पत्र सूचना कार्यालय

ಎನ್‌ಸಿಡಬ್ಲು ಮಹಿಳಾ ಸಹಾಯವಾಣಿ – 14490: ಮಹಿಳೆಯರ ಬೆಂಬಲಕ್ಕಾಗಿ ಮೀಸಲಾದ ವೇದಿಕೆ

ಮಹಿಳೆಯರಿಗೆ ಹತ್ತಿರವಾಗುತ್ತಿರುವ ನೆರವು

ಮಹಿಳೆಯರ ಸುರಕ್ಷತೆ, ಘನತೆ ಮತ್ತು ಯೋಗಕ್ಷೇಮವನ್ನು ಖಾತ್ರಿಪಡಿಸುವುದು ಅಂತರ್ಗತ ಮತ್ತು ಸಮಾನ ಸಮಾಜಕ್ಕೆ ಅತ್ಯಗತ್ಯ. ಸುಲಭವಾಗಿ ಲಭ್ಯವಿರುವ ಮತ್ತು ಸ್ಪಂದನಶೀಲ ಸಾರ್ವಜನಿಕ ಸೇವಾ ಕಾರ್ಯವಿಧಾನಗಳು ಸಮಸ್ಯೆಗಳನ್ನು ಪರಿಹರಿಸುವಲ್ಲಿ ಮತ್ತು ಪರಿಹಾರವನ್ನು ಸುಗಮಗೊಳಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ರಾಷ್ಟ್ರೀಯ ಮಹಿಳಾ ಆಯೋಗವು (ಎನ್‌ಸಿಡಬ್ಲು) ಮಹಿಳೆಯರ ಹಕ್ಕುಗಳು ಮತ್ತು ಹಿತಾಸಕ್ತಿಗಳನ್ನು ರಕ್ಷಿಸಲು ಮತ್ತು ಉತ್ತೇಜಿಸಲು ಇರುವ ಅತ್ಯುನ್ನತ ಶಾಸನಬದ್ಧ ಸಂಸ್ಥೆಯಾಗಿದೆ. ಇದು ಮಹಿಳೆಯರ ಸಮಸ್ಯೆಗಳನ್ನು ಪ್ರತಿನಿಧಿಸಲು ಮತ್ತು ಅವರ ಕಲ್ಯಾಣ ಹಾಗೂ ಸಬಲೀಕರಣಕ್ಕಾಗಿ ವಾದಿಸಲು ಒಂದು ವೇದಿಕೆಯಾಗಿ ಕಾರ್ಯನಿರ್ವಹಿಸುತ್ತದೆ. ವರದಕ್ಷಿಣೆ, ಸಮಾನ ಉದ್ಯೋಗಾವಕಾಶಗಳು ಮತ್ತು ಕಾರ್ಮಿಕ ಶೋಷಣೆಯಂತಹ ವಿಷಯಗಳು ಎನ್‌ಸಿಡಬ್ಲು ನ ಉಪಕ್ರಮಗಳ ವ್ಯಾಪ್ತಿಗೆ ಬರುತ್ತವೆ.

ಪ್ರತಿ ವರ್ಷ, ಎನ್‌ಸಿಡಬ್ಲು ಕೌಟುಂಬಿಕ ಹಿಂಸಾಚಾರ ಮತ್ತು ಇತರ ರೀತಿಯ ದೌರ್ಜನ್ಯಗಳಿಗೆ ಸಂಬಂಧಿಸಿದ ಸಾವಿರಾರು ದೂರುಗಳನ್ನು ಸ್ವೀಕರಿಸುತ್ತದೆ. ಇಂತಹ ಅನುಭವಗಳು ಮಾನಸಿಕ ಯೋಗಕ್ಷೇಮದ ಮೇಲೆ ಗಂಭೀರ ಪರಿಣಾಮ ಬೀರಬಹುದು ಮತ್ತು ಆಗಾಗ್ಗೆ ವೃತ್ತಿಪರ ಮಾನಸಿಕ ಬೆಂಬಲದ ಅಗತ್ಯವಿರುತ್ತದೆ. ಸಂಕಷ್ಟದಲ್ಲಿರುವ ಮಹಿಳೆಯರಿಗೆ ಸಹಾಯ ಮಾಡಲು, ಎನ್‌ಸಿಡಬ್ಲು 24×7 ಮಹಿಳಾ ಸಹಾಯವಾಣಿ – 14490 ಅನ್ನು ನಿರ್ವಹಿಸುತ್ತದೆ, ಇದು ಹಿಂಸಾಚಾರಕ್ಕೆ ಒಳಗಾದ ಮಹಿಳೆಯರಿಗೆ ಡಿಜಿಟಲ್ ದೂರು ನೋಂದಣಿ ವ್ಯವಸ್ಥೆಯನ್ನು ಒದಗಿಸುತ್ತದೆ. ಈ ಟೋಲ್-ಫ್ರೀ ಸಂಖ್ಯೆಯು ಎನ್‌ಸಿಡಬ್ಲು ನ ಅಸ್ತಿತ್ವದಲ್ಲಿರುವ ಸಹಾಯವಾಣಿ – 7827170170 ಕ್ಕೆ ಸಂಪರ್ಕ ಹೊಂದಿರುವ ನೆನಪಿಟ್ಟುಕೊಳ್ಳಲು ಸುಲಭವಾದ ಶಾರ್ಟ್ ಕೋಡ್ ಆಗಿದೆ. 18 ವರ್ಷಕ್ಕಿಂತ ಮೇಲ್ಪಟ್ಟ ಯಾವುದೇ ಮಹಿಳೆ ಅಥವಾ ಬಾಲಕಿ ಈ ಸಹಾಯವಾಣಿಯನ್ನು ಸಂಪರ್ಕಿಸಬಹುದು. ಇದು ಮಹಿಳೆಯರಿಗೆ ದೂರುಗಳನ್ನು ನೋಂದಾಯಿಸಲು ಮತ್ತು ತಕ್ಷಣದ ಸಹಾಯವನ್ನು ಪಡೆಯಲು ಅನುವು ಮಾಡಿಕೊಡುತ್ತದೆ. ಇದು ಪ್ರಮುಖ ಮಾನಸಿಕ ಆರೋಗ್ಯ ಮತ್ತು ಸಮಾಲೋಚನಾ ಸಂಸ್ಥೆಗಳಿಂದ ತರಬೇತಿ ಪಡೆದ ಮಾನಸಿಕ ಸಮಾಲೋಚಕರಿಂದ ನಿರ್ವಹಿಸಲ್ಪಡುತ್ತದೆ. ಇದು ಅಗತ್ಯವಿರುವವರಿಗೆ ವೃತ್ತಿಪರ ಮತ್ತು ಸಹಾನುಭೂತಿಯ ಮಧ್ಯಪ್ರವೇಶವನ್ನು ಖಚಿತಪಡಿಸುತ್ತದೆ.

ಡಿಜಿಟಲ್ ಪ್ರವೇಶದ ಮೂಲಕ ಅಂತರವನ್ನು ಕಡಿಮೆ ಮಾಡುವುದು

• ಎನ್‌ಸಿಡಬ್ಲು ಮಹಿಳಾ ಸಹಾಯವಾಣಿಯು ಸಾರ್ವಜನಿಕ ಸೇವೆಗಳು ಮತ್ತು ದೂರು ಪರಿಹಾರಕ್ಕೆ ಪ್ರವೇಶವನ್ನು ಸುಧಾರಿಸಲು ತಂತ್ರಜ್ಞಾನವನ್ನು ಬಳಸಿಕೊಳ್ಳುವ ಮೂಲಕ 'ಡಿಜಿಟಲ್ ಇಂಡಿಯಾ'ದ ತತ್ವಗಳನ್ನು ಸಾಕಾರಗೊಳಿಸುತ್ತದೆ.
• ಈ ಸಹಾಯವಾಣಿಯು ಯಾವುದೇ ಸಮಯದಲ್ಲಿ ಸಹಾಯವನ್ನು ಪಡೆಯಲು ದಿನದ 24 ಗಂಟೆಯೂ ಲಭ್ಯವಿರುವ 'ಡಿಜಿಟಲ್ ದೂರು ನೋಂದಣಿ ವ್ಯವಸ್ಥೆ'ಯನ್ನು ಒದಗಿಸುತ್ತದೆ.
• ಈ ಸಹಾಯವಾಣಿಯು ದೂರು ನೋಂದಣಿ, ಮಾನಸಿಕ ಸಮಾಲೋಚನೆ (ಕೌನ್ಸೆಲಿಂಗ್), ರೆಫರಲ್ ಬೆಂಬಲ ಮತ್ತು ಸರ್ಕಾರಿ ಯೋಜನೆಗಳ ಕುರಿತಾದ ಮಾಹಿತಿಗಾಗಿ ಡಿಜಿಟಲ್ ಪ್ರವೇಶ ಬಿಂದುವನ್ನು ಸುಗಮಗೊಳಿಸುತ್ತದೆ. ಇದು ಬೆಂಬಲ ಸೇವೆಗಳನ್ನು ಹೆಚ್ಚು ಸುಲಭವಾಗಿ ಲಭ್ಯವಾಗುವಂತೆ ಮತ್ತು ನಾಗರಿಕ-ಕೇಂದ್ರಿತವನ್ನಾಗಿ ಮಾಡುತ್ತದೆ.
• ಎನ್‌ಸಿಡಬ್ಲು ನ ಅಸ್ತಿತ್ವದಲ್ಲಿರುವ ಸಹಾಯವಾಣಿಗೆ ಲಿಂಕ್ ಮಾಡಲಾದ ರಾಷ್ಟ್ರವ್ಯಾಪಿ ಸಂಖ್ಯೆಯನ್ನು ಒದಗಿಸುವ ಮೂಲಕ, ಈ ಉಪಕ್ರಮವು ವಿಶೇಷವಾಗಿ ತುರ್ತು ಸಂದರ್ಭಗಳಲ್ಲಿ ಬೆಂಬಲವನ್ನು ವೇಗವಾಗಿ ಪಡೆಯಲು ಅನುವು ಮಾಡಿಕೊಡುತ್ತದೆ.

ದೂರು ವಿಶ್ಲೇಷಣೆಯ ಮೂಲಕ ಸುಧಾರಣೆಗೆ ಬೆಂಬಲ

• ಎನ್‌ಸಿಡಬ್ಲು ಸ್ವೀಕರಿಸುವ ದೂರುಗಳು ಮಹಿಳೆಯರ ವಿರುದ್ಧದ ಅಪರಾಧಗಳ ಸ್ವರೂಪ ಮತ್ತು ಪ್ರವೃತ್ತಿಗಳ ಬಗ್ಗೆ ಅಮೂಲ್ಯವಾದ ಒಳನೋಟಗಳನ್ನು ಒದಗಿಸುತ್ತವೆ.
• ಈ ವಿಶ್ಲೇಷಣೆಯು ಮಹಿಳೆಯರ ವಿರುದ್ಧದ ಹಿಂಸಾಚಾರವನ್ನು ಎದುರಿಸಲು ಜವಾಬ್ದಾರರಾಗಿರುವ ಸಂಸ್ಥೆಗಳ ಕಾರ್ಯನಿರ್ವಹಣೆಯಲ್ಲಿನ ಕೊರತೆಗಳನ್ನು ಗುರುತಿಸಲು ಸಹಾಯ ಮಾಡುತ್ತದೆ.
• ದೂರಿನಿಂದ ಪಡೆದ ಸಂಶೋಧನೆಗಳು, ಅಂತಹ ಪ್ರಕರಣಗಳಿಗೆ ಪ್ರತಿಕ್ರಿಯೆಯನ್ನು ಸುಧಾರಿಸಲು ತಿದ್ದುಪಡಿ ಕ್ರಮಗಳಿಗಾಗಿ ಶಿಫಾರಸುಗಳನ್ನು ಬೆಂಬಲಿಸುತ್ತವೆ.
• ಪೊಲೀಸ್ ಸಿಬ್ಬಂದಿ, ನ್ಯಾಯಾಂಗ ಅಧಿಕಾರಿಗಳು, ಸರ್ಕಾರಿ ಅಭಿಯೋಜಕರು, ಫೋರೆನ್ಸಿಕ್ ವಿಜ್ಞಾನಿಗಳು, ರಕ್ಷಣಾ ವಕೀಲರು ಮತ್ತು ಇತರ ಆಡಳಿತಾತ್ಮಕ ಕಾರ್ಯಕರ್ತರಿಗೆ ಸಂವೇದನಾ ಕಾರ್ಯಕ್ರಮಗಳ ಸಂದರ್ಭದಲ್ಲಿ ದೂರುಗಳನ್ನು ಕೇಸ್ ಸ್ಟಡೀಸ್‌ಗಳಾಗಿ (ನಿದರ್ಶನಗಳಾಗಿ) ಬಳಸಲಾಗುತ್ತದೆ.

ದೂರುಗಳ ಸಂಸ್ಕರಣೆ ಮತ್ತು ಪರಿಹಾರ ಕಾರ್ಯವಿಧಾನ

• ಎನ್‌ಸಿಡಬ್ಲು ದೂರುಗಳನ್ನು ಪರಿಶೀಲಿಸಲು ಮತ್ತು ಸೂಕ್ತ ಕ್ರಮವನ್ನು ಸುಗಮಗೊಳಿಸಲು ರಚನಾತ್ಮಕ ಪ್ರಕ್ರಿಯೆಯನ್ನು ಅನುಸರಿಸುತ್ತದೆ. ಮುಂದಿನ ಕ್ರಮಗಳನ್ನು ಕೈಗೊಳ್ಳುವ ಮೊದಲು ಆಯೋಗದ ಆದೇಶಕ್ಕೆ ಅನುಗುಣವಾಗಿ ದೂರುಗಳನ್ನು ಪರಿಶೀಲಿಸಲಾಗುತ್ತದೆ.
• ದೂರುಗಳು ಆಯೋಗದ ವ್ಯಾಪ್ತಿಗೆ ಬರುತ್ತವೆ ಎಂಬುದನ್ನು ಖಚಿತಪಡಿಸಿಕೊಳ್ಳಲು ಅವುಗಳನ್ನು ಕೂಲಂಕಷವಾಗಿ ಪರಿಶೀಲಿಸಲಾಗುತ್ತದೆ.
• ಎನ್‌ಸಿಡಬ್ಲು ನ ವ್ಯಾಪ್ತಿಗೆ ಒಳಪಡುವ ದೂರುಗಳನ್ನು ನೋಂದಾಯಿಸಲಾಗುತ್ತದೆ ಮತ್ತು ಅವುಗಳಿಗೆ ವಿಶಿಷ್ಟವಾದ ಪ್ರಕರಣ ಸಂಖ್ಯೆಯನ್ನು ನೀಡಲಾಗುತ್ತದೆ.
• ಆಯೋಗದ ವ್ಯಾಪ್ತಿಗೆ ಒಳಪಡದ ದೂರುಗಳನ್ನು ದೂರುದಾರರಿಗೆ ಮಾಹಿತಿ ನೀಡಿದ ನಂತರ ಮುಕ್ತಾಯಗೊಳಿಸಲಾಗುತ್ತದೆ.
• ಪ್ರಕರಣದ ಸ್ವರೂಪವನ್ನು ಅವಲಂಬಿಸಿ, ನೋಂದಾಯಿತ ದೂರುಗಳನ್ನು ಸಂಬಂಧಪಟ್ಟ ಅಧಿಕಾರಿಗಳ ಗಮನಕ್ಕೆ ತರಲಾಗುತ್ತದೆ. ದೂರುದಾರರ ಕುಂದುಕೊರತೆಗಳನ್ನು ಪರಿಹರಿಸಲು ಮುಖ್ಯವಾಗಿ ಈ ಕೆಳಗಿನ ಕ್ರಮಗಳನ್ನು ಕೈಗೊಳ್ಳಲಾಗುತ್ತದೆ:

• ಪೊಲೀಸ್ ತನಿಖೆಯನ್ನು ತ್ವರಿತಗೊಳಿಸುವುದುಮೇಲ್ವಿಚಾರಣೆ ಮಾಡುವುದು
• ಶಾಸನಬದ್ಧ ನಿಬಂಧನೆಗಳ ಸರಿಯಾದ ಅನುಷ್ಠಾನವನ್ನು ಮೇಲ್ವಿಚಾರಣೆ ಮಾಡುವುದು
• ಮಧ್ಯಸ್ಥಿಕೆ/ಸಮಾಲೋಚನೆಯ ಮೂಲಕ ಸಮಸ್ಯೆಗಳನ್ನು ಪರಿಹರಿಸುವುದು
• ಗಂಭೀರ ಸ್ವರೂಪದ ಅಪರಾಧಗಳಿಗಾಗಿ, ಎನ್‌ಸಿಡಬ್ಲು ಒಂದು ವಿಚಾರಣಾ ಸಮಿತಿಯನ್ನು ರಚಿಸುತ್ತದೆ, ಇದು ಪ್ರಕರಣದ ವಿವಿಧ ಅಂಶಗಳನ್ನು ಮತ್ತಷ್ಟು ಕೂಲಂಕಷವಾಗಿ ಪರಿಶೀಲಿಸುತ್ತದೆ.

ಹೆಚ್ಚು ಸ್ಪಂದನಶೀಲ ಚೌಕಟ್ಟಿನತ್ತ

ಎನ್‌ಸಿಡಬ್ಲು ಮಹಿಳಾ ಸಹಾಯವಾಣಿಯು ಮಹಿಳಾ ಕಲ್ಯಾಣದ ನಿಟ್ಟಿನಲ್ಲಿ ವಿಕಸನಗೊಳ್ಳುತ್ತಿರುವ ದೃಷ್ಟಿಕೋನವನ್ನು ಪ್ರತಿಬಿಂಬಿಸುತ್ತದೆ. ಇದು ಉದಯೋನ್ಮುಖ ಅಗತ್ಯಗಳನ್ನು ಪೂರೈಸಲು ಸ್ಪಂದನಶೀಲ ಸಂಸ್ಥೆಗಳು ಮತ್ತು ಸರಳೀಕೃತ ಸಾರ್ವಜನಿಕ ಸೇವೆಗಳನ್ನು ಒಗ್ಗೂಡಿಸುತ್ತದೆ. ಮಹಿಳೆಯರೊಂದಿಗೆ ಸಂವಾದ ನಡೆಸಲು ಮೀಸಲಾದ ಮಾರ್ಗವನ್ನು ಸೃಷ್ಟಿಸುವ ಮೂಲಕ, ಈ ಉಪಕ್ರಮವು ಮಹಿಳೆಯರು ಮತ್ತು ಸ್ಥಾಪಿತ ವ್ಯವಸ್ಥೆಗಳ ನಡುವಿನ ಸಂಪರ್ಕವನ್ನು ಬಲಪಡಿಸುತ್ತದೆ. ಇದು ಹೆಚ್ಚಿನ ಜಾಗೃತಿಯನ್ನು ಉತ್ತೇಜಿಸುತ್ತದೆ ಮತ್ತು ಸಾಂಸ್ಥಿಕ ಪ್ರಕ್ರಿಯೆಗಳಲ್ಲಿ ನಂಬಿಕೆಯನ್ನು ಮೂಡಿಸುತ್ತದೆ. ಇದರ ವ್ಯಾಪ್ತಿಯು ವಿಸ್ತರಿಸುತ್ತಿರುವಂತೆ, ಈ ಸಹಾಯವಾಣಿಯು ದೇಶಾದ್ಯಂತ ಮಹಿಳೆಯರ ರಕ್ಷಣೆಗಳನ್ನು ಬಲಪಡಿಸುವಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತದೆ.

References

Ministry of Women and Child Development

https://ncwwomenhelpline.ncw.gov.in/

https://www.ncw.gov.in/ncw-cells/ncw-women-helpline/

https://uatncwwomen.digitalindiacorporation.in/ncw-cells/c-ni-cell/

https://www.ncw.gov.in/ncw-cells/c-ni-cell/

https://www.pib.gov.in/PressReleasePage.aspx?PRID=2239605&reg=48&lang=2

https://www.pib.gov.in/newsite/erelcontent.aspx?relid=279529&reg=3&lang=2

Ministry of Electronics & IT

https://www.digitalindia.gov.in/initiative/ncw-womens-helpline/

Pres Information Bureau

https://www.pib.gov.in/PressNoteDetails.aspx?NoteId=156174&ModuleId=3&reg=3&lang=1

NCW Women Helpline – 14490: A Dedicated Platform for Women's Support

*****

(तथ्य सामग्री आईडी: 150681) आगंतुक पटल : 15