থাগৎখিবা:
20 NOV 2026 4:19PM by PIB Imphal
প্রধান মন্ত্রী শ্রী নরেন্দ্র মোদীনা ২০২৬কি নবেম্বর ২১দা বিহারদা চৎকদৌরি, নুমিদাং পূং ১:১৫দা প্রধান মন্ত্রীনা বৈশালি জিলাদা লৈবা নিতিশ সেতুদা চৎকনি। মদুগী মতুংদা চাওরাক্না নুংথিল পূং ২ মুক তাবদা তোঙান তোঙানবা চাওখৎ-থৌরাংগী প্রোজেক্তশিং শঙ্গাগনি অমসুং জাতিদা কত্থোক্কনি অমসুং দা মহাক্না বৈশালিদা চাওরাক্না লুপা কোতি ৩৪,৪৭০ কি ওইগদবা প্রোজেক্তশিং উরেপ-উয়ুং তমগনি৷ মহাক্না থৌরম অদুদা তিল্লিবা মীয়ামদা ৱা ঙাংগনি।
প্রোজেক্তশিং অসিনা রোদ কনেক্তিবিতি, ইনর্জি, অরবান ইনফ্রাস্ত্রকচর, ৱাতর রিসোর্স, এজুকেসন, হেলথকেয়র, ত্রান্সপোর্ত অমসুং অতৈ মরুওইবা সেক্তরশিংদা য়াওরি, অমসুং রাজ্য শিনবা থুংনা ইনফ্রাস্ত্রকচর মপাঙ্গল কনখৎহন্নবা অমসুং পব্লিক সর্ভিসশিং ফগৎহন্নবা পান্দম থম্লি।
প্রধান মন্ত্রীনা চাওরাক্না লুপা কোতি ৪২৮০ রোম চংবা গঙ্গা তুরেলগী মথক্তা এক্সত্রাদোজ তৌরবা কেবল স্তেদ থোঙ অমা ওইরিবা নিতিশ সেতু জাতিদা কত্থোক্লগনি। কিলোমিতর ১৯.৭ শাঙবা প্রোজেক্ত অসিনা পতনা জিলাগী এন.ঐচ.-২২দা লৈবা কাচি দরগাহ অমসুং বৈশালি জিলাগী এন.ঐচ.-৩২২দা লৈবা বিদুপুরগা শম্নহল্লি। মসিদা কিলোমিতর ৯.৭ শাঙবা মেন ব্রীজ অমদি কিলোমিতর ১০ শাঙবা এপ্রোচ রোদশিং য়াওরি।
থোঙ অসিনা গঙ্গা তুরেলগী মথক্তা মরুওইবা অহেনবা ক্রোশিং অমা পিরগনি, মসিনা হৌজিক লৈরিবা মহাত্মা গান্ধি সেতু অমসুং জে.পি. সেতু অসিদা মী চিনবা হন্থহল্লনি অমদি বিহারগী খা-ৱাং চৎপগী মতম হন্থহল্লগনি৷ মসিনা পতনা লায়না য়ৌবা ঙমহনবগী ফীভম ফগৎহল্লগনি অমদি হেলথকেয়র অমসুং এজুকেসনগুম্বা তঙায় ফদবা সর্ভিসশিং ফংবা হেনগৎহন্দুনা রাঘোপুর দয়ারাগী রেসিদেন্তশিংদা মরুওইনা কান্নবা ফংহল্লগনি। প্রোজেক্ত অসিনা লৌউ-শিংউগী পোত্ত্থোকশিং অমসুং ইন্দস্ত্রিগী পোত্লমশিং পুথোক-পুশিন তৌবদা লাইথোকহল্লগনি, কৈথেলশিংদা য়ৌবা ঙম্বগী খুদোংচাবা ফগৎহল্লগনি অমসুং লমদম শিনবা থুংনা লল্লোন-ইতিক তৌবদা ঙাক্লৌ পীরগনি, মসিনা বিহারগী শেন্মিৎলোন ফগৎহনবদা মতেং পাংগনি।
প্রধান মন্ত্রীনা লুপা কোতি ১৫,৬০০ হেনবগী অচৌবা ইনফ্রাস্ত্রকচর অমসুং দিবেলপমেন্ত প্রোজেক্ত কয়া অমা শঙ্গারগনি। অচৌবা লম্বিগী প্রোজেক্তশিংগী মনুংদা এন.ঐচ.-১৯গী ঔরঙ্গবাদ-চোরদাহা সেক্সন, এন.ঐচ.-২২৭এফ.কি চোরমা-বৈরগনিয়া সেক্সন অমসুং এন.ঐচ.-৩২৭কি উমাগাও-শহরশা সেক্সন্নচিঙবা লেন ৬ তা ওইহন্নবা য়াওরি।
পাৱর সেক্তরদা প্রধান মন্ত্রীনা ইনর্জি দিপার্তমেন্তকি মখাদা ইলেক্ত্রিসিতি দিস্ত্রিব্যুসন অমসুং ত্রান্সমিসন ইনফ্রাস্ত্রকচর প্রোজেক্তশিংগা লোয়ননা মেগাৱাত্ ১,৩২০কি বক্সর থর্মেল পাৱর প্রোজেক্তকি য়ুনিৎ ২ (৬৬০ মেগাৱাত্) শঙ্গাগনি। মসিদা অতোপ্পশিংগী মরক্তা লুপা কোতি ১,১৩০ হেনবা আর.দি.এস.এস.কি অমাংবা হন্থহনবগী থবকশিং য়াওরি। শঙ্গাগদৌরিবা অতৈ প্রোজেক্তশিংগী মনুংদা কেনেলশিং অমসুং তোর্বানশিং অমুক হন্না শেমজিনবা অমসুং মপাঙ্গল কনখৎহনবা, নৱাদাগী ফুলৱারিয়া দামদা ফ্লোতিং সোলর প্রোজেক্ত অমা অমসুং কহলগাওদা সিৱরেজ ইনফ্রাস্ত্রকচর অমা য়াওরি। প্রধান মন্ত্রীনা এজুকেস্নেল ইন্সতিত্যুসনশিং, রেসিদেন্সিএল স্কুলশিং, হেলথ সর্ভিসশিং, লৌউ-শিংউ, শান্ন-খোৎনবা অমসুং পব্লিক এদমিনিস্ত্রেসনগী বিল্দিংশিং অমসুং ফেসিলিতিশিংসু শঙ্গাগনি। প্রোজেক্তশিং অসিনা ইরিগেসন, অরবান সর্ভিসশিং ফগৎহনবা অমসুং তঙায় ফদবা খুদোংচাবশিং ফংহনবদা মতেং পাংগনি।
প্রধান মন্ত্রীনা চাওরাক্না লুপা কোতি লুপা কোতি ১৪,৪৫০ কি ওইগদবা প্রোজেক্তশিং উরেপ-উয়ুং তমগনি। মসিগী মনুংদা মশক থোকপা ওইনা এন.ঐচ.-১৩৯দবল্যু.গী সাহেবগঞ্জ-অরেরাজ-বেত্তিয়া সেক্সনগী ফোর-লেনিং অসি লুপা কোতি ৩,৮০০ মুক চংনা শেমগৎকনি, অমসুং পিরপেন্তি সুপর থর্মেল পাৱর প্রোজেক্ত (৩ x ৮০০ মেগাৱাত্)গী পাৱর ইভাক্যুএসন প্রোজেক্ত অসি চাওরাক্না লুপা কোতি ৩,৩৫০ চংগনি হায়না পানরি।
প্রধান মন্ত্রীনা বেগুসরাই, বিহারশরিফ, পুরনিয়া, হাজিপুর, মোতিহারি, দানাপুর, খগরিয়া, সমস্তিপুর, বোধগয়া, সিতামরহি, সহরসা অমসুং অতৈ শহরগী মফমশিংদা সিৱরেজ অমসুং ৱাতর-শপ্লাই প্রোজেক্তশিংগী উরেপ-উয়ুংসু তমগনি। অতৈ প্রোজেক্তশিংগী মনুংদা কেনেল সিস্তেমশিং মোদরনাইজেসন তৌবা, দোকতর ভিমরাও অম্বেদকর রেসিদেন্সিএল স্কুলশিং, আই.আই.তি. পতনা রিসর্চ পার্ক অমসুং হোস্তেল, ইঞ্জিনিয়রিং অমসুং পোলিতেক্নিক ইন্সতিত্যুসনশিং অমদি ইমর্জেন্স রেসপোন্স অমসুং পুলিশ দেতা সেন্তর ইন্ফ্রাস্ত্রকচর য়াওরি৷
প্রধান মন্ত্রীনা পি.এম.-ইবস ১০০ ফ্লেগ ওফ তৌগনি, মসিনা রাজ্য অসিদা ক্লিনর পব্লিক ত্রান্সপোর্ততা মখা তানা ইনোৎ পিরগনি। প্রধান মন্ত্রী অৱাশ য়োজনা (অরবান)গী মখাদা বেনিফিসরি ২৬,৯০০ হেনবগী গৃহ প্রবেশসু পাঙথোক্কনি, মসিনা শহরগী ইমুংশিংদা য়ুম ফংহনবগী মরুওইবা মাইলস্তোন অমা ওইরগনি।
***