প্রধানমন্ত্রীগী লোইশঙ
azadi ka amrit mahotsav

প্রধান মন্ত্রীনা মনিলাদা পাঙথোকপা অসীয়ন সম্মিতকী সাইদলাইন্সতা কিংদম ওফ থাইলেন্দগী প্রাইম মিনিস্তরগা উনখ্রে

থাগৎখিবা: 17 NOV 2026 4:02PM by PIB Imphal

প্রধান মন্ত্রী শ্রী নরেন্দ্র মোদীনা নবেম্বর, ১৭, ২০২৬ তা মনিলাদা পাঙথোকপা ২৩শুবা ইন্দিয়া – অসীয়ন সম্মিত অমসুং ২১শুবা ইস্ত এসিয়া সম্মিতকী সাইদলাইন্সতা কিংদম ওফ থাইলেন্দগী প্রাইম মিনিস্তর ঐচ.ই. মিস্তর অনুতিন চার্নভিরাকুলগা উনখ্রে।

মীফম অসিনা এপ্রিল ২০২৫ দা প্রধান মন্ত্রী শ্রী নরেন্দ্র মোদীনা থাইলেন্দদা চৎখিবা খোঙচৎ মতমদা স্ত্রেতেজিক পার্তনরশিপ্তা থাক ৱাংখৎহনখিবা নাকল অনিগী মরীদা লৈরিবা খুমাং চাওশিনবা অদু অমুক হন্না য়েংশিন্নবগী খুদোংচাবা পীখি। লুচিংবা অনিনা ললোন-ইতিক অমসুং শেল থাদবা, ঙাক-শেল অমসুং সেক্যুরিতী, কন্নেক্তিবিতী, দিজিতেল তেক্নোলোজী অমসুং ফিনতেক, নাৎ, তুরিজম অমসুং মীয়ামগী মরক্তা লৈনবা মরীশিং য়াওনা মরু ওইবা সেক্তর কয়াদা মতেং পীনবা হেন্না চেৎশিলহন্নবা পাম্বৈশিংগী মতাঙদা খন্নখি। মখোয়না বিম্সতেক, আই.ও.আর.এ., মেকোং গঙ্গা কোওপরেসন, অমসুং অসীয়ন্না লুচিংবা ফোরমগুম্বা লমদম অসিগী ফোরমশিংদা নকশিন্ননা পুন্না থবক তৌমিন্নবগী মরুওইবা অদুবুসু পনখি। লুচিংবা অনিমক্না নাকল অনিমক্কী ওইনা মরু ওইবা তোঙান-তোঙানবা লমদম অসোমগী অমসুং মালেমগী ৱাফমশিংগী মতাঙদা ৱাখল্লোন ফোঙদোক্নখি অমসুং মখোয়গী পার্তনরশিপ অসিবু হেন্না মপাঙ্গল কনখৎহন্নবা মখোয়গী ফিরেপ অদু অমুক হন্না চেৎশিলহনখি।

ভারত অমসুং থাইলেন্দনা মখোয়গী মান্নবা সিভিলাইজেসনগী অমসুং নাৎকী লন-থুম, মীয়ামগী মরক্তা লৈনবা মরী অমসুং অমনা অমবু থাজনবদা য়ুম্ফম ওইবা মতম্না মৈ ইক্লবা মরূপ-মপাং ওইবগী মরী অমা থমদুনা লাক্লি। থাইলেন্দ অসি ভারতকী এক্ত ইস্ত পোলিসী অমসুং অসীয়নগা লোয়ননা ঐখোয়না থম্লিবা কম্প্রিহেন্সিব স্ত্রেতেজিক পার্তনরশিপকী মখাদা মরু ওইবা পার্তনর অমনি।

***


(রিলিজ আই.দি.: 2337724) ভিজিতর কাউন্তর : 8