ಸಿನಿಮೀಯ ವಿನಿಮಯ, ಸಹಯೋಗ ಮತ್ತು ವ್ಯಾಪಾರ ಅವಕಾಶಗಳಿಗಾಗಿ ಪ್ರದೇಶದ ಅತ್ಯಂತ ಮಹತ್ವದ ವೇದಿಕೆಗಳಲ್ಲಿ ಒಂದಾದ ವೇವ್ಸ್ ಫಿಲ್ಮ್ ಬಜಾರ್, ತನ್ನ 20ನೇ ಆವೃತ್ತಿಯನ್ನು 2026 ರ ನವೆಂಬರ್ 20 ರಿಂದ 24 ರವರೆಗೆ ಗೋವಾದ ತಾಜ್ ಸಿಡೇಡ್ ಡಿ ಗೋವಾ ಹೊರೈಜನ್ ನಲ್ಲಿ 57ನೇ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ (ಐಎಫ್ಎಫ್ಐ) ಜತೆಗೆ ಆಚರಿಸಲಿದೆ.
ವೇವ್ಸ್ ಫಿಲ್ಮ್ ಬಜಾರ್ ಅಡಿಯಲ್ಲಿ ಪ್ರಮುಖ ಉಪಕ್ರಮಗಳಲ್ಲಿ ಸಹ-ನಿರ್ಮಾಣ ಮಾರುಕಟ್ಟೆ ಸೇರಿದೆ. ಇದು ಆಯ್ದ ಚಲನಚಿತ್ರಗಳು ಮತ್ತು ಸಾಕ್ಷ್ಯಚಿತ್ರಗಳನ್ನು ಅಂತಾರಾಷ್ಟ್ರೀಯ ನಿರ್ಮಾಪಕರು ಮತ್ತು ಹಣಕಾಸು ಸಂಸ್ಥೆಗಳೊಂದಿಗೆ ಸಂಪರ್ಕಿಸುತ್ತದೆ; ಉದಯೋನ್ಮುಖ ಬರವಣಿಗೆಯ ಪ್ರತಿಭೆಯನ್ನು ಪೋಷಿಸುವ ಎನ್ಎಫ್ ಡಿಸಿ ಸ್ಕ್ರೀನ್ ರೈಟರ್ಸ್ ಲ್ಯಾಬ್; ಮತ್ತು ವರ್ಕ್-ಇನ್-ಪ್ರೋಗ್ರೆಸ್ ಲ್ಯಾಬ್ ಇವು ಚಲನಚಿತ್ರ ನಿರ್ಮಾಪಕರು ತಮ್ಮ ಯೋಜನೆಗಳನ್ನು ಪರಿಷ್ಕರಿಸುವ ತಜ್ಞರ ಪ್ರತಿಕ್ರಿಯೆಯನ್ನು ಒದಗಿಸುತ್ತದೆ. ವೀಕ್ಷಣಾ ಕೊಠಡಿ, ಮಾರುಕಟ್ಟೆ ಸ್ಕ್ರೀನಿಂಗ್ ಮತ್ತು ನಿರ್ಮಾಪಕರ ಪ್ರಯೋಗಾಲಯವು ಉದ್ಯಮ ನೆಟ್ ವರ್ಕಿಂಗ್, ಪ್ರಾಜೆಕ್ಟ್ ಅಭಿವೃದ್ಧಿ ಮತ್ತು ಸಂಭಾವ್ಯ ಖರೀದಿದಾರರು ಮತ್ತು ವಿತರಕರೊಂದಿಗೆ ಸಂಪರ್ಕ ಸಾಧಿಸುವ ಅವಕಾಶಗಳನ್ನು ಮತ್ತಷ್ಟು ಸುಗಮಗೊಳಿಸುತ್ತದೆ.
ಜ್ಞಾನ ಸರಣಿಯು ಉದಯೋನ್ಮುಖ ಪ್ರವೃತ್ತಿಗಳು, ವಿತರಣೆ, ವ್ಯವಹಾರ ಮಾದರಿಗಳು ಮತ್ತು ಅಂತಾರಾಷ್ಟ್ರೀಯ ಸಹಯೋಗಗಳನ್ನು ಚರ್ಚಿಸಲು ಉದ್ಯಮದ ನಾಯಕರನ್ನು ಒಟ್ಟುಗೂಡಿಸುತ್ತದೆ. ದೇಶ ಮತ್ತು ರಾಜ್ಯ ಪೆವಿಲಿಯನ್ ಗಳು, ತಂತ್ರಜ್ಞಾನ ಪ್ರದರ್ಶನಗಳು ಮತ್ತು ಮಾರುಕಟ್ಟೆ ಮಳಿಗೆಗಳು ಗಡಿಯಾಚೆಗಿನ ಪಾಲುದಾರಿಕೆಯನ್ನು ಮತ್ತಷ್ಟು ಉತ್ತೇಜಿಸುತ್ತವೆ ಮತ್ತು ಜಾಗತಿಕ ಆಡಿಯೊವಿಶುವಲ್ ಉದ್ಯಮದಾದ್ಯಂತ ಅವಕಾಶಗಳನ್ನು ಪ್ರದರ್ಶಿಸುತ್ತವೆ.
ದಕ್ಷಿಣ ಏಷ್ಯಾದ ಕಥೆ ಹೇಳುವಿಕೆಯನ್ನು ಪೋಷಿಸಲು 2007ರಲ್ಲಿ ರಾಷ್ಟ್ರೀಯ ಚಲನಚಿತ್ರ ಅಭಿವೃದ್ಧಿ ನಿಗಮ (ಎನ್ಎಫ್ ಡಿಸಿ) ಪ್ರಾರಂಭಿಸಿದ ಫಿಲ್ಮ್ ಬಜಾರ್ ಚಲನಚಿತ್ರ ನಿರ್ಮಾಪಕರು, ನಿರ್ಮಾಪಕರು, ಹಣಕಾಸು ಸಂಸ್ಥೆಗಳು, ವಿತರಕರು, ಮಾರಾಟ ಏಜೆಂಟರು ಮತ್ತು ಉತ್ಸವ ಪ್ರೋಗ್ರಾಮರ್ಗಳನ್ನು ಸಂಪರ್ಕಿಸುವ ಪ್ರಮುಖ ಅಂತಾರಾಷ್ಟ್ರೀಯ ವೇದಿಕೆಯಾಗಿ ವಿಕಸನಗೊಂಡಿದೆ. ಶಿಪ್ ಆಫ್ ಥೀಸಿಯಸ್ (2012), ಅನ್ಹೆ ಘೋಡೆ ಡಾ ಡಾನ್ (2011), ಮಿಸ್ ಲವ್ಲಿ (2012), ಕಿಸ್ಸಾ (2013), ದಿ ಲಂಚ್ ಬಾಕ್ಸ್ (2013), ಲೈಯರ್ಸ್ ಡೈಸ್ (2013), ಕೋರ್ಟ್ (2014), ಟಿಟ್ಲಿ (2014), ಮಾರ್ಗರಿಟಾ ವಿತ್ ಎ ಸ್ಟ್ರಾ (2014), ಚೌತಿ ಕೂಟ್ (2015), ದಮ್ ಲಗಾ ಕೆ ಹೈಶಾ (2015), ತಿಥಿ (2015), ನ್ಯೂಟನ್ (2017), ಮಾಂಟೊ (2018), ಫೈರ್ ಇನ್ ದಿ ಮೌಂಟೇನ್ಸ್ (2021), ಇನ್ ದಿ ಬೆಲ್ಲಿ ಆಫ್ ದಿ ಟೈಗರ್ (2024), ಗರ್ಲ್ಸ್ ವಿಲ್ ಬಿ ಗರ್ಲ್ಸ್ (2024), ಕ್ಯಾಕ್ಟಸ್ ಪಿಯರ್ಸ್ (2025), ಶೇಪ್ ಆಫ್ ಮೊಮೊ (2026) ಮತ್ತು ಲಿಟಲ್ ಥಾಮಸ್ (2026) ಸೇರಿದಂತೆ ಹಲವಾರು ಮೆಚ್ಚುಗೆ ಪಡೆದ ಚಲನಚಿತ್ರಗಳ ಪ್ರಯಾಣಕ್ಕೆ ಇದು ಕೊಡುಗೆ ನೀಡಿದೆ. ಎನ್ಎಫ್ ಡಿಸಿ 21 ಪ್ರಾದೇಶಿಕ ಭಾಷೆಗಳಲ್ಲಿ 300 ಕ್ಕೂ ಹೆಚ್ಚು ಚಲನಚಿತ್ರಗಳಿಗೆ ಆರ್ಥಿಕ ನೆರವು ನೀಡಿದೆ. ಅವುಗಳಲ್ಲಿ ಹಲವು ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ಮನ್ನಣೆಯನ್ನು ಪಡೆದಿವೆ.
ಈಗ ವಿಶಾಲವಾದ ವೇವ್ಸ್ ಫಿಲ್ಮ್ ಬಜಾರ್ ಬ್ಯಾನರ್ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಈ ವೇದಿಕೆಯು ದಕ್ಷಿಣ ಏಷ್ಯಾದ ಸಿನೆಮಾವನ್ನು ಅಂತಾರಾಷ್ಟ್ರೀಯ ಮಾರುಕಟ್ಟೆಗಳು ಮತ್ತು ಪ್ರೇಕ್ಷಕರೊಂದಿಗೆ ಸಂಪರ್ಕಿಸಲು ತನ್ನ ದೃಷ್ಟಿಯನ್ನು ವಿಸ್ತರಿಸಿದೆ. ಇದರ ಕಾರ್ಯಕ್ರಮಗಳು ಉದ್ಯಮ ಸಹಯೋಗ, ಮಾರ್ಗದರ್ಶನ, ಹಣಕಾಸು ಮತ್ತು ವಿತರಣಾ ಅವಕಾಶಗಳ ಮೂಲಕ ನಿರ್ಮಾಣದ ವಿವಿಧ ಹಂತಗಳಲ್ಲಿ ಚಲನಚಿತ್ರ ನಿರ್ಮಾಪಕರನ್ನು ಬೆಂಬಲಿಸುತ್ತವೆ.
ಎರಡು ದಶಕಗಳ ಪ್ರಯಾಣವನ್ನು ಗುರುತಿಸುವ ವೇವ್ಸ್ ಫಿಲ್ಮ್ ಬಜಾರ್ ನ 20ನೇ ಆವೃತ್ತಿಯು ಸೃಜನಶೀಲ ಪಾಲುದಾರಿಕೆಯನ್ನು ಬೆಳೆಸುವ ಮೂಲಕ, ಉದಯೋನ್ಮುಖ ಪ್ರತಿಭೆಗಳನ್ನು ಬೆಂಬಲಿಸುವ ಮೂಲಕ ಮತ್ತು ಅಂತಾರಾಷ್ಟ್ರೀಯ ವೇದಿಕೆಯಲ್ಲಿ ಭಾರತೀಯ ಚಿತ್ರರಂಗಕ್ಕೆ ಹೊಸ ಅವಕಾಶಗಳನ್ನು ಸೃಷ್ಟಿಸುವ ಮೂಲಕ ಜಾಗತಿಕ ಚಲನಚಿತ್ರ ಪರಿಸರ ವ್ಯವಸ್ಥೆಯಲ್ಲಿ ಭಾರತದ ಉಪಸ್ಥಿತಿಯನ್ನು ಬಲಪಡಿಸುವ ಗುರಿಯನ್ನು ಹೊಂದಿದೆ.
*****