থাগৎখিবা:
06 NOV 2026 12:33PM by PIB Imphal
ঙাকশেলগী রাজ্য মন্ত্রীনা এ.আই.এস.এস.এন.জি.-২০২৬কী লোইশিনবগী থৌরমদা নহা ওইরিবা কেদেৎশিংদা ইথিল পীগদবা ৱারোল থমগনি।
ওল ইন্দিয়া সৈনিক স্কুল্স নেস্নেল গেম্স (এ.আই.এস.এস.এন.জি.) -২০২৬কী মরিশুবা ইদিসন অসি ২০২৬কী নবেম্বর ৩দগী ৭ ফাওবা কর্নাতকাগী বিজয়াপুরাদা লৈবা সৈনিক স্কুল বিজাপুরদা চত্থরি। ঙাকশেল মন্ত্রালয়গী সৈনিক স্কুল্স সোসাইতীগী মীৎয়েং মখাদা পাংথোকপা নুমিৎ মঙানিগী নেস্নেল স্পোর্তস ইভেন্ত অসিদা লৈবাক শিনবা থুংবদগী কেদেৎশিংনা মখোয়গী স্পোর্তসকী হৈশিংবা, কম্পিতিতিব স্পিরিৎ অমসুং কমরাদরী উৎনবগীদমক অমত্তা ওইনা পুলহনগনি। থৌরম অসিদা অপুনবা মশিং ৫৪৪ শরুক য়াখি, মসিগী মনুংদা নুপা কেদেৎ ২৯৬ অমসুং নুপী কেদেৎ ২৪৮ য়াওরি, মখোয়না অরিবা সৈনিক স্কুল ৩০ অমসুং অনৌবা সাইনিক স্কুল ১৩গী মহুৎ শিন্দুনা শরুক য়াখি। তীমশিং অসিদা জোনগী কম্পিতিসনশিংদা শরুক য়াখিবা জোন নিপানদগী থোইরক্লবা ৱিনরশিং য়াওরি।
চেম্পিয়নশিপ অসিদা বাস্কেৎবোল (জুনিয়র বোইজ অমসুং গর্লস), ভোল্লিবোল (জুনিয়র বোইজ), ত্রেক এন্দ ফিল্দ ইভেন্তশিং সব-জুনিয়র অমসুং জুনিয়র কেতেগোরীশিংদা নুপামচা অমসুং নুপীমচা অনিমক্কী ওইনা দিবেৎ অমসুং ক্বিজ কম্পিতিসনশিং য়াওরি। ত্রেক ইভেন্তশিংগী মনুংদা মিতর ১০০, মিতর ২০০ অমসুং মিতর ৪০০গী স্প্রিন্ত, মিতর ১৫০০গী রেস অমসুং মিতর ৪x১০০গী রিলে য়াওরি। সব-জুনিয়র অমসুং জুনিয়র কাংলুপ অনিমক্তা নুপামচা অমসুং নুপীমচাশিংগীদমক লোং জম্প কম্পিতিসনশিং পাংথোকখি।
নুমিৎ মঙানিগী স্পোর্তিং এক্সত্রাভেগেঞ্জা অসি ২০২৬কী নবেম্বরগী তাং ৭তা লোইশিনবগী থৌরম পাংথোক্তুনা লোইশিনগনি। থৌরম অদুদা অথোইবা মীথুংলেন ওইনা ঙাকশেলগী রাজ্য মন্ত্রী শ্রী সঞ্জয় শেথনা শরুক য়াগনি। নেভেল স্তাফকী চীফ এদমিরেল কৃষ্ণ স্বামিনাথন অমসুং সৈনিক স্কুল বিজাপুরগী এলুমনস, শ্রী এম.বি. পাতিল, কর্নাতকাগী লার্জ এন্দ মেদিয়ম ইন্দস্ত্রীজ অমসুং ইনফ্রাস্ত্রকচর দিবেলপমেন্তকী মন্ত্রী, অতোপ্পা শক্নাইরবা মীওইশিং, মকোক থোংবা ওফিসিএলশিং অমসুং মশক নাইবা এলুমনিনা শরুক য়াগনি।
'আজিৎ হে অভীৎ হে' হায়বা মোতো অসিগা লোয়ননা, সৈনিক স্কুল বিজাপুরনা মগুন লৈবা মহৈ-মশিং তম্বদা অমসুং লৈবাক অসিগী তুংলমচৎকী লুচিংবশিং শেমগৎপদা মশক থোকপা চহি ৬৩ মপুং ফারে। ওল ইন্দিয়া সৈনিক স্কুল্স নেস্নেল গেম্স পাংথোক্তুনা, ইন্সতিত্যুসন অসিনা দিস্সিপ্লিন, কমরদরী, স্পোর্তসমেনশিপ অমসুং এক্সিলেন্স থৌগৎলিবা সৈনিক স্কুলশিংগী খ্বাইদগী ৱাংবা চৎনবী অমসুং ইথোস ঙাক্না চৎনবা হোৎনরি।
***