Ha ka:
04 NOV 2026 2:53PM by PIB Shillong
U Myntri Rangbah Duh ka Ri u Shri Narendra Modi un sa ïakynduh bad ka kynhun ba mihkhmat ïa ka India ha ka Asian Para Games 2026 ha ka por kumba 4:30 janmiet eiei ha ka 5 tarik u Naiwieng 2026 ha Indira Gandhi Sports Complex, New Delhi. Un sa ai jingkren ruh ha khmat jong kiba ïalum baroh ha kane ka sngi kaba kyrpang.
Ka India ka la ai ïa ka jingshimbynta kaba itynnat tam ha kane ka lympung ïalehkai jong ka Asian Para Games kaba la pynlong mynta u snem ha Aichi-Nagoya, Japan. Kumba 97 ngut baroh ki nongïalehkai sports khamtam kito kiba don jingduna ha ki dkhot met na India, ki la khur kumba 114 tylli ki takma kiba kynthup ïa 30 tylli ki takma ksiar, 35 tylli ki takma Rupa bad 49 tylli ki takma rnong.
Ha kane ka prokram, yn sa wan ban ïashimbynta da baroh ki nongïalehkai, ki nonghikai ki nongpyntbit jong ki, ki bor pynïaid na ka Paralympic Committee of India bad ka Indian Olympic Association, ki nongmihkhmat jong ka National Sports Federations, bad ki heh ophisar na ka tnat ba peit ïa ki samla bad ka kam Jingïalehkai kata ka Ministry of Youth Affairs and Sports.