இந்தியத் திரைப்பட வளர்ச்சிக்கும் சர்வதேசத் திரைப்படத் துறையுடனான தொடர்புக்கும் முக்கியப் பங்காற்றி வரும் ‘வேவ்ஸ் திரைப்படச் சந்தை’ (WAVES Film Bazaar), தனது 20-வது ஆண்டு விழாவை நவம்பர் 20 முதல் 24 வரை கோவாவில் உள்ள தாஜ் சிடாட் டி கோவா ஹொரைசன் விடுதியில் நடத்துகிறது. இது 57-வது சர்வதேச இந்தியத் திரைப்பட விழாவுடன் இணைந்து நடைபெறுகிறது.
இந்நிகழ்வில் கூட்டுத் தயாரிப்புச் சந்தை, திரைக்கதை எழுத்தாளர்களின் சந்திப்பு, தயாரிப்புப் பணியில் உள்ள திரைப்படங்களுக்கான பயிற்சிகள் ஆகியவை இடம்பெறுகின்றன. திரைப்படங்களைச் சந்தைப்படுத்துதல், விநியோகஸ்தர்களுடன் தொடர்பு ஏற்படுத்துதல், நிதி உதவி பெறுதல் ஆகியவற்றுக்கும் வாய்ப்புகள் வழங்கப்படுகின்றன.
திரைப்படத் துறையின் முன்னணி நிபுணர்கள் பங்கேற்கும் அறிவுப் பகிர்வு நிகழ்ச்சிகள், சர்வதேசத் திரைப்பட ஒத்துழைப்புகள், புதிய தொழில்நுட்பக் கண்காட்சிகள் ஆகியவையும் நடைபெற உள்ளன.
2007-ஆம் ஆண்டு தேசியத் திரைப்பட வளர்ச்சிக் கழகத்தால் (NFDC) திரைப்படச் சந்தை (Film Bazaar) என்ற பெயரில் தொடங்கப்பட்ட இந்நிகழ்வு தற்போது வேவ்ஸ் திரைப்படச் சந்தை (Waves Film Bazaar) என மாற்றப்பட்டுள்ளது. இது தெற்காசியத் திரைப்படங்களை உலகச் சந்தையுடன் இணைக்கும் முக்கியத் தளமாக வளர்ந்துள்ளது.
இதன் மூலம் உருவான குறிப்பிடத்தக்க திரைப்படங்களில் ‘தி லஞ்ச்பாக்ஸ்’, ‘கோர்ட்’, ‘நியூட்டன்’, ‘மன்டோ’, ‘கேர்ள்ஸ் வில் பி கேர்ள்ஸ்’, ‘காக்டஸ் பியர்ஸ்’ ஆகியவை அடங்கும்.
மேலும், 21 பிராந்திய மொழிகளில் உருவான 300-க்கும் மேற்பட்ட திரைப்படங்களுக்கு தேசியத் திரைப்பட வளர்ச்சிக் கழகம் நிதியுதவி வழங்கியுள்ளது.
இருபது ஆண்டுகளைக் கடக்கும் இந்நிகழ்வு, இந்தியத் திரைப்படங்களுக்குச் சர்வதேச அளவில் புதிய வாய்ப்புகளை உருவாக்குவதோடு, இளம் திரைப்படக் கலைஞர்களின் திறமையை வளர்த்து, உலகத் திரைப்படத் துறையில் இந்தியாவின் பங்களிப்பை வலுப்படுத்துவதை நோக்கமாகக் கொண்டுள்ளது.
மேலும் விவரங்களுக்கு இந்த ஆங்கிலச் செய்திக் குறிப்பைக் காணவும்: https://www.pib.gov.in/PressReleaseDetail.aspx?PRID=2336493®=3&lang=1
****
SK/PLM/RJ