்கப்பட்டது. இன்று, டிஜிட்டல் பொது உள்கட்டமைப்பு, உள்நாட்டுப் புத்தாக்கம், புத்தொழில் சூழலியல் மற்றும் வளர்ந்து வரும் தொழில்நுட்பத் திறன்கள் ஆகியவற்றின் மூலம், நாடு உலகளாவிய தொழில்நுட்ப வளர்ச்சியை அதிகளவில் வடிவமைத்து வருகிறது. அரசின் தொடர்ச்சியான முதலீடுகள் தேசியத் திறனை வலுப்படுத்தியுள்ளதுடன், தொழில்நுட்பத் திறனை விரிவுபடுத்தியுள்ளன, உலகளாவிய நம்பகத்தன்மையை அதிகரித்துள்ளன.

செயற்கை நுண்ணறிவு, செமிகண்டக்டர்கள், குவாண்டம் தொழில்நுட்பங்கள், சூப்பர் கம்ப்யூட்டிங், கிளவுட் கம்ப்யூட்டிங் மற்றும் சைபர் பாதுகாப்பு ஆகியவற்றில் மேற்கொள்ளப்படும் முன்முயற்சிகள் ஒரு வலுவான புத்தாக்கச் சூழலியலை உருவாக்குகின்றன. இந்தியாவின் நம்பகமான டிஜிட்டல் பொது உள்கட்டமைப்பு, அனைவரையும் உள்ளடக்கிய டிஜிட்டல் ஆளுகை மற்றும் வளர்ந்து வரும் உலகளாவிய கூட்டாண்மைகள் ஆகியவை நாட்டை ஒரு நம்பகமான தொழில்நுட்பக் கூட்டாளியாக நிலைநிறுத்துகின்றன. இந்தச் சாதனைகள் '2047-ல் வளர்ச்சியடைந்த இந்தியா' திட்டத்திற்கு அடித்தளமிடுவதுடன், உலகளாவிய தொழில்நுட்பக் களத்தில் இந்தியாவின் பங்கையும் வலுப்படுத்துகின்றன.

12 ஆண்டுகளுக்கு முன், தொழில்நுட்பத்தை வளர்ச்சியடைந்த இந்தியாவின் முக்கிய உந்து சக்தியாக மாற்றுவதற்கான ஒரு உறுதியான பயணத்தை இந்தியா தொடங்கியது. அதனைத் தொடர்ந்து, டிஜிட்டல் உள்கட்டமைப்பை உருவாக்குவதற்கும், புத்தாக்கத்தை வலுப்படுத்துவதற்கும், ஒவ்வொரு குடிமகனுக்கும் தொழில்நுட்ப அணுகலை விரிவுபடுத்துவதற்கும் தொடர்ச்சியான தேசிய அளவிலான முயற்சி மேற்கொள்ளப்பட்டது. நீண்டகால கொள்கை ஆதரவும் உத்திசார் முதலீடுகளும் உள்நாட்டுத் தொழில்நுட்பங்கள், பாதுகாப்பான டிஜிட்டல் அமைப்புமுறைகள் மற்றும் உலகளவில் போட்டித்தன்மை வாய்ந்த புத்தாக்கச் சூழலியலின் வளர்ச்சிக்கு வழிவகுத்தன.

2015-ல் தொடங்கப்பட்ட 'டிஜிட்டல் இந்தியா' திட்டம், நாடு முழுவதும் டிஜிட்டல் உள்கட்டமைப்பை வலுப்படுத்துவதன் மூலம் இந்தியாவின் வளர்ந்து வரும் தொழில்நுட்பச் சூழலியலுக்கு அடித்தளம் அமைத்தது. கடந்த 12 ஆண்டுகளில், இந்தத் திட்டம், இந்தியாவின் டிஜிட்டல் மாற்றத்தின் முதுகெலும்பாக உருவெடுத்துள்ளது. இந்தத் திட்டம் டிஜிட்டல் உள்கட்டமைப்பை வலுப்படுத்தியது, இணைப்பை விரிவுபடுத்தியது, மற்றும் அனைத்துத் துறைகளிலும் தொழில்நுட்பத்தை ஏற்றுக்கொள்வதை துரிதப்படுத்தியது. இந்த முயற்சிகள் இந்தியாவை உலகளவில் போட்டித்தன்மை வாய்ந்த ஒரு டிஜிட்டல் பொருளாதாரமாக நிலைநிறுத்துவதுடன், எதிர்காலத் தயார்நிலைக்கான வலுவான அடித்தளங்களை அமைத்து, வளர்ந்து வரும் தொழில்நுட்பங்களில் தேசியத் திறன்களையும் விரிவுபடுத்துகின்றன.

இந்தியாவின் டிஜிட்டல் பயணம், தேசியத் திறனை விரிவுபடுத்துதல், தொழில்நுட்பத் திறனை வலுப்படுத்துதல் மற்றும் உலகளாவிய நம்பகத்தன்மையை உருவாக்குதல் ஆகிய மூன்று ஒன்றோடொன்று இணைந்த தூண்களின் மீது கட்டமைக்கப்பட்டுள்ளது. அனைவரையும் உள்ளடக்கிய வளர்ச்சிக்கு டிஜிட்டல் உள்கட்டமைப்பு அடித்தளத்தை அமைத்தது. மலிவு விலையிலான இணைப்பு வசதி, டிஜிட்டல் பொது உள்கட்டமைப்பு, கிளவுட் அமைப்புமுறைகள் மற்றும் தரவு வலையமைப்புகள் ஆகியவை குடிமக்கள், வணிகங்கள் மற்றும் நிறுவனங்களை முன்னெப்போதும் இல்லாத அளவில் இணைத்தன.

கடந்த 12 ஆண்டுகளின் சாதனைகள், தனித்தனி மைல்கற்கள் அல்ல. அவை 2047-ல் வளர்ச்சியடைந்த இந்தியாவின் தொழில்நுட்ப அடித்தளமாக விளங்குகின்றன. இந்தியா இனி உலகளாவிய தொழில்நுட்பங்களை ஏற்றுக்கொள்வதுடன், அனைவரையும் உள்ளடக்கிய, நம்பகமான மற்றும் மனிதனை மையமாகக் கொண்ட தொழில்நுட்ப மேம்பாடு குறித்த உலகளாவிய உரையாடல்களையும் அதிக அளவில் வடிவமைத்து வருகிறது.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும்: https://www.pib.gov.in/PressNoteDetails.aspx?NoteId=158984&ModuleId=3&reg=3&lang=1

***

TV/BR/SE