पत्र सूचना कार्यालय

ভারত-ওস্ত্রেলিয়া সিভিল ন্যুক্লিয়র কোওপরেসন

ভারতকী তুং-কোইনগী ওইবা ন্যুক্লিয়র ইনর্জী প্রোগ্রামবু খুমাং চাউশিনহনবা

2026গী জুলাই 9 দা মেলবোর্নদা পাংথোকখিবা অহুমশুবা ভারত-ওস্ত্রেলিয়া এন্যুৱল সম্মিত অসিনা নাকল অনিগী মরীদা মরুওইবা মাইলস্তোন অমা ওইখি। লৈবাক অনিমক্না মখোয়গী কমপ্রিহেন্সিব স্ত্রেতেজিক পার্তনরশিপ অমুক হন্না ফোংদোক্নখি। সম্মিত অসিনা মেরিতাইম সেক্যুরিতী, ইনর্জী সেক্যুরিতী, সাইবর কোওপরেসন, ক্রিতিকেল তেক্নোলোজীশিং, স্কিল দিবেলপমেন্ত অমসুং এন্ত্রপ্রেনরশিপকী লমশিংদা মশক থোকপা আউৎকমশিং পুরকখি, মসিনা মরম ওইরগা মরুওইবা সেক্তরশিং কোলাবোরেসন পাকথোক-চাউথোকহল্লক্লি।

সম্মিত অসিগী মরুওইবা আউৎকম অমা হায়রগদি ইন্দিয়া-ওস্ত্রেলিয়া সিভিল ন্যুক্লিয়র কোওপরেসন এগ্রীমেন্তকী মখাদা এদমিনিস্ত্রেতিব এরেঞ্জমেন্ত ফাইনেল তৌখিবা অদুনি। মসিনা ইন্তর্নেস্নেল এতোমিক ইনর্জী এজেন্সী (IAEA) গী সেফগার্দকী মখাদা শান্তিগী ওইবা পান্দমগীদমক ভারততা ওস্ত্রেলিয়াগী য়ুরানিয়ম মতম শাংনা এক্সপোর্ত তৌবা ঙমহল্লি। ওস্ত্রেলিয়াদা মালেমগী ওইনা য়ুরানিয়মগী খ্বাইদগী চাউবা রিসোর্স লৈ, মসি মালেমগী অপুনবা য়ুরানিয়মগী শরুক অহুম থোকপগী অমা হেন্না ওইরি। ওস্ত্রেলিয়াগী য়ুরানিয়ম ফংহনবদা অচেৎপা থাজবা পীবনা ভারতকী পাকথোক চাউথোরক্লিবা ন্যুক্লিয়র পাৱর প্রোগ্রামগীদমক ফ্যুএল বেজ অদু মপাঙ্গল কনখৎহনগনি।

এরেঞ্জমেন্ত অসি ভারতকীদমক তু-কোইনা ইনর্জী সেক্যুরিতী অমসুং ন্যুক্লিয়র এম্বিসনশিংগীদমকসু মরু ওই। মসিনা 2047 ফাওবদা ন্যুক্লিয়র পাৱর কেপাসিতী 100 GW পুথোক্নবা পান্দম থম্লিবা ন্যুক্লিয়র ইনর্জী মিসনবু মপুং ফাহল্লি। মসিনা দিসেম্বর 2025দা চৎনবা হৌখিবা সস্তেনেবল হার্নেসিং এন্দ এদভান্সমেন্ত ওফ ন্যুক্লিয়র ইনর্জী ফোর ত্রান্সফোর্মিং ইন্দিয়া (SHANTI) এক্তপুসু মপাঙ্গল কনখৎহল্লি। এক্ত অসিনা ভারতকী প্রাইভেৎ কম্পেনীশিং অমসুং জোইন্ত ভেঞ্চরশিংনা ন্যুক্লিয়র পাৱর প্লান্তশিং শাবদা, মপু ওইবদা অমসুং চলাইবদা শরুক য়াবা য়াহল্লি। মতম শাংনা য়ুরানিয়ম সপ্লাই লৈহনবনা দিভেলপরশিং, ইনভেস্তরশিং অমসুং ইন্দস্ত্রীদা হেন্না থাজবা পীরগনি। মসিনা প্রোজেক্তশিং মতম চানা পায়খৎপদা মতেং পাংগনি। SHANTI এক্ত অমসুং এদমিনিস্ত্রেতিব এরেঞ্জমেন্তনা পোলিসী ফ্রেমৱার্ক পীরি অমসুং ইনর্জী সেক্যুরিতীগীদমক ন্যুক্লিয়র পাৱর পাকথোক চাউথোকহন্নবা অমসুং তুং-কোইনা চৎথগদবা শেন্মিৎলোনগী চাউখৎপা শৌগৎনবগীদমক মথৌ তাবা ফ্যুএল সেক্যুরিতী মপাঙ্গল কনখৎহল্লি। দি SHANTI এক্তকী মতাংদা খরা হেন্না পাবীয়ু.

ভারতকী ন্যুক্লিয়র এনর্জী লেন্দস্কেপ

ইনর্জী সেক্যুরিতী মপাঙ্গল কনখৎহন্নবা অমসুং ক্লিন ইকোনোমিক গ্রোথপু সপোর্ত তৌনবা ভারতনা মশাগী ন্যুক্লিয়র পাৱর প্রোগ্রাম লেপ্তনা পাকথোক চাউথোকহল্লি। মশাগী ওইবা তেক্নোলোজীশিং অমসুং মতম শাংনা থৌরাং তৌদুনা, ন্যুক্লিয়র ইনর্জীনা ভারতকী কার্বোন হন্থবা ইনর্জীগী অহোংবা পুরকপদা য়াম্না মরু ওইবা থৌদাং অমা লৌগনি।

• ভারতনা হৌজিক্তি সাইত তরেত্তা ন্যুক্লিয়র পাৱর রিএক্তর 24 মথৌ তৌহল্লি। মসিগী অপুনবা ইনস্তোল তৌরবা কেপাসিতী অসি গিগাৱাত 8.78 (GW)নি।
• মেগাৱাত 8000 (MW) অপুনবা কেপাসিতী লৈবা অতোপ্পা রিএক্তর য়ুনিৎ তরা শাগৎলি। অহেনবা রিএক্তর 10গীদমক প্রি-প্রোজেক্তকী থবকশিংসু চত্থরি।
• হায়রিবা রিএক্তরশিং অসি প্রেসরাইজ হেভি ৱাতর রিএক্তরশিং ((PHWRশিং), বোইলিং ৱাতর রিএক্তরশিং (BWRশিং) অমসুং লাইত ৱাতর রিএক্তরশিং (LWRশিং) নি।
• ভারতনা ন্যুক্লিয়র ইনর্জী পুথোক্নবা প্রেসরাইজ হেভি ৱাতর রিএক্তরশিং (PHWRশিং) চলাইনবা মরু ওইনা নেচরেল য়ুরানিয়ম ফ্যুএল শিজিন্নৈ। প্লুতোনিয়ম অসি বাই প্রদক্ত অমা ওইনা পুথোকই।
• ওস্ত্রেলিয়াগী য়ুরানিয়মনা রিএক্তরশিং অসি চলাইবা ঙম্নবা প্রাইমরী ফ্যুএলগী সপ্লাই লেপ্পা লৈতনা লৈহনগনি।
• কেরলা, তামিল নাদু, অন্ধ্র প্রদেশ, অমসুং ওরিশাগী কোস্তেল সেন্দশিংদা মরুওইনা ফংলিবা থোরিয়ম রিজর্বশিং অসি তুংগী ন্যুক্লিয়র ফ্যুএলগীদমক্তা শিজিন্নবদা ভারতকী মতম শাংনা চৎনগদবা স্ত্রেতেজী অসি মীৎয়েং থম্লি। অদুবু মহৌশানা থোকপা থোরিয়ম অসি ন্যুক্লিয়র রিএক্তর অমগী মনুংদা ন্যুত্রোন এবজোর্পসন তৌদুনা অহানবদা ফিসাইল ওইহনবা তাই।
• ভারতনা প্লুতোনিয়ম শীজিন্ননবা অমসুং থোরিয়ম-বেজ রিএক্তরদা ওন্থোকপদা মতেং পাংনবা ফাস্ত ব্রীদর রিএক্তরশিং (FBRশিং) খুমাং চাউশিনহল্লি।
• গবর্নমেন্তনা 2025-26গী কেন্দ্রগী বজেত্তা লমদমসিগী স্মোল মোদ্যুলর রিএক্তরশিং (SMRশিং)গী রিসর্স, দিজাইন, দিবেলপমেন্ত অমসুং দিপ্লোইমেন্তকীদমক লুপা করোর 20,000গী এলোকেসন তৌখ্রে।
• SMRশিংনা মহৌশানা 300 MWe ফাওবগী ইলেক্ত্রিসিতী পুথোকই। মখোয়গী কমপেক্ত, মোদ্যুলর দিজাইননা ফেক্তরিদা য়ুম্ফম ওইবা মেনুফেকচরিং, হেন্না থুনা শাবা, হেন্না ফবা ক্বালিতী অমসুং তাঙ্কক নাইনা দিপ্লোইমেন্ত তৌবা ঙমহল্লি।
• 2033 ফাওবদা য়ামদ্রবদা লমদমসিগী SMR মঙা থবক হৌনবা সরকারনা পান্দম থম্লি।

এদভান্স রিএক্তর তেক্নোলোজী অমসুং দোমেস্তিক ইনোভেসনদা লেপ্তনা ইনভেস্ত তৌরকপগা লোয়ননা, ন্যুক্লিয়র ইনর্জী অসি ভারতকী তুংগী ইনর্জী মিক্সকী থাজবা য়াবা য়ুম্বী অমা ওইনা থোরক্লি।

A New Chapter in India–Australia Nuclear Cooperation

ভারত অমসুং ওস্ত্রেলিয়াগী সিভিল ন্যুক্লিয়র পার্তনরশিপ অসি সেপ্তেম্বর 2014দা খুৎয়েক পীনখিবা অমসুং নবেম্বর 2015দা চৎনবা হৌখিবা সিভিল ন্যুক্লিয়র কোওপরেসন এগ্রীমেন্ততা য়ুম্ফম ওইরি।

• 2026গী জুলাই 9দা লৈবাক অনিমক্না এদমিনিস্ত্রেতিব এরেঞ্জমেন্ত ফাইনেল তৌদুনা এগ্রীমেন্ত অসি থবক ওইনা পাংথোকহনখি।
• এরেঞ্জমেন্ত অসিনা শান্তিগী ওইবা পান্দমগীদমক ভারত্তা ওস্ত্রেলিয়াগী য়ুরানিয়ম মতম শাংনা এক্সপোর্ত তৌবা ঙমহল্লি।
• ওস্ত্রেলিয়াগী পোলিসীগী মখাদা, সিভিল ন্যুক্লিয়র কোওপরেসন এগ্রীমেন্ত অমনা কোনশিল্লিবা লৈবাকশিংদা খক্তমক য়ুরানিয়ম এক্সপোর্ত তৌই।
• ভারততা পীরকপা ওস্ত্রেলিয়াগী য়ুরানিয়ম পুম্নমক IAEAগী সেফগার্দকী মখাদা লৈগনি।
• এদমিনিস্ত্রেতিব এরেঞ্জমেন্ত অসিনা এগ্রীমেন্ত অসি ইমপ্লিমেন্ত তৌনবগী থৌওংশিং লিংখৎলি অমসুং সরকার অমসুং ইন্দস্ত্রী অনিমক্কী মরক্তা তেংবাং পীনবগী অচেৎপা, অশাংবা মতমগী ফ্রেমৱার্ক অমা পীরি।
• এরেঞ্জমেন্ত অসিনা ভারত-ওস্ত্রেলিয়াগী নাকল অনিগী ওইবা ইনর্জী কোওপরেসনদা মরুওইবা মাইলস্তোন অমা ওইরি অমসুং লাক্কদৌরিবা দিকেদশিংদা শান্তি ওইবা ন্যুক্লিয়র কোলাবোরেসনগী থাজবা য়াবা য়ুম্ফম অমা পীরি।
• ন্যুক্লিয়র সপ্লাইয়র্স গ্রুপ (NSG)দা ভারতনা মেম্বর ওইনবগীদমক্তা ওস্ত্রেলিয়ানা মতেং পাংলি হায়না অমুক হন্না ফোংদোকখি।

এদমিনিস্ত্রেতিব এরেঞ্জমেন্ত অসিনা অমনা অমবু থাজবা হেনগৎহল্লি অমসুং তুং-কোইনা চৎমিন্নবগী অচেৎপা য়ুম্ফম অমা শেম্মি। মসিনা ভারত-ওস্ত্রেলিয়া পার্তনরশিপকী স্ত্রেতেজিক দিমেন্সনসু পাকথোক-চাউথোকহল্লি। মসিনা সেক্যুর অমসুং দাইবর্সিফাইদ ইনর্জী সপ্লাইশিংসু সপোর্ত তৌরি।

Why This is Crucial for India

ভারত-ওস্ত্রেলিয়া সিভিল ন্যুক্লিয়র এগ্রীমেন্তনা ভারতকী মতম শাংনা মথৌ পাংথোক্কদবা ফ্যুএল সেক্যুরিতীবু মপাঙ্গল কনখৎহল্লি, য়ুরানিয়মগী ইম্পোর্ত দাইভর্সিফাই তৌই অমসুং ইন্দো-পেসিফিক্তা কমপ্রেহেন্সিব স্ত্রেতেজিক পার্তনরশিপবু হেন্না চেৎশিলহল্লি।

• ইনর্জী সেক্যুরিতী: এরেঞ্জমেন্ত অসিনা রিএক্তরশিংগী পাকথোক চাউথোকপা ফ্লিৎ অমগীদমক মতম শাংনা ফ্যুএল সপ্লাই লৈহনগনি। ন্যুক্লিয়র পাৱরনা মতম পুম্নমক্তা ফংলিবা, গ্রিদ অদুদা স্তেবিলিতী পীরিবা অমসুং সোলর অমসুং ৱিন্দ পাৱরগী ভেরিয়েবল আউৎপুৎপু মপুং ফাহল্লিবা, থাজবা য়াবা বেসলোদ জেনরেসন ফংহল্লি।
• ক্লিন ইনর্জী: ন্যুক্লিয়র পাৱর অসি কার্বন য়াম্না হন্থবা সোর্স অমনি অমসুং মসিনা ভারতকী নন-ফোসিল ইনর্জী মিক্সতা অচেৎপা কেপাসিতী হাপচিল্লি। মসিনা ইন্দস্ত্রী, দেতা সেন্তরশিং অমসুং দিজিতেল ইকোনোমীগী হেনগৎলক্লিবা ইনর্জীগী মথৌ তাবশিং শৌগৎপগা লোয়ননা হৌজিক্তি কোয়লাগী মথৌ তাবশিং তপ্না-তপ্না মপুং ফাহল্লগনি।
• নেস্নেল দিতর্মাইন্দ কন্ত্রিব্যুসনশিং (NDCশিং) অমসুং নেৎ জিরো: ভারতনা 2070 ফাওবদা নেৎ-জিরো ইমিসন ফংনবা হোৎনগনি অমসুং নন-ফোসিল কেপাসিতীগী শরুক হেন্না য়াওনা ক্লাইমেৎকী পান্দমশিং খোংজেল য়াংনা হেনগৎহনগনি। ন্যুক্লিয়র ফ্যুএলগী সেক্যুর সপ্লাইনা ক্লিন অমসুং থাজবা য়াবা জেনরেসন পাকথোক চাউথোকহনদুনা ত্রাঞ্জিসন অসিবু সপোর্ত তৌই।
• ইন্দিয়াবু থৌদাং য়াবা ন্যুক্লিয়র পাৱর অমা ওইনা লৌবা: য়ুরানিয়ম সপ্লাই তৌনবা ওস্ত্রেলিয়াগী ৱারেপ অসিনা ভারতকী য়াম্না লিংবা নন-প্রোলিফরেসন রেকোর্দ অমসুং ন্যুক্লিয়র তেক্নোলোজী য়াম্না হৈ-শিংনা শীজিন্নবদা থম্লিবা থাজবা অদু উৎলি।

এরেঞ্জমেন্ত অসিনা ভারত-ওস্ত্রেলিয়াগী কমপ্রিহেন্সিব স্ত্রেতেজিক পার্তনরশিপপু ললোন-ইতিক, ঙাকশেল, মরুওইবা মিনরেলশিং, তেক্নোলোজী অমসুং ইন্দো-পেসিফিক লমদমদা তেংবাং পীনবা মপাঙ্গল কনখৎহন্দুনা হেন্না মপাঙ্গল কনখৎহল্লি।

এদমিনিস্ত্রেতিব এরেঞ্জমেন্ত অসি য়াম্না চাউবা কান্নবশিংগা লোইননা চৎনবা য়াবা খোঙথাং অমনি। শেন্মিৎলোনগীদমক্তা, মসিনা গ্রোথ, মেন্যুফেকচরিং অমসুং দিজিতেল ইনফ্রাস্ত্রকচরগীদমক্তা শেংলবা অমসুং অচেৎপা পাৱর ফংহনবদা মতেং পাংই। ইনর্জী সেক্যুরিতীগীদমক্তা, মসিনা ভারতকী ফ্যুএল সপ্লাই দাইভর্সিফাই তৌরি অমসুং পাৱর সিস্তেমগী ফাউন্দেসন মপাঙ্গল কনখৎহল্লি। হায়রিবা খোঙজং অসি ইহান হান্না উবা ফংলে। কলপাকমদা লৈবা PFBRগুম্বা মাইলস্তোনশিংনা অহানবা ক্রিতিকেলিতী ফংলে। বাইলেতরেল পার্তনরশিপকী ওইনদি, ইনর্জী অসি হৌজিক পাক চাউবা অমসুং হেন্না চেৎশিল্লক্লিবা মরী অমদা য়াওরক্লি। অপুনবগী ওইবা ইন্তরেস্ত অমসুং ম্যুচেল ত্রস্ততা য়ুম্ফম ওইদুনা, ভারত অমসুং ওস্ত্রেলিয়া অসি য়ুরানিয়মগী থাজবা য়াবা সপ্লাইগা লোইননা লাক্কদৌরিবা চহিশিংদা মখোয়গী কোওপরেসন পাকথোক চাউথোকহন্নবা ফজনা শেম-শারি। মসিনা ভারতকী ক্লিন ইনর্জীগীদমক পাইখৎলিবা থবকশিংদা হেন্না চেৎশিলহল্লগনি।

প্রধান মন্ত্রীগী ওফিস (PMO)

• https://www.pmindia.gov.in/en/news_updates/third-india-australia-annual-summit-joint-statement/

এতোমিক ইনর্জী দিপার্তমেন্ত (DAE) / PIB

• https://www.pib.gov.in/FactsheetDetails.aspx?Id=150617&reg=48&lang=2
• https://www.pib.gov.in/PressReleseDetailm.aspx?PRID=2206211&reg=3&lang=1
• https://www.pib.gov.in/PressReleasePage.aspx?PRID=2238911&lang=1
• https://www.pib.gov.in/PressReleasePage.aspx?PRID=2198951&reg=3&lang=1
• https://www.pib.gov.in/PressReleasePage.aspx?PRID=2204236&reg=3&lang=1
• https://www.pib.gov.in/PressReleasePage.aspx?PRID=2245209&reg=3&lang=1
• https://www.pib.gov.in/PressReleasePage.aspx?PRID=2099244&lang=1
• https://www.pib.gov.in/PressReleasePage.aspx?PRID=2220193&reg=48&lang=2

ভারতকী পার্লিয়ামেন্ত (লোক সভা)

• https://sansad.in/getFile/loksabhaquestions/annex/187/AU5306_IPnngu.pdf

জিওসাইন্স ওস্ত্রেলিয়া

• https://www.ga.gov.au/aecr2025/uranium-and-thorium

ভারতকী হাই কম্মিসন, কেনবেরা

• https://india.highcommission.gov.au/ndli/pa1915.html

ইন্তর্নেস্নেল এতোমিক ইনর্জী এজেন্সী (IAEA)

• https://www.iaea.org/newscenter/news/iaea-board-approves-india-safeguards-agreement

pdf য়েংনবগীদমক মফমসিদা ক্লিক তৌবীয়ু

****

(तथ्य सामग्री आईडी: 150772) आगंतुक पटल : 6