पत्र सूचना कार्यालय

মরুওইবা ৱাফমশিং

ভারতকী তার্গেৎ 2030 ফাওবা চহীদা 5 এম.এম.তি. গ্রীন হাইদ্রোজেন পুথোক্কনি।

ভি.ও. চিদম্বরনর হীথাংফমদা পোর্ত-বেজ গ্রীন হাইদ্রোজেন পাইলোত হৌদোকখ্রে।

ফ্যুএল সেল অমদি হাইদ্রোজেন ইন্তর্নেল ইজ্ঞিন ভিহিকল 37 য়াওনা রুত  10 দা হাইদ্রোজেন মোবিলিতী পাইলোতশিং হৌদোকখ্রে।

মিশন অসিনা ইনভেস্তমেন্ততা লুপা করোর লাখ 8 এত্রেক্ত তৌবগী  অমসুং ফোসিল ফ্যুএলগী ইম্পোর্তা লুপা করোর লাখ 1 হন্থগনি হায়বগী আশা তৌরি।

ৱাহৌদোক

ভারতকী ইনর্জী ত্রাজ্ঞিসন অসি মরুওইবা তাঙ্কক অমদা য়ৌগদৌরে, মরমদি লৈবাক অসিগী ফোসিল ফ্যুএলদা মপাল তাংবা হন্থরক্কদৌরে অমসুং দোমেস্তিক ক্লীন ইনর্জী পুথোকপা হেনগৎলক্লি। মসি লৈবাক অসি 2047 ফাওবদা চাউখৎপা লৈবাক অমা ওইনবা অমসুং 2070 ফাওবদা নেত জীরো য়ৌনবগী পান্দম ফংনবগী মওংদনি। মসিগী অওনবা অসিদা গ্রীন হাইদ্রোজেন অসি অশেংবা, অচৌবা স্কেলদা তৌবা য়াবা ফ্যুএলগী ওপ্সন অমগী মওং ওইনা থোরক্তুনা কার্বোন হন্থহনবদা লুবা ফোসিল ফ্যুএলদা ইম্পোর্ত তৌবগী মপাল তাংবা হন্থহনবা ঙম্বা লমশিংদা দাইকার্বোনাইজ তৌবা ঙম্বা অমসুং ইনর্জী সেক্যুরিতী অমসুং ইন্দস্ত্রিগী চাওখৎনবগী ওইবা ভারতকী পান্দমশিংদা মতেং ওইনা থোরক্লি।

ভারত সরকারনা 2023 দা নেস্নেল গ্রীন হাইদ্রোজেন মিশন (এন.জি.ঐচ.এম.) হৌদোক্তুনা চাউরবা থৌরম অমা ওইরিবা গ্রীন হাইদ্রোজেন ইকোসিস্তেম ওইহন্নবগী পান্দমদা অমসুং মসিগী লম অসিদা লৈরিবা খুদোংচাবশিং অমসুং শিংনবশিংগী মফমদা সিস্তেমেতিক ওইবা থবকশিং থৌগৎনবনি।

পান্দম

মিশন অসি শুপ্নতগী ইনর্জীগীদমক্তা পায়খৎপা থবক্তগী য়াম্না হেল্লি; মসি ইন্দস্ত্রীগী কম্পিতিতিব ওইনবা, ইম্পোর্ত হন্থরক্নবা অমসুং সস্তেনেবল অসি ইরোমদোম মীপান তাংদনবগা শমজিন্নবা মতম শাংনা ইনর্জীগী সেক্যুরিতী লৈহন্নবগী মায়কৈরোমদা স্ত্রেতিজিক ওইবা লম্বিদনি।

গ্রীন হাইদ্রোজেন হায়বসি করিনো?

গ্রীন হাইদ্রোজেন হায়বসি ফোসিল ফ্যুএলগী মহুত্তা নুংশা অমদি নুংশীৎকী ইনর্জীগুম্বা অনৌবা ইনর্জী শিজিন্নদুনা শেম্বা হাইদ্রোজেন্নি। থৌওং অসিদা নুংশাগী পেনেল নত্রগা নুংশীৎকী তর্বাইন্দগী ফংবা মৈ শিজিন্নদুনা ঈশিং অসি ইলেক্ত্রোলাইসিস তৌদুনা হাইদ্রোজেন অমসুং ওক্সিজেন ওইনা খায়দোকই। ভারত সরকারনা থোকপা নোতিসকী মতুং ইন্না মতৌ অসিগুম্না শেম্বা হাইদ্রোজেন অসি করিগুম্বা থৌওং অসিদগী শেম্বা অপুনবা ইমিশন অসি য়াম্না হন্থবা তারবদি হায়বদি হাইদ্রোজেন কিলোগ্রাম 1 শেম্বদা CO₂ কিলোগ্রাম 2 গী চাংগা মান্নরবদি অসি “গ্রীন” নি হায়না লৌনৈ। গ্রীন হাইদ্রোজেন বাইওমাস (খুদম ওইনা লৌউ-শিংউদগী থোরকপা লেমখাকশিং) অসি হাইদ্রোজেন্দা ওন্থোক্লগসু শেম্বা য়াই, তৌবতবু ইমিশন অসি লেপথোক্লবা পনখৈ অদুগী মখাদা লৈগদবনি।  

নেস্নেল গ্রীন হাইদ্রোজেন মিশন (এন.জি.ঐচ.এম.) গী পান্দম অসি ভারত অসি অশেংবা হাইদ্রোজেনগী মতাংদা মালেমদা মাংজিল থানবগীদমক্তা মরুওইবা মঙম অমসুং ইকোসিস্তেম শেমগৎপনি। 2030 ফাওবদা মিশন অসিবু গ্রীন হাইদ্রোজেন পুথোকপগীদমক্তা কত্থোক্লবা অনৌবা ইনর্জীগী কেপাসিতী গীগাৱাত 125 অমসুং লুপা করোর লাখ 8 দগী হেনবা ইনভেস্তমেন্তকী মতেংদগী ফংগনি। মিশন অসিদগী থবক লাখ 6 তগী হেনবগী খুদোংচাবা লৈহনগদৌরিবা, ফোসিল ফ্যুএলগী ইম্পোর্ত তৌবদা লুপা করোর লাখ 1 দগী হেন্না তাগদৌরিবা অমসুং 2030 ফাওবদা চহী খুদিংগী চাওরাক্না এম.এম.তি. 50 গী গ্রীনহাউস গ্যাস ইমিসন্দা তাথরকপগী ওইথোকপা লৈ।  

মে 2025 ফাওবদা, কম্পনী 19 দা চহী খুদিংগী গ্রীন হাইদ্রোজেন তোন 862,000 পুথোক্নবগী হায়খ্রে অমসুং ফার্ম 15 দা ইলেক্রোলাইজর মেগাৱাত 3,000 গী কেপাসিতী লৈহনখ্রে। ভারতনা স্তীল, মোবিলিতী অমসুং শিপিংগী লমদসু পায়লোত প্রোজেক্তশিং হৌদোকখ্রে।

এন.জি.ঐচ.এম. গী মকাদা সেক্তোরিএল ইনোবেসন ইম্প্লিমেন্তেসন

জনৱারী 2023 দা হৌদোকখিবা নেস্নেল গ্রীন হাইদ্রোজেন মিশনগী ইনিসিএল আউতলেগী অহানবা শেনবা চহী 2029-30 ফাওবা লুপা করোর 19,744 ফাওবা লেপথোকখ্রে। মসিদা গ্রীন হাইদ্রোজেন ওন্থোক্নবগীদমক্তা স্ত্রেতিজিক ইন্তর্ভেন্সন (সাইত) কী ওইনা লুপা করোর 17,490, পায়লোত প্রোজেক্তশিংগীদমক্তা লুপা 1,466, রিসর্চ এন্দ দিভেলপমেন্ত(আর.এন্দ দি.)গীদমক্তা লুপা করোর 400 অমসুং মিশনগী অতৈ কম্পোনেন্তশিংগী ওইনা লুপা করোর 388 য়াওরি।

মিশন অসিনা মরুওইবা য়ুম্বী মরীদা মীৎয়েং থম্লি, মসিদা পোলিসী অমসুং রিগুলেতরী ফ্রেমৱার্ক, দিমান্দ ক্রিএসন, রিসর্চ এন্দ দিভেলপমেন্ত অমদি ইনোভেসন, ইনেব্লিং ইনফ্রাস্ত্রকচর অমসুং ইকোসিস্তেম দিভেলপমেন্ত অসিবুহেন্না কনখৎহনবা য়াওরি-মসিগী পান্দমদি ভারত্তা গ্রীন হাইদ্রোজেন পুথোকপা, শিজিন্নবা অমসুং এক্সপোর্ত্তা গ্লোবেল হব ওইহনবনি।

মিশন অসিগী ভিজন অসি হেন্না খুমাং চাওশিন্নবগীদমক্তা সরকারনা গ্রীন হাইদ্রোজেন পুথোকপা অমসুং শিজিন্নবদা য়াংশিলহনবা, দোমেস্তিক মেনুফেকচরিং অমসুং এক্সপোর্ত অসি ফগৎহনবা, রিগুলেতরী কম্প্লাইয়েন্স লৈহনবা অমসুং পব্লিক-প্রাইভেত পার্ত্নরশিপ ফগৎহন্নবা প্রোজেক্তশিংসু হৌরে।

1. গ্রীন হাইদ্রোজেন ওন্থোক্নবগীদমক্তা স্ত্রেতিজিক ইন্তর্ভেন্সন(সাইত) প্রোজেক্তঃ 2029-30 ফাওবদা লুপা করোর 17,490 গী আউতলে ওইবা ফাইনান্সিএল ইন্সেন্তিব মেকানিজম ওইবা গ্রীন হাইদ্রোজেন পুথোকপগীদমক্তা শিজিন্নবা ইলেক্ত্রোলাইজর শেম্নবা শৌগৎলি।

(ii) গ্রীন হাইদ্রোজেন হবশিং শেমগৎপা: ওক্তোবর 2025 দা, অনৌবা অমসুং ইনোভেতিব ইনর্জী মন্ত্রালয় (এম.এন.আর.ই.) না এন.জি.ঐচ.এম. গী মখাদা মরুওইবা হীথাংফম অহুম- দীন্দয়াল পোর্ত ওথোরিতী(গুজরাত), বি.ও. চিদম্বরনার পোর্ত ওথোরিতী(তমিলনাদু অমসুং পারাদীপ পোর্ত ওথোরিতী (ওরিশা) অসিবু গ্রীন হাইদ্রোজেন হব ওইনা লৌনবা লাওথোকখ্রে। মসিগী সমুদ্র খোংবানগী মপমশিং অসি পোৎ পুথোক্নবা, শিজিন্ননবা অমসুং তুংদা এক্সপোর্ত তৌনবগীদমক্তা পুনশিল্লবা মফম অমগী মওংদা থবক তৌগনি।

2. স্তেন্দর্দশিং, সর্তিফিকেসন অমসুং সেফতীঃ এপ্রীল 2025 দা হৌখিবা ভারতকী গ্রীন হাইদ্রোজেন সর্তিফিকেসন স্কীম(জি.ঐচ.সি.আই.) মপুং ওইনা প্রদক্সন তৌবগী সাইকলদা গ্রীনহাউসকী গ্যাস ইমিসন ওন্দুনা হাইদ্রোজেন অসিবু “গ্রীন” ওইনা সর্তিফাই তৌনবা নেস্নেল ফ্রেমৱর্ক ফংহল্লি। প্রোজেক্ত অসিনা ইনোভেতিব ইনর্জীখক্তমক শিজিন্নবা অমসুং লেপথোক্লবা ইমিসনগী পনখৈগী মনুংদা পুথোকপা হাইদ্রোজেন অসি হেন্না য়াম্না গ্রীন হাইদ্রোজেনগী মওংদা লেবেল তৌবা য়াই।  মসিগী প্রদ্যুসরশিং, লৈরিবশিং অমসুং এক্সপোর্ত মার্কেৎশিংগীদমক্তা ত্রান্সপরেন্সী, খংদোক্নবগী মঙম অমসুং থাজনিংঙাই ওইবা অদু লৈহল্লি।

জি.ঐচ.সি.আই. গী মখাদা ভারত্তা  গ্রীন হাইদ্রোজেন পুথোকপগী খুদোংচাবা অমা হেক্তনা (A) কেন্দ্র নত্রগা রাজ্য সরকারশিংদগী সবসিদী নত্রগা ইন্সন্তিব লৌবা নত্রগা (B) হাইদ্রোজেন অসি লৈবাক অসিদা (ভারত্তা) য়োন্নবা নত্রগা শিজিন্নবগীদমক্তা ‘ফাইনেল সর্তিফিকেত’ লৌবগী মথৌ তাই।

ব্যুরো ওফ ইনর্জী ইফিসিএন্সী (বি.ই.ই.) প্রোজেক্তশিং য়েংশিন্নবা অমসুং সর্তিফাই তৌবা এজেন্সীশিং য়ারে হায়নবগীদমক্তা লৈবা নোদেল ওথোরিতীনি।

3. স্ত্রেতিজিক হাইদ্রোজেন ইনোভেসন পার্ত্নরশিপ (শিপ): মিশন অসি স্ত্রেতিজিক হাইদ্রোজেন ইনোভেসন পার্ত্নরশিপ (শিপ) কী থোংদগী রিসর্চ অমসুং দিভেলপমেন্তকীদমক্তা পব্লিক-প্রাইভেৎ পার্ত্নরশিপ অসি ফগৎহন্নবনি। মসিগী সরকারগী লুপশিং, ইন্দস্ত্রী অমসুং এজুকেস্নেল ওর্গনাইজেসনশিংবু য়াওহন্দুনা তেংবাংনবগী ওইবা রিসর্চশিংগী থোংদগী খুমাং চাওসিল্লবা, মালেমগী থাক্কী কম্পিতিতিব হাইদ্রোজেন তেক্নোলোজী চাউখৎনবদা মতেং পাংনবগীদমক্তা দিজাইন তৌখিবনি। মসিগী প্রোগ্রাম অসিদা সরকার অমসুং ইন্দস্ত্রী অনিমক্না তেংবাংনদুনা কত্থোক্লবা রিসর্চ এন্দ দিভেলপমেন্ত ফন্দ শেম্বসু য়াওরি। শিপকী মখাদা বি.এ.আর.সি., ইসরো, সি.এস.আই.এ.আর., আই.আই.এস.সি.গুম্লবা নেস্নেল সাইন্তিফিক ইন্সতিত্যুসনশিং অমসুং অতৈ পার্নরশিংনা পাঙ্গল অসিগী খুদোংচাবা লৌনবগীদমক্তা পার্ত্নরশিপ-বেজ রিসর্চশিং পুক্নিং থৌগৎকনি। মসিগী পান্দম অসি গ্রীন হাইদ্রোজেন ভেল্যু চেন্দা ইনোভেসন অমসুং দোমেস্তিক মেনুফেকচরিং কেপেবিলিতী শৌগৎনবনি।

মিশন অসিগী মখাদা কত্থোক্লবা লুপা করোর 400 গী রিসর্চ এন্দ দিভেলপমেন্ত প্রোজেক্ত অমা হান্নদগী হাইদ্রোজেন পুথোকপা, সেক্যুরিতী সিস্তেমশিং, স্তোরেজ অমসুং ইন্দস্ত্রিএল এপ্লিকেসনশিংনচিংবগী লমদা হান্ননা থবক পাংথোক্লবা ইনৌ নৌবা প্রোজেক্ত 23 খোংজেল য়াংশিলহল্লি। মসিদা নত্তনা হাইদ্রোজেন পুথোকপা, স্তোরেজ, ত্রান্সপোর্ত অমসুং য়ুতিলাইজেসনগীদমক্তা ইনোভেতিব তেক্নোলোজীশিংনা থবক তৌবা স্তার্ত-অপশিং তেংবাং পীনবগীদমক্তা প্রোজেক্ত খুদিংদা লুপা করোর 5 ফাওবগী শেলগী তেংবাংগা লোয়ননা লুপা করোর 100 'কোল ফোর প্রোপোজেল' লোঞ্চ তৌখ্রে। হায়রিবা খোংথাংশিং অসিগী পান্দমদি মালেমগী থাক্তা পাংথোকপা হীদান্নবশিংদা তেক্নিকেল দিভেলপমেন্ত লৈহনবা অমসুং হাইদ্রোজেন ভেল্যু চেন্দা মমল হন্থহনবনি।  

জুলাই 2025 দা লোঞ্চ তৌখিবা রিসর্চ এন্দ দিভেলপমেন্তকী প্রোপোজেলশিংগী অনিশুবা খোংথাং, তেংবাংনিংঙাই ওইবা রিসর্চ অমসুং ইন্দস্ত্রীদা পার্ত্নর্শিপ তৌমিন্নবদা য়ুম্ফম ওইরি, মসিদা ই.য়ু.ईयू-ভারত ত্রেদ এন্দ তেক্নোলোজী কাউন্সীলগী মখাদা ইন্সর্নেস্নেল লেভেলদা জোইন্ত প্রোপোজেল 30 দগী হেন্না সবমিৎ

এদোপ্ত তৌনবগী লম্বী

প্রোজেক্ত অসি শুপ্নতগী চৎন-পথাপ শেম্নবখক্কী অমসুং সব্সিদী পীবনা লোইবা নত্তে, মসিদা মরুওইবা লমশিংদা ইমিসন হন্থহন্নবা, দোমেস্তিক মেনুফেকচরশিং তেংবাং ফংহন্নবা অমসুং ফোসিল ফ্যুএল বেজ হাইদ্রোজেন অমসুং কচা মাল নত্রগা ফীদস্তোক শেমগৎনবা গ্রীন হাইদ্রোজেন অসিবুসু চৎনহনবসু য়াওরি। এন.জি.ঐচ.এম. ইন্দস্ত্রী, মোবিলিতী অমসুং ইনফ্রাস্ত্রকচরদা শিজিন্নবা লায়থোকহন্নবসু তৌরি।

ইন্দস্ত্রীগী ওইবা

ফর্তিলাইজর: ফোসিল ফ্যুএলদা য়ুম্ফম ওইবা কচা মাল অসিবু গ্রীন এমোনিয়ানা অমুক শেমগৎনবা। ফর্তিলাইজর য়ুনিৎশিং অসিদা গ্রীন এমোনিয়াগী মতম শাংনা সপ্লাই তৌনবগীদমক্তা হন্দক্তা নিলাম লাওদুনা মসিদগী পুন্না মেত্রিক তোন লাখ 7.24 অমসুং কিলোদা লুপা 55.75 দা লৈনবা ৱারেপ্নখ্রে।

পেত্রোলিয়ম রিফাইনিং: মিশন অসি রিফাইনরিশিংদা ফোসিল –বেজ হাইদ্রোজেন অসি গ্রীন হাইদ্রোজেন্দা ওন্থোকপদা লায়নবগী মায়কৈদা মতেং পাংলি, মসিদগী মসিগী মরুওইবা ইন্দস্ত্রীগী কার্বন ফুতপ্রীন্ততা চুমদ্রিংনা হন্থহনবা ঙমহন্নবনি।

স্তীল: আইরন রিদক্সন অমসুং অতোপ্পা প্রোসেস এপ্লিকেসনশিংগীদমক্তা গ্রীন হাইদ্রোজেন শিজিন্নবা ইবাল্যুএত তৌনবগীদমক্তা পব্লিক অমসুং প্রাইভেৎ স্তীল প্রদ্যুসরশিংগী মতেংদগী পাইলোত প্রোজেক্ত মঙা হৌদোকখ্রে। মসিগী পাইলোত প্রোজেক্তশিং অসি ভারতকী ওপরেতিং কন্দিসনশিংদা হাইদ্রোজেন বেজ স্তীল শানবগী তেক্নিকেল ফিজিবিলিতী, ইকোনোমিক ভিএবিলিতী অমসুং সেফতী ওইবা ওন্ননবগীদমক্তা দিজাইন তৌখিবনি।

মোবিলিতী অমসুং ত্রান্সপোর্তেসন

লম্বীগী ত্রান্সপোর্তেসন: মার্চ, তোঙান-তোঙানবা লম্বী 10 হাইদ্রোজেন গারী 37 (বস অমসুং ত্রকশিং) অমসুং রিফ্যুলিং স্তেসন 9 গী অচৌবা পাইলোত প্রোজেক্তশিং মঙা হৌদোকখ্রে। চাংয়েং তৌবা ওইনা শিজিন্নবা হাইদ্রোজেন ফ্যুএল সেল-বেজ গারী 15 অমসুং হাইদ্রোজেন ইন্তর্নেল কম্বসন ইঞ্জীন গারী 22 নি। প্রোজেক্ত অসিগীদমক্তা শেলগী তেংবাং অসি চাওরাক্না লুপা করোর 208 রোম ওইগনি।  

শিপিং: ভারতকী অহানবা হীথাংফমদা লৈবা গ্রীন হাইদ্রোজেন পাইলোত প্রোজেক্ত অসি সেপ্তেম্বর 2025 দা বি.ও. চিদম্বর্নার হীথাংফমদা হৌদোকখিবনি। লুপা করোর 25 গী 10 Nm³/hr গী খুদোংচানবা স্ত্রীত লাইতিং অমসুং ই.ভি. চার্জিং স্তেসন য়াওনা মফমদুদা শিজিন্ননবগীদমক্তা গ্রীন হাইদ্রোজেন পুথোক্কনি। অশেংবা সমুদ্রগী ওইনা ওপরেত তৌবদা তেংবাং পীনবা অমদি কান্দলা অমসুং তুতীকোরীনগী মরক্তা কোস্তেল গ্রীন শিপিং কোরিদর শেম্ননবগীদমক্তা লুপা করোর 42 গী 750 m³ গী গ্রীন মেথানোল বঙ্করিং অমসুং রিফ্যুলিংগী খুদোংচাবসু শেমগৎলি।

অৱাবা অল্তীচুদকী মোবিলিতী: এন.তি.পি.সি. না নবেম্বর 2024 দা লেহদা মালেমগী খ্বাইদগী ৱাংবা (3,650 m) গী গ্রীন হাইদ্রোজেন মোবিলিতী প্রোজেক্ত হৌদোকখ্রে, মসিদা হাইদ্রোজেন ইন্ত্রা-সিতী বস 5 অমসুং ফ্যুলিং স্তেসন অমা য়াওরিবা অসিনা অরুবা তানফমদসু ফ্যুএলগী থাজনিংঙাই ওইবা অদুগী খুদম ওইহল্লি। স্তেসন অসি চহী খুদিংগী চাওরাক্না এম.তি. কার্বোন 350 ইমিসন তৌবা হন্থহল্লগনি অমসুং চহী খুদিংগী অশেংবা ওক্সজেন এম.তি. 230 নুংশীত্তা থাদোকহন্দুনা উ পাম্বী 13000 গা

থবক ঙমহল্লিবা ফ্রেমৱর্ক

ইনভেস্তমেন্তা অরুবা লৈবশিং হন্থহনবা অমসুং চাউখৎপা অসি য়াংশিলহন্নবগীদমক্তা হকথেংননা শৌগৎকপদা নত্তনা মপুং ওইনা তেংবাং ফংনিংঙাই ওইবা ফ্রেমৱর্ক শেম্লি।

পোলিসী ফ্রেমৱর্ক : হাইদ্রোজেন পুথোক্ননবগীদমক্তা মমল তাবা অনৌবা ইনর্জী সপ্লাই তৌবদা লায়থোকহন্নবগীদমক্তা সরকারনা ইন্তর্নেস্নেল ত্রান্সমিশন মমল লৈহন্দ্রে অমসুং ওপন এক্সেসকী মতমগী মনুংদা তৌবা য়াহনখ্রে।  

স্কীল দিভেলপমেন্ত : হান্না ত্রেনী 5,600 দগী হেনবদা হাইদ্রোজেনগা মরি লৈনবদা মতিক চারে হায়বগী সর্তিফিকেৎ ফংহনখিদুনা তুংদা মতিক চারবা থবক তৌবা ঙম্বশিং লৈহল্লগদবা কোওর্দিনেতেদ দিভেলপমেন্ত প্রোগ্রাম চৎনহল্লগনি।

গ্লোবেল পার্ত্নরশিপ শেমগৎপা

2024 দা ভারতনা রোতরদেমদা ৱর্ল্দ হাইদ্রোজেন সবমিত্তা ভারতকী ইহান হানবা পেবিলোন হৌদোকখিবগা লোয়ননা ইন্তর্নেস্নেল হাইদ্রোজেন কম্যুনিতীদা অহানবা ওইনা হৌদোকখি। মসিদগী ভারতকী ইন্তর্নেস্নেল ইনভেস্তমেন্তকীদমক্তা মরুওইবা পার্ত্নরশিপ অমসুং হৌগৎলক্লিবা মালেমগী হাইদ্রোজেন ইকোনোমীদা অথোইবা পার্ত্নরশিপ ওইনা থোরকখি।  

• ই.য়ু.-ইন্দিয়া কোলাবোরেসন: ই.য়ু.-ইন্দিয়া ত্রেদ অমসুং তেক্নোলোজীগী মখাদা লেমখাকশিংদগী হাইদ্রোজেন পুথোরকপগী জোইন্ত প্রোপোজেল 30 গী মথক্তা ফংদুনা খুৎশম্নবা হেনগৎলক্লি।
• ভারত-য়ু.কে. পার্ত্নরশিপ : হাইদ্রোজেন স্তেন্দরাইজেসন্দা তেংবাং পীবা হেনগৎহন্নবগীদমক্তা ফেব্রুয়ারী 2025 দা দেদিকেতেদ স্তেন্দর্দ পার্ত্নরশিপ ৱার্কশোপ অমা পাংথোকখি। মসিদা ত্রেদ অসি ফগৎহন্নবগীদমক্তা শোইরোই—ঙাম্লোইদবা, চাওখৎহনবা য়ারবা অমসুং মালেমগী ওইনা খুৎশম্নবা য়াবা রিগুলেসনশিং, কোদ্স এন্দ স্তেন্দর্দস(আর.সি.এস.) দা মীৎয়েং থমখি।
• ঐচ.2 গ্লোবেলগা লোয়ননা পার্ত্নরশিপ তৌবা: নবেম্বর 2024 দা ভারত্তা গ্রীন হাইদ্রোজেন অসি ইন্তর্নেস্নেল মার্কেত্তা এক্সপোর্ত তৌবা য়ানবা সোলর ইনর্জী কোর্পোরেসন ওফ ইন্দিয়া(এস.ই.সি.আই.) না মার্কেত্তা য়ুম্ফম ওইবা মেকানিজমশিং অমসুং জোইন্ত তেন্দর দিজাইনশিং য়েক্নবগীদমক্তা জর্মনীগী ঐচ.2গ্লোবেল স্তিফতংগা কোন্ননা এম.ও.য়ু. অমা খুৎয়েক পীনখ্রে।  সিঙ্গাপুর: ওক্তোবর 2025 দা সেম্বকোর্প ইন্দস্ত্রীজনা প্রদক্সন, স্তোরেজ অমসুং এক্সপোর্ত তৌনবগীদমক্তা পুনশিল্লবা গ্রীন-হাইদ্রোজেন অমসুং এমোনিয়া হব শেমগৎনবগীদমক্তা বি.ও. চিদম্বরনার অমসুং পারাদীপ পোর্ত ওথোরিতীজগা লোয়ননা এম.ও.য়ু. অমা খুৎয়েক পীনখি।  
• ৱারোইশিন: লু-নান্না চাউখৎপগী চৎনরকপা মওং

কার্বোন হন্থবা অমসুং মীপান তাংদবা শেন্মীৎলোনগী মায়কৈরোমদা অওনবা পুরক্নবা ইনোৎ হাপ্লিবা গ্রীন হাইদ্রোজেন ভারতকী শেংলবা লু-নানবগী চাউখৎপগী স্ত্রেতিজিগী ময়োলদা লৈরে।  মালেমদা খ্বাইদগী কম্পিতিতিব ওইরবা ইনোভেতিব ইনর্জীশিংগী মরক্তগী অমদা য়ুম্ফম ওইবা নেস্নেল গ্রীন হাইদ্রোজেন মিশন অসিনা দোমেস্তিক প্রদক্সন অসি হেন্না পাকথোক-চাওথোকহল্লি, ইনোভেসনবু ফগৎহল্লি, অমসুং গ্রীন হাইদ্রোজেন অমসুং মদুদগী শুংবা পোত্থোকশিং নত্রগা দিরইভেতিবশিংগীদমক্তা মালেমগী মার্কেত হাংলি। মিশন অসি ফোসিল ফ্যুএলগী মখা তাংবা হন্থহল্লি, ইন্দস্ত্রিএল অওনবা অসি থুনা পুরকই, অমসুং ভারত অসি মালেমগী লু-নানবা ইনর্জীগী অওনবদা থাজবগা লোয়ননা লুচিংবা ওইনবা-সস্তেনেবল, শোই-ঙাম্লরোইদবা অমসুং মীপান তাংদবা তুংলমচৎকী মাইয়োন অমা শেম্মী।

রিফরেন্স

মিনিস্ত্রী ওফ ন্যু এন্দ রিন্যুএবল ইনর্জী

***