Social Welfare
മൈ ഭാരത് - ഡിജിറ്റൽ ഇന്ത്യ യുവ ഇന്ത്യയുമായി കൈകോർക്കുമ്പോൾ
प्रविष्टि तिथि:
05 JUL 2026 11:03 AM
അമൃത് തലമുറയെ ശാക്തീകരിക്കുന്നു
മേരാ യുവ ഭാരതിന്റെ ഹൃദയത്തുടിപ്പായി യുവാക്കൾ
ഇന്ത്യയിലാണ് ലോകത്തിൽ ഏറ്റവും കൂടുതൽ യുവജനസംഖ്യയുള്ളത്. രാജ്യത്തെ ജനസംഖ്യയുടെ ഏകദേശം 65 ശതമാനവും 35 വയസ്സിന് താഴെയുള്ളവരാണ്. ഈ ജനസംഖ്യാപരമായ നേട്ടത്തിന്റെ അപാരമായ സാധ്യതകൾ തിരിച്ചറിഞ്ഞ്, കേന്ദ്ര കായിക-യുവജനകാര്യ മന്ത്രാലയത്തിന് കീഴിൽ 2023 ഒക്ടോബറിലാണ് മൈ ഭാരത് (മേരാ യുവ ഭാരത്) പദ്ധതി ആരംഭിച്ചത്. സന്നദ്ധസേവനം, നൈപുണ്യ വികസനം, നേതൃപാടവം, പൗരബോധത്തോടെയുള്ള പങ്കാളിത്തം എന്നിവയ്ക്കുള്ള അവസരങ്ങൾ നൽകിക്കൊണ്ട് യുവാക്കളെ രാഷ്ട്രനിർമ്മാണത്തിന്റെ കേന്ദ്രസ്ഥാനത്ത് എത്തിക്കുകയാണ് ഈ പദ്ധതി ലക്ഷ്യമിടുന്നത്.
യുവജനങ്ങളുടെ അർത്ഥവത്തായ പങ്കാളിത്തം ഉറപ്പാക്കുന്നതിനായി ഗവൺമെന്റ്, വിദ്യാഭ്യാസ സ്ഥാപനങ്ങൾ, ലാഭേച്ഛയില്ലാതെ പ്രവർത്തിക്കുന്ന സംഘടനകൾ, വ്യവസായ മേഖല എന്നിവയെ പരസ്പരം ബന്ധിപ്പിക്കുന്ന ഒരു ഡിജിറ്റൽ പ്ലാറ്റ്ഫോമായി മൈ ഭാരത് പ്രവർത്തിക്കുന്നു. വിപുലമായ ഡിജിറ്റൽ ഇന്ത്യ പദ്ധതിക്ക് കീഴിലുള്ള ഇന്ത്യയുടെ ശക്തമായ ഡിജിറ്റൽ പബ്ലിക് ഇൻഫ്രാസ്ട്രക്ചറിന്റെ (DPI) പിന്തുണയോടെ ഈ പ്ലാറ്റ്ഫോം ദശലക്ഷക്കണക്കിന് യുവ ഇന്ത്യക്കാരെ പഠന-രാഷ്ട്രനിർമ്മാണ അവസരങ്ങളുമായി തടസ്സമില്ലാതെ ബന്ധിപ്പിക്കുന്നു. ഇത് രാജ്യത്തുടനീളം കൂടുതൽ സുതാര്യതയും പ്രാപ്യതയും പങ്കാളിത്തവും ഉറപ്പാക്കുന്നു. ഈ പദ്ധതിയിലൂടെ വികസിത് ഭാരത്@2047 എന്ന ലക്ഷ്യത്തിലേക്ക് സജീവമായി സംഭാവന നൽകാൻ യുവ പൗരന്മാർ ശാക്തീകരിക്കപ്പെടുന്നു.
അവസരങ്ങളിലൂടെ അമൃത് തലമുറയെ ശാക്തീകരിക്കുന്നു
ഭൗതിക പങ്കാളിത്തത്തെ ഡിജിറ്റൽ സാങ്കേതികവിദ്യയുമായി സമന്വയിപ്പിച്ചുകൊണ്ട് ഒരു ഏകീകൃത ഡിജിറ്റൽ പ്ലാറ്റ്ഫോമായി മൈ ഭാരത് പ്രവർത്തിക്കുന്നു. ഈ പോർട്ടലിലൂടെ ലഭ്യമാകുന്ന അവസരങ്ങൾ താഴെ പറയുന്നവയാണ്:
ഡിജിറ്റൽ സന്നദ്ധ സേവനം
· 2026 ജൂണിലെ കണക്കനുസരിച്ച് ശുചിത്വം, രക്തദാനം, കായികം, ദുരന്ത നിവാരണം, സാമൂഹിക സേവനം എന്നിവയിലുടനീളമായി 1.52 ലക്ഷത്തിലധികം സന്നദ്ധ സേവന അവസരങ്ങൾ ഈ പ്ലാറ്റ്ഫോമിൽ ലഭ്യമാണ്.
· ഓൺലൈൻ രജിസ്ട്രേഷൻ, ഹാജർ, ജിയോ-ടാഗിംഗ്, സർട്ടിഫിക്കറ്റ് വിതരണം, സ്വാധീനം വിലയിരുത്തൽ എന്നിവയിലൂടെ സമഗ്രമായ ഡിജിറ്റൽ വോളന്റിയർ മാനേജ്മെന്റ് ഇത് വാഗ്ദാനം ചെയ്യുന്നു.
ക്ലാസ് മുറികൾക്കപ്പുറത്തെ പ്രായോഗിക പഠനം
· 2026 ജൂലൈയിലെ കണക്കനുസരിച്ച് പ്രായോഗിക പഠനവും തൊഴിൽ സന്നദ്ധതയും പ്രോത്സാഹിപ്പിക്കുന്നതിനായി 24,900-ലധികം എക്സ്പീരിയൻഷ്യൽ ലേണിംഗ് പ്രോഗ്രാമുകൾ (ELP) ഈ പ്ലാറ്റ്ഫോം വാഗ്ദാനം ചെയ്യുന്നു.
· കൂടാതെ പൊതു-സ്വകാര്യ സ്ഥാപനങ്ങളിലെ ഇന്റേൺഷിപ്പുകൾ, തൊഴിൽ പരിശീലനങ്ങൾക്കായുള്ള അപ്രന്റീസ്ഷിപ്പുകൾ, വ്യവസായ മേഖലയെ നേരിട്ടറിയാനുള്ള അവസരങ്ങൾ എന്നിവയും ഇതിൽ ഉൾപ്പെടുന്നു.
· കേന്ദ്ര ബജറ്റ് പോലുള്ള ദേശീയ വിഷയങ്ങളെക്കുറിച്ച് മനസ്സിലാക്കാൻ യുവാക്കളെ പ്രേരിപ്പിക്കുന്ന ക്വിസുകളിലൂടെയും മത്സരങ്ങളിലൂടെയും ഈ പ്ലാറ്റ്ഫോം പൗരബോധമുള്ള നേതൃപാടവത്തെ പ്രോത്സാഹിപ്പിക്കുന്നു.
നേതൃത്വ വികസനവും കരിയർ പിന്തുണയും
· വികസിത് ഭാരത് യൂത്ത് പാർലമെന്റ് പോലുള്ള പദ്ധതികളിലൂടെ ഈ പ്ലാറ്റ്ഫോം നേതൃത്വ വികസനം വാഗ്ദാനം ചെയ്യുന്നു, ഇത് ദേശീയ പ്രാധാന്യമുള്ള വിഷയങ്ങളിൽ സംവാദം നടത്താനും നേതൃത്വ പാടവം വളർത്തിയെടുക്കാനും യുവാക്കളെ പ്രാപ്തരാക്കുന്നു.
· AI സാങ്കേതികവിദ്യയിൽ പ്രവർത്തിക്കുന്ന റെസ്യൂമെ ബിൽഡറും മെന്ററിംഗ് പിന്തുണയും യുവാക്കളെ അവരുടെ അക്കാദമിക്, കരിയർ സാധ്യതകൾക്കായി തയ്യാറെടുക്കാൻ സഹായിക്കുന്നു.
· ഭരണനിർവഹണം, ഭരണഘടന, നവീനാശയം, പൊതുനയം എന്നിവയെക്കുറിച്ചുള്ള വിവിധ ഭാഷകളിലുള്ള ഡിജിറ്റൽ ക്വിസുകൾ പഠനത്തെ കൂടുതൽ സംവേദനാത്മകമാക്കുന്നു.
യുവാക്കളെ രാജ്യവുമായി ബന്ധിപ്പിക്കുന്ന പദ്ധതികൾ
യുവജനങ്ങളുടെ നേതൃത്വത്തിലുള്ള രാഷ്ട്രനിർമ്മാണം
· 'മൈ ഭാരത് മൈ വോട്ട്' ക്യാമ്പയ്ൻ ആദ്യമായി വോട്ട് ചെയ്യുന്നവർക്കിടയിൽ ബോധപൂർവ്വമായ വോട്ടിംഗും ഭരണഘടനാപരമായ അവബോധവും പ്രോത്സാഹിപ്പിച്ചു.
· ദേശീയ യുവജനോtസവം: വികസിത് ഭാരത് യംഗ് ലീഡേഴ്സ് ഡയലോഗ് 2026-ൽ 50.42 ലക്ഷത്തിലധികം യുവാക്കളുടെ പങ്കാളിത്തം രേഖപ്പെടുത്തി. ഇത് ഇന്ത്യയിലെ ഏറ്റവും വലിയ യുവജന സമാഗമങ്ങളിലൊന്നായി മാറി.
· 2026-ലെ വികസിത് ഭാരത് യംഗ് ലീഡേഴ്സ് ഡയലോഗ് (VBYLD) വികസിത് ഭാരത്@2047-നായുള്ള ആശയങ്ങളും പരിഹാരങ്ങളും ചർച്ച ചെയ്യുന്നതിനായി യുവാക്കൾക്ക് ഒരു ദേശീയ വേദി നൽകി. ഇത് രാഷ്ട്രനിർമ്മാണത്തിൽ നേതൃത്വത്തെയും നവീനാശയത്തെയും അർത്ഥവത്തായ പങ്കാളിത്തത്തെയും പ്രോത്സാഹിപ്പിച്ചു.
· 2026-ലെ യൂത്ത് ഫോർ വികസിത് ഭാരത് - മൈ ഭാരത് യൂത്ത് കൺവെൻഷൻ അമൃത് തലമുറയുടെ ആഗ്രഹങ്ങളും നേട്ടങ്ങളും ആഘോഷമാക്കുന്നതിനായി ആറായിരത്തിലധികം യുവാക്കളെ ഒന്നിപ്പിച്ചു.
· 17 സോണുകളിലായി സംഘടിപ്പിച്ച നാരീശക്തി യൂത്ത് പാർലമെന്റ് ഏഴായിരത്തിലധികം യുവതികളെ ഘടനാപരമായ ജനാധിപത്യ സംവാദങ്ങളിലും നയപരമായ ചർച്ചകളിലും പങ്കാളികളാക്കി.
സന്നദ്ധ സേവനവും സാമൂഹിക പ്രവർത്തനവും
· നാഷണൽ സർവീസ് സ്കീം (NSS), വോളന്റിയറിംഗ്, പങ്കാളിത്തം, നിരീക്ഷണം എന്നിവ സുഗമമാക്കുന്നതിനായി മൈ ഭാരത് പ്ലാറ്റ്ഫോം പ്രയോജനപ്പെടുത്തുന്നു.
· മൈ ഭാരത് വോളന്റിയർമാർ 2026 ലെ അന്താരാഷ്ട്ര യോഗ ദിനത്തിൽ വിദ്യാഭ്യാസ സ്ഥാപനങ്ങൾ, പൊതുസ്ഥലങ്ങൾ, ചരിത്രപ്രധാനമായ ഇടങ്ങൾ എന്നിവയിലുടനീളം യോഗ സെഷനുകൾ നടത്തി ദശലക്ഷക്കണക്കിന് യുവാക്കളെ അണിനിരത്തി.
· ലഹരിമുക്ത ഭാരതം (നശാ മുക്ത് ഭാരത്) ക്യാമ്പയ്നിലൂടെ യുവ വോളന്റിയർമാർ ലഹരിമുക്ത ഇന്ത്യക്കായി ബോധവൽക്കരണ പരിപാടികൾ, പുനരധിവാസ പദ്ധതികൾ, സാമൂഹിക പ്രവർത്തനങ്ങൾ എന്നിവയെ പിന്തുണയ്ക്കുന്നു.
· പൗരന്മാരുടെ പങ്കാളിത്തവും ജൻ ഭാഗീദാരിയും ശക്തിപ്പെടുത്തുന്നതിനായി മൈ ഭാരത് രാജ്യവ്യാപകമായി പദയാത്രകളും ശുചിത്വ ഡ്രൈവുകളും സാമൂഹിക സേവന പ്രവർത്തനങ്ങളും സംഘടിപ്പിക്കുന്നു.
അതിരുകൾക്കപ്പുറത്തെ യുവശബ്ദങ്ങൾ
· ദേശീയ ഐക്യവും താഴേത്തട്ടിലുള്ള ഇടപെടലുകളും വളർത്തിയെടുത്തുകൊണ്ട് വികസിത് വൈബ്രന്റ് വില്ലേജ് പ്രോഗ്രാം ഇന്ത്യയുടെ അതിർത്തിഗ്രാമങ്ങളിലെ ജീവിതം അനുഭവവേദ്യമാക്കാൻ യുവാക്കളെ പ്രാപ്തരാക്കി.
· ദേശീയത പ്രോത്സാഹിപ്പിക്കുന്നതിനായി പ്രചോദനാത്മക വ്യക്തികളുമായും മാറ്റത്തിന്റെ വക്താക്കളുമായുമുള്ള സംഭാഷണങ്ങൾ ഉൾപ്പെടുത്തി 2026 മാർച്ച് 21-ന് മൈ ഭാരത് പോഡ്കാസ്റ്റ് പരമ്പര ആരംഭിച്ചു.
· 2026-ലെ ഐക്യരാഷ്ട്രസഭയുടെ ഇക്കണോമിക് ആൻഡ് സോഷ്യൽ കൗൺസിൽ (ECOSOC) യൂത്ത് ഫോറത്തിൽ ഇന്ത്യയിലെ യുവാക്കളുടെ പങ്കാളിത്തം മൈ ഭാരത് സാധ്യമാക്കി. ഇത് യുവനേതാക്കൾക്ക് ആഗോള നയ ചർച്ചകളിൽ ഇന്ത്യയുടെ കാഴ്ചപ്പാടുകൾ പ്രതിനിധീകരിക്കാൻ ഒരു വേദി നൽകി.
ഡിജിറ്റൽ ഇന്ത്യയുടെ കാഴ്ചപ്പാട് മുന്നോട്ട് നയിക്കുന്ന മൈ ഭാരത്
സാങ്കേതികവിദ്യ എങ്ങനെയാണ് രാജ്യത്തുടനീളമുള്ള യുവജന പങ്കാളിത്തം കൂടുതൽ എളുപ്പമുള്ളതും അംഗീകരിക്കപ്പെട്ടതും ഭാവിസജ്ജമായതുമാക്കുന്നതെന്ന് മൈ ഭാരത് കാണിച്ചുതരുന്നു.
പങ്കാളിത്തവും അംഗീകാരവും
· 390,812 സാക്ഷ്യപ്പെടുത്തിയ പങ്കാളികളുമായി "ഒരു ആഴ്ചയ്ക്കുള്ളിൽ ഏറ്റവും കൂടുതൽ ഉപഭോക്താക്കൾ ഓൺലൈൻ ക്വിസിൽ പങ്കെടുത്തു" എന്നതിനുള്ള ഗിന്നസ് വേൾഡ് റെക്കോർഡ് നേട്ടം 2026 ജൂൺ 04-ന് മൈ ഭാരത് സ്വന്തമാക്കി.
· ഈ പോർട്ടൽ സന്നദ്ധ സേവനം, പഠന പരിപാടികൾ, പൗരന്മാരുടെ പങ്കാളിത്തം എന്നിവ അംഗീകരിച്ചുകൊണ്ട് ഡിജിറ്റൽ ബാഡ്ജുകളും സർട്ടിഫിക്കറ്റുകളും സാക്ഷ്യപ്പെടുത്തിയ പങ്കാളിത്ത രേഖകളും വാഗ്ദാനം ചെയ്യുന്നു.
ഡിജിറ്റൽ ഭരണനിർവഹണം നിങ്ങളുടെ പോക്കറ്റിൽ
· 22 ഇന്ത്യൻ ഭാഷകളിൽ ലഭ്യമായ മൈ ഭാരത് മൊബൈൽ ആപ്ലിക്കേഷൻ 2026 ജൂലൈ 02 ലെ കണക്കനുസരിച്ച് ഒരു ലക്ഷത്തിലധികം ഡൗൺലോഡുകൾ രേഖപ്പെടുത്തി.
· ഒറ്റത്തവണ രജിസ്ട്രേഷനിലൂടെ രാജ്യത്തുടനീളമുള്ള അവസരങ്ങൾ, പഠന സാമഗ്രികൾ, ഡിജിറ്റൽ സർട്ടിഫിക്കറ്റുകൾ, ഗവൺമെന്റ് പദ്ധതികൾ എന്നിവയിലേക്ക് തടസ്സമില്ലാത്ത പ്രവേശനം സാധ്യമാക്കുന്നു.
ഭാവിസജ്ജമായ പ്ലാറ്റ്ഫോം
· യുവജന പങ്കാളിത്തം വ്യാപിപ്പിക്കുന്നതിനായി നിർമിത ബുദ്ധി, ബഹുഭാഷാ സാങ്കേതികവിദ്യകൾ, ഓപ്പൺ എ.പി.ഐകൾ, ഡിജിറ്റൽ ക്രെഡൻഷ്യലുകൾ എന്നിവയിലൂടെ മൈ ഭാരത് 2.0 യുവജന ഇടപെടലുകളെ മാറ്റിമറിക്കുന്നു.
· വികസിത് ഭാരത്@2047-ന് അനുസൃതമായി സാങ്കേതികവിദ്യയിൽ അധിഷ്ഠിതമായ ഭരണനിർവഹണത്തിലൂടെ 10 കോടിയിലധികം യുവാക്കളെ ശാക്തീകരിക്കാനുള്ള ഇന്ത്യയുടെ കാഴ്ചപ്പാടിനെയാണ് ഈ പ്ലാറ്റ്ഫോം പ്രതിനിധീകരിക്കുന്നത്.
ഭാവിസജ്ജമായ മേരാ യുവ ഭാരത് കെട്ടിപ്പടുക്കുന്നു
ഡിജിറ്റൽ ഇന്ത്യയുടെ അടിത്തറയിൽ നിർമ്മിച്ച മൈ ഭാരത് രാഷ്ട്രനിർമ്മാണത്തിൽ പങ്കാളികളാകാനും വികസിതവും ഉൾക്കൊള്ളുന്നതും സ്വയംപര്യാപ്തവുമായ ഒരു രാജ്യത്തിലേക്കുള്ള ഇന്ത്യയുടെ പ്രയാണത്തിന് കരുത്തുപകരാനും അമൃത് തലമുറയെ ശാക്തീകരിക്കുന്നു.
ഇന്ത്യ വികസിത് ഭാരത്@2047-ലേക്ക് മുന്നേറുമ്പോൾ യുവാക്കൾക്കായുള്ള രാജ്യത്തെ ഏറ്റവും വലിയ ഡിജിറ്റൽ പബ്ലിക് ഇൻഫ്രാസ്ട്രക്ചറായി മാറാൻ മൈ ഭാരത് സജ്ജമായിക്കഴിഞ്ഞു. നിർമിത ബഹുഭാഷാ സാങ്കേതികവിദ്യകളും പ്രയോജനപ്പെടുത്തുന്നതിലൂടെ സന്നദ്ധ സേവനത്തിലേക്കും പ്രായോഗിക പഠനത്തിലേക്കുമുള്ള പ്രവേശനം വിപുലമാക്കുന്നത് ഈ പ്ലാറ്റ്ഫോം തുടരും.
അവലംബം
MY Bharat Portal
Ministry of Youth Affairs and Sports
Click here for pdf file
***
SK
(तथ्य सामग्री आईडी: 150718)
आगंतुक पटल : 10
Provide suggestions / comments