Posted On:
19 NOV 2026 5:08PM by PIB Chandigarh
ਕੇਂਦਰੀ ਆਯੁਸ਼ ਰਾਜ ਮੰਤਰੀ (ਸੁਤੰਤਰ ਚਾਰਜ) ਅਤੇ ਸਿਹਤ ਅਤੇ ਪਰਿਵਾਰ ਭਲਾਈ ਰਾਜ ਮੰਤਰੀ, ਸ਼੍ਰੀ ਪ੍ਰਤਾਪ ਰਾਓ ਜਾਧਵ ਨੇ ਅੱਜ ਨਵੀਂ ਦਿੱਲੀ ਵਿੱਚ ਹਸਪਤਾਲਾਂ ਅਤੇ ਨਿਰਮਾਤਾਵਾਂ ਨੂੰ "ਆਯੁਸ਼ ਗੁਣਵੱਤਾ ਚਿੰਨ੍ਹ" ਸਰਟੀਫਿਕੇਟ ਵੰਡੇ। ਇਸ ਪਹਿਲਕਦਮੀ ਦਾ ਉਦੇਸ਼ ਆਯੁਸ਼ ਉਤਪਾਦਾਂ ਅਤੇ ਸਿਹਤ ਸੰਭਾਲ ਸੇਵਾਵਾਂ ਦੀ ਗੁਣਵੱਤਾ ਭਰੋਸਾ, ਮਾਣਕੀਕਰਨ ਅਤੇ ਵਿਸ਼ਵਵਿਆਪੀ ਭਰੋਸੇਯੋਗਤਾ ਨੂੰ ਮਜ਼ਬੂਤ ਕਰਨਾ ਹੈ।

ਪੁਰਸਕਾਰ ਜੇਤੂਆਂ ਨੂੰ ਵਧਾਈ ਦਿੰਦੇ ਹੋਏ, ਸ਼੍ਰੀ ਪ੍ਰਤਾਪ ਰਾਓ ਜਾਧਵ ਨੇ ਕਿਹਾ ਕਿ 'ਆਯੁਸ਼ ਕੁਆਲਿਟੀ ਮਾਰਕ' ਆਯੁਸ਼ ਉਤਪਾਦਾਂ ਅਤੇ ਸੇਵਾਵਾਂ ਦੀ ਸੁਰੱਖਿਆ, ਸ਼ੁੱਧਤਾ ਅਤੇ ਪ੍ਰਮਾਣਿਕਤਾ ਵਿੱਚ ਜਨਤਾ ਦੇ ਭਰੋਸੇ ਅਤੇ ਵਿਸ਼ਵਾਸ ਦਾ ਪ੍ਰਤੀਕ ਹੈ। ਸਿਹਤ ਸੰਭਾਲ ਖੇਤਰ ਵਿੱਚ ਗੁਣਵੱਤਾ ਨੂੰ ਇੱਕ ਨੈਤਿਕ ਜ਼ਿੰਮੇਵਾਰੀ ਦੱਸਦਿਆਂ, ਕੇਂਦਰੀ ਮੰਤਰੀ ਨੇ ਕੱਚੇ ਮਾਲ ਦੀ ਖਰੀਦ, ਨਿਰਮਾਣ, ਟੈਸਟਿੰਗ ਅਤੇ ਲੇਬਲਿੰਗ ਵਿੱਚ ਸਖ਼ਤ ਮਾਪਦੰਡਾਂ ਨੂੰ ਬਣਾਈ ਰੱਖਣ ਦੀ ਮਹੱਤਤਾ 'ਤੇ ਜ਼ੋਰ ਦਿੱਤਾ।
ਸ਼੍ਰੀ ਜਾਧਵ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਦੂਰਦਰਸ਼ੀ ਅਗਵਾਈ ਹੇਠ, ਆਯੁਸ਼ ਨੂੰ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ 'ਤੇ ਵਿਆਪਕ ਮਾਨਤਾ ਮਿਲੀ ਹੈ। ਉਨ੍ਹਾਂ ਜ਼ੋਰ ਦੇ ਕੇ ਕਿਹਾ ਕਿ ਰਵਾਇਤੀ ਚਿਕਿਤਸਾ ਵਿੱਚ ਭਾਰਤ ਦੀ ਅਮੀਰ ਵਿਰਾਸਤ ਨੂੰ ਵਿਸ਼ਵ ਪੱਧਰ 'ਤੇ ਵਧੇਰੇ ਸਵੀਕਾਰ ਕਰਨ ਲਈ, ਇਸ ਨੂੰ ਵਿਗਿਆਨਕ ਸਬੂਤ, ਇਕਸਾਰ ਗੁਣਵੱਤਾ ਅਤੇ ਅੰਤਰਰਾਸ਼ਟਰੀ ਪੱਧਰ 'ਤੇ ਮਾਨਤਾ ਪ੍ਰਾਪਤ ਮਿਆਰਾਂ ਦਾ ਸਮਰਥਨ ਮਿਲਣਾ ਚਾਹੀਦਾ ਹੈ।


ਕੇਂਦਰੀ ਮੰਤਰੀ ਨੇ ਦੱਸਿਆ ਕਿ ਆਯੁਸ਼ ਮੰਤਰਾਲੇ ਨੇ "ਆਯੁਸ਼ ਡਰੱਗ ਕੁਆਲਿਟੀ ਐਂਡ ਪ੍ਰੋਡਕਸ਼ਨ ਪ੍ਰੋਤਸਾਹਨ ਸਕੀਮ" (ਏਓਜੀਯੂਐੱਸਵਾਈ) ਦੇ ਤਹਿਤ "ਆਯੁਸ਼ ਕੁਆਲਿਟੀ ਮਾਰਕ" ਨੂੰ ਲਾਗੂ ਕਰਨ ਲਈ ਆਯੁਸ਼ ਐਕਸਲ ਨੂੰ ਸਿਧਾਂਤਕ ਪ੍ਰਵਾਨਗੀ ਦੇ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਪਹਿਲ ਗੁਣਵੱਤਾ ਭਰੋਸੇ ਲਈ ਇੱਕ ਸੰਸਥਾਗਤ ਢਾਂਚਾ ਪ੍ਰਦਾਨ ਕਰੇਗੀ ਅਤੇ ਘਰੇਲੂ ਖਪਤਕਾਰਾਂ ਅਤੇ ਅੰਤਰਰਾਸ਼ਟਰੀ ਖਰੀਦਦਾਰਾਂ ਵਿੱਚ ਵਿਸ਼ਵਾਸ ਬਣਾਉਣ ਵਿੱਚ ਮਦਦ ਕਰੇਗੀ।
ਰਵਾਇਤੀ ਅਤੇ ਜੜੀ-ਬੂਟੀਆਂ ਦੇ ਸਿਹਤ ਉਤਪਾਦਾਂ ਦੀ ਵਧ ਰਹੀ ਵਿਸ਼ਵਵਿਆਪੀ ਮੰਗ ਨੂੰ ਉਜਾਗਰ ਕਰਦੇ ਹੋਏ, ਸ਼੍ਰੀ ਜਾਧਵ ਨੇ ਜ਼ੋਰ ਦੇ ਕੇ ਕਿਹਾ ਕਿ ਡਬਲਿਊਐੱਚਓ-ਜੀਐੱਮਪੀ ਜ਼ਰੂਰਤਾਂ ਦੀ ਪਾਲਣਾ, ਫਾਰਮਾਕੋਪੀਅਲ ਮਿਆਰਾਂ ਦੀ ਪਾਲਣਾ, ਗੁਣਵੱਤਾ ਜਾਂਚ ਅਤੇ ਪਾਰਦਰਸ਼ੀ ਲੇਬਲਿੰਗ ਅੰਤਰਰਾਸ਼ਟਰੀ ਬਜ਼ਾਰਾਂ ਵਿੱਚ ਭਾਰਤੀ ਆਯੁਸ਼ ਨਿਰਮਾਤਾਵਾਂ ਦੀ ਮੁਕਾਬਲੇਬਾਜ਼ੀ ਨੂੰ ਵਧਾਏਗੀ। ਉਨ੍ਹਾਂ ਨੇ ਆਯੁਸ਼ ਐਕਸਲ ਨੂੰ ਤਕਨੀਕੀ ਮਾਰਗਦਰਸ਼ਨ, ਉਦਯੋਗਿਕ ਸ਼ਮੂਲੀਅਤ ਅਤੇ ਸਮਰੱਥਾ-ਨਿਰਮਾਣ ਪਹਿਲਕਦਮੀਆਂ ਰਾਹੀਂ ਨਿਰਮਾਤਾਵਾਂ, ਖਾਸ ਕਰਕੇ ਛੋਟੇ ਅਤੇ ਦਰਮਿਆਨੇ ਉੱਦਮਾਂ ਦਾ ਸਮਰਥਨ ਕਰਨ ਦੀ ਅਪੀਲ ਕੀਤੀ।

ਇਸ ਮੌਕੇ 'ਤੇ ਡਾ. ਰਘੂ (ਕੰਸਲਟੈਂਟ, ਆਯੁਰਵੇਦ), ਆਯੁਸ਼ ਐਕਸਲ ਦੇ ਪ੍ਰਤੀਨਿਧੀ ਅਤੇ ਅਧਿਕਾਰੀ, ਆਯੁਸ਼ ਉਦਯੋਗ ਦੇ ਪ੍ਰਤੀਨਿਧੀ, ਨਿਰਮਾਤਾ, ਨਿਰਯਾਤਕ, ਵਿਗਿਆਨੀ ਅਤੇ ਆਯੁਸ਼ ਮੰਤਰਾਲੇ ਦੇ ਸੀਨੀਅਰ ਅਧਿਕਾਰੀ ਮੌਜੂਦ ਸਨ।
ਹੇਠ ਲਿਖੀਆਂ ਸੰਸਥਾਵਾਂ ਅਤੇ ਕੰਪਨੀਆਂ ਨੂੰ 'ਆਯੁਸ਼ ਕੁਆਲਿਟੀ ਮਾਰਕ' ਸਰਟੀਫਿਕੇਟ ਪ੍ਰਦਾਨ ਕੀਤੇ ਗਏ:
-
ਸਤਕਾਰ ਸੰਜੀਵਨੀ - ਆਯੁਸ਼ ਹਸਪਤਾਲ
-
ਸ੍ਰੀ ਸ੍ਰੀ ਵੈੱਲਬੀਂਗ - ਆਯੁਸ਼ ਹਸਪਤਾਲ
-
ਐੱਸਐੱਨਏ ਆਯੁਰਵੇਦਿਕ ਨਰਸਿੰਗ ਹੋਮ - ਆਯੁਸ਼ ਹਸਪਤਾਲ
-
ਨੈਸ਼ਨਲ ਆਯੁਰਵੇਦ ਕਾਲਜ, ਹਿਸਾਰ - ਆਯੁਸ਼ ਹਸਪਤਾਲ
-
ਅਪੋਲੋ ਆਯੁਰਵੇਦ ਹਸਪਤਾਲ - ਹਸਪਤਾਲ (2 ਯੂਨਿਟ)
-
ਐੱਡਵਨ ਬਾਇਓਟੈੱਕ ਪ੍ਰਾਈਵੇਟ ਲਿਮਿਟੇਡ - ਔਸ਼ਧੀ ਉਤਪਾਦ
-
ਮਹਾਰਿਸ਼ੀ ਆਯੁਰਵੇਦ ਲਿਮਿਟੇਡ - ਔਸ਼ਧੀ ਉਤਪਾਦ
***************
ਐੱਸਆਰ/ਏਕੇ/ਐੱਸਜੀ /ਏਕੇ