ইকায় খুম্নজরবা কেন্দ্রগী মন্ত্রী শ্রী রাজিব রঞ্জন শিংহনা ২০২৬কি নবেম্বর ২–৩দা শিক্কীমগী গেংতোক অমসুং মঙ্গন জিলাশিংদা চৎকদৌরি

ইকায় খুম্নজরবা কেন্দ্রগী ফিসরিজ, এনিমেল হজবেন্দরি অমসুং দাইরিগী মন্ত্রী শ্রী রাজিব রঞ্জন সিংহ (এলিয়াজ ললন সিংহ)না ২০২৬কি নবেম্বর ২–৩ ফাওবা শিক্কীমগী গেংতোক অমসুং মঙ্গন জিলাশিংদা চৎকনি, খোঙচৎ অসিগী মনুংদা ইকায় খুম্নজরবা কেন্দ্রগী মন্ত্রীনা দাইরি চাউখৎনবা থৌরাংশিং য়েংশিনগনি অমসুং নেস্নেল প্রোগ্রাম ফোর দাইরিগী মখাদা শিক্কীম মিল্ক য়ুনিয়নগীদমক মায়ক্রোবাইওলোজি লেবোরেতরি অমা হৌদোক্কনি। দিবেলপমেন্ত (এন.পি.দি.দি.)। মহাক্না হোয়িৎ রিভোলুসন ২.০গী মখাদা অনৌবা দাইরি কোওপরেতিব সোসাইতি (দি.সি.এস.) ৫৭ লিংখৎনবা থৌরাংশিংসু হৌদোক্কনি অমসুং নৌনা রেজিস্তর তৌরবা দি.সি.এস.শিং মঙাদা রেজিস্ত্রেসন সরতিফিকেৎশিং য়েন্থোক্কনি। মসিগী মথক্তা, নোংপোক শিক্কীমদা অনৌবা দি.সি.এস,.১৫ শেম্বা হৌরগনি, মসিনা দাইরি ফারমর হেন্না কোওপরেতিব দাইরি নেতৱার্ককি শরুক অমা ওইহনবা ঙমহনগনি। গেংতোক অমসুং জোরেথাংদা শাবা চুর্পি চেঙগী ত্রেসিবিলিতি ইনিসিয়েতিব অমসু মায়খুম হাংদোক্লগনি।

ইকায় খুম্নজরবা কেন্দ্রগী মন্ত্রীনা ভারত সরকারগী এফ.পি.ও.গী স্কিম ১০,০০০গী মখাদা শিক্কীম মিল্ক য়ুনিয়নগীদমক ফোদর প্লশ ফার্মর প্রদ্যুসর ওর্গনাইজেসন (এফ.পি.ও.) অনিবু মখা তানা প্রমোত তৌগনি। মহাক্না অনৌবা পোত্থোকশিংসু ফোঙদোক্কনি, মসিদা ওর্গানিক শঙ্গোম, নাইজর শিদ-ব্লেন্দ পাওদর, অমসুং মিলেৎ অমসুং বক গেহুদগী শেম্বা ওর্গানিক বিসক্যুইৎ অমসুং মিথাইশিং য়াওরি, মসিনা পোত্থোক মখল কয়া থোকহনবা অমসুং ভেল্যু এদিসনগী মায়কৈদা মরুওইবা খোঙথাং অমা ওইরগনি।

খোঙচৎ অসিদা শিক্কীম সরকারগী মকোক থোঙবা ওফিসিএলশিং, মঙ্গন দিস্ত্রীক্তা এদ্মিনিস্ত্রেসন, দিপার্তমেন্ত ওফ এনিমেল হজবেন্দরি অমসুং দাইরিয়িং (দি.এ.ঐচ.দি.), ভারত সরকার, মরি লৈনবা লাইন মিনিস্ত্রীশিং, নেস্নেল দাইরি দিবেলপমেন্ত বোরদ (এন.দি.দি.বি.), দাইরি ফারমরশিং, দাইরি কোওপরেতিব সোসাইতিশিং অমসুং দাইরি ফার্মর প্রদ্যুসর ওর্গনাইজেসনশিংগী মিহুৎশিং শরুক য়াগনি।

শিক্কীমনা নোরথ ইশ্ঢ়ন রিজন (এন.ই.আর.)দা দাইরি দিবেলপমেন্তদা মরুওইবা থৌদাং লৌরি, মসিদা ২০২৪–২৫গী মনুংদা শঙ্গোম পুথোকপা অসি চাওরাক্না মেত্রিক তন লিশিং ৮৯.৩৫ ওইখি অমসুং মি অমগী ওইনা নোংমাদা চাওরাক্না গ্রাম ৩৫২গী শঙ্গোম ফংখি। রাজ্য অসিদা দাইরি সেক্তরগী চাওখত্‍‌পাদা মতেং পাংনবা দি.এ.ঐচ.দি.না ২০১৪দগী হৌনা রাস্ত্রীয়ম গোকুল মিসন (আর.জি.এম.)গী মখাদা লুপা লাখ ৭,০৯৩.৯৯ থাদোকখ্রে, মসিগী মথক্তা, মফম অসিগী শিরি শন-ঈরোয়শিংগী চাওখত্‍পা অমসুং কঞ্জরবেসনগী ওইনা লুপা লাখ ২,৭৬৩.৯২গী অখন্নবা প্রোজেক্ত অমা সেঙ্কসন তৌখ্রে।

শিক্কীমদা য়াক শেমগত্‍‌পা অমসুং কঞ্জরবেসন তৌনবগীদমক ২০২৩–২৪গী মনুংদা লুপা লাখ ১০০গী সেনফম অমা থাদোকখি। মসিগী মথক্তা, রাস্ত্রীয়ম গোকুল মিসনগী মখাদা হায় জেনেতিক মেরিৎ (ঐচ.জি.এম.) য়াক বুলশিং লৌনবগীদমক হৌজিক চত্থরিবা সেনবা চহি ২০২৬–২৭গী মনুংদা লুপা লাখ ১০০ থাদোকখ্রে।

নেস্নেল প্রোগ্রাম ফোর দাইরি দিবেলপমেন্ত (এন.পি.দি.দি.)গী মখাদা দি.এ.ঐচ.দি.না লুপা করোর ৫৯.৬০গী অপুনবা চাদিংগা লোয়ননা প্রোজেক্তা অনি সেঙ্কসন তৌখ্রে, মসিদা লুপা করোর ৫৪.৬১গী সেন্ত্রেল সেয়র য়াওরি। সেনফম অসিগী মনুংদা লুপা কোতি ৫৩.৫৯ রিলিজ তৌখ্রে, অদুগা লুপা কোতি ৫২.৬১ শিজিন্নখ্রে।

নেস্নেল লাইবস্তোক মিসন (এন.এল.এম.)গী মখাদা দি.এ.ঐচ.দি.না এফ.ৱাই ২০২০–২১ ফাওবা ঙসি ফাওবা চত্থরি।

নেস্নেল লাইবস্তোক মিশন (এন.এল.এম.)গী মখাদা দি.এ.ঐচ.দি.না লৌউ-শিংউগী পোত্থোক পুথোকপদা লুপা লাখ ১,৯১৪.৩৯, লাইবস্তোক ইন্সুরেন্সকিদমক্তা লুপা লাখ ৫৩০.৬২, অপিকপা রুমিনেন্ত অমসুং উচেকশিংগী ব্রীদ ফগৎহন্নবগীদমক লুপা লাখ ৪০৮.৬৪, অমাশুং শেনবা চহী ২০২০-২১দগী ত্রেনিং অমসুং এক্সতেন্সনগী থবক থৌরমশিংদা লুপা লাখ ৩৫৯.৮০গী শেলগী মতেং পিখ্রে।

ইকায় খুম্নজরবা কেন্দ্র মন্ত্রীগী খোঙচৎ অসিনা শিক্কীমগী থৌদাং অমসুং দাইরি অমসুং এনিমেল হজবেন্দরি সেক্তরদা মসিগী মরুওইবা অদু ভারত সরকারনা শকখঙবা অদু ফোঙদোক্লি। পায়খৎলিবা ইনফ্রাস্ত্রকচর অমসুং ইনিসিয়েতিবশিং অসিনা লৌমিশিং অমসুং শা-শন লোয়বশিংগী পুন্সি মহিং মপাঙ্গল কনখৎহনগনি, ভেল্যু এদিসন প্রমোত তৌগনি, শপ্লাই-চেন ইনফ্রাস্ত্রকচর ফগৎহনগনি অমসুং শেন্থোক লমবিগী অনৌবা খুদোংচাবশিং শেমগৎকনি হায়না থাজরি। থৌরাংশিং অসিনা প্রিমিয়ম অমসুং ইন্তর্নেস্নেল মার্কেৎশিং য়াওনা মফম অসিদা পুথোকপা পোত্‍‌লমশিংগী হেন্না ফবা কৈথেলদা য়ৌহনবদসু মতেং পাংগনি, মদুনা রাজ্য অসিগী দাইরি অমসুং লাইবস্তোক সেক্তরশিংদা তুং কোয়না চাওখত্‍পা পুরকপদা মতেং পাংগনি।

***