থাগৎখিবা:
20 NOV 2026 4:18PM by PIB Imphal
প্রধান মন্ত্রী শ্রী নরেন্দ্র মোদীনা ২০২৬কি নবেম্বর ২১দা ৱেস্ত বেঙ্গল অমসুং উত্তর প্রদেশতা চৎকদৌরি৷ অয়ুক পূং ৯:৪৫ তাবা মতমদা প্রধান মন্ত্রীনা আই.আই.তি.খরগপুরগী প্লাতিনম জুবিলি থৌরমদা শরুক য়াগনি। মহাক্না থৌরম অসিদা মীতিন অদুদা ৱা ঙাংগনি। মদুগী মতুংদা মহাক্না বিহারদা চত্তুনা বৈশালিদা চাওখৎ-থৌরাংগী প্রোজেক্তশিং উরেপ-উয়ুং তমগনি অমদি শঙ্গাগনি। মদুগী মতুংদা প্রধান মন্ত্রী উত্তর প্রদেশতা চৎকনি। চাওরাক্না পূং ৫:৩০দা প্রধান মন্ত্রীনা লখনৌগী গোমতি নগরদা লৈবা ইন্দিরা গান্ধি প্রতিস্থান্দা ৫সুবা কৌশল দিক্ষান্ত সমারোহদা শরুক য়াগনি। মহাক্না থৌরম অদুদা মীতিন অদুদা ৱা ঙাংগনি।
খরগপুরদা পি.এম.
আই.আই.তি.খরগপুরগী প্লাতিনম জুবিলি থৌরমদা প্রধান মন্ত্রী শরুক য়াগনি। মহাক্না আই.আই.তি.খরগপুরগী মহৈরোয় ৭৫গসু ৱারি শান্নগনি, মসিনা ইন্সতিত্যুত অসিগী চহি ৭৫গী খোঙচৎকি মমি তারি।
১৯৫১দা লিংখৎখিবা আই.আই.তি.খরগপুর অসি লৈবাক অসিদা লিংখৎখিবা অহানবা ইন্দিয়ন ইন্সতিত্যুত ওফ তেক্নোলোজিনি। ইন্সতিত্যুত ওফ নেস্নেল ইম্পোরতেন্স অমা ওইনা শকখঙলবা অসিনা ভারত্তা তেক্নিকেল এজুকেসন, রিসর্চ অমসুং ইনোবেসন মাংলোমদা পুখত্পদা মাংজিল থাবা থৌদাং অমা লৌরি।
লখনৌদা পি.এম.
প্রধান মন্ত্রীনা ৫সুবা কৌশল দিক্ষান্ত সমারোহদা শরুক য়াগনি । একাদেমিক সেসন ২০২১-২২দা ইন্সতিত্যুত তৌরবা কৌশল দিক্ষান্ত সমারোহ অসি স্কীল দিবলপমেন্ততা এক্সেলেন্স শকখঙবা অমসুং স্কীল লৈরবা নহাশিংনা ত্রেনিংদগী থবক্কি তাইবংদা ত্রাঞ্জিসনন তৌবগী থৌরম পাঙথোক্নবা চহিগী ওইবা নেস্নেল প্লেৎফোর্ম অমা ওইনা থোরক্লে। হৌদোকপদগী হৌনা থৌরম অসিনা ওল ইন্দিয়া তোপরশিং অমসুং স্কীল দিবেলপমেন্ত ইকোসিস্তেমদগী হায় এচিভরশিংবু থাগত্পা ফোঙদোকখ্রে, ভোকেস্নেল এজুকেসন অমসুং স্কীল লৈরবা কেরিয়রগী অকোয়বদা চাওথোকচবা, এচিবমেন্ত অমসুং এসপিরেসনগী কলচর অমা য়োকখৎলি।
চহি অসিদা ইন্দস্ত্রিয়েল ত্রেনিং ইন্সতিত্যুতশিং (আই.তি.আই.শিং), নেস্নেল স্কীল ত্রেনিং ইন্সতিত্যুতশিং (এন.এস.তি.আই.শিং) অমসুং ইন্সতিত্যুত ফোর ত্রেনিং ওফ ত্রেনিং ইন্সতিত্যুতশিং (আই.তি.ও.তি.শিং)দগী নেস্নেল লেবেল তোপর ৫২ বু মখোয়গী মশক থোকপা মায় পাকপশিংগীদমক ফেলিসিতেসন তৌগনি।
***