পি.এম.না নবেম্বর ২দা ভারত রিন্যুএবল ইনর্জি সমিৎ & এক্সপো ২০২৬ হৌদোক্লগনি

প্রধান মন্ত্রী শ্রী নরেন্দ্র মোদীনা নবেম্বর ২দা নুংথিল পূং ৪:৩০দা ন্যু দিল্লীগী ভারত মন্দপমদা ভারত রিন্যুএবল ইনর্জি সমিৎ & এক্সপো ২০২৬ হৌদোক্লগনি। মহাক্না থৌরম অসিদাা মীফম অদুদা ৱা ঙাংগনি।

নুমিৎ মরিনিগী সমিৎ অসি ২০২৬কি নবেম্বর ২দগী ৫ ফাওবা পাঙথোক্কনি, সমিৎ অসিগী থিমদি ‘ইনভেস্তমেন্ত। ইনোভেৎ তৌবা। ইথিল পিবা'

ভারত আর.ই.২০২৬না পোলিশি মেকরশিং, ইনভেস্তরশিং, ফাইনান্সিএল ইনসতািৎয়ুসনশিং অমসুং ইন্দস্ত্রীগী লুচিঙবশিংগা লোয়ননা মন্ত্রী ৪০ হেন্না য়াওনা লৈবাক ১৩০ হেনবগী শরুক য়ারিবশিং পুক্নিং চিংশিনগনি। মসিনা ক্লিন ইনর্জি ইনভেস্তমেন্ত, ইন্দস্ত্রী এঙ্গেজমেন্ত অমসুং তেক্নোলোজি পার্ত্নরশিপকি মালেমগী ওয়বাা প্লেৎফোর্ম অমা ওইনা থবক তৌগনি। ওস্ত্রেলিয়া, দেনমার্ক, য়ুরোপিয়ন য়ুনিয়ন, ফ্রাঞ্চ, জর্মনী, নিদরলেন্দ, নোর্ৱে, স্বিদেন অমসুং য়ুনাইতেদ কিংদম্না কন্ত্রী পার্ত্নরর ওইনা শরুক য়াগনি।

রাজ্য অমসুং য়ুনিয়ন তেরিতোরি তরানিপাল – অন্ধ্র প্রদেশ, অসাম, বিহার, সত্তিছগর, দিল্লী, গুজরাত, কর্নাতকা, মধ্য প্রদেশ, মহারাস্ত্র, ওরিশা, রাজস্থান, উত্তর প্রদেশ অমসুং ৱেস্ত বেঙ্গল – মখোয়গী রিন্যুএবল ইনর্জিগী পোতেন্সিয়েল, ইনভেস্তমেন্তকি খুদোংচাবশিং অমসুং মেন্যুফেকচরিং তৌবা ঙম্বশিং উৎকনি।

সমিৎ অসি ইন্তর্নেস্নেল সোলর এলাইয়েন্স (আই.এস.এ.) এসেমব্লিগী ৯শুবা সেসন অমসুং ৪শুবা ইন্তর্নেস্নেল কনফরেন্স ওন গ্রী হায়দ্রোজেন (আই.সি.জি.ঐচ.)গা লোয়ননা পাঙথোক্কনি। ভারত আর.ই.না ক্লিন ইনর্জি সেক্তার পুম্বদা ইনভেস্তমেন্ত, ইন্দস্ত্রী অমসুং তেক্নোলোজি পার্ত্নররশিপতা মিত্‍‌য়েং থম্লবশু আই.এস.এ.গী এসেম্বলিনা ফাইনান্স অমসুং ইন্সতিত্যুস্নেল কেপাসিতি য়াওনা সোলর ইনর্জিদা ইন্তর্নেস্নেল কোওপরেসন অসি মাংলোমদা পুখৎকনি। আই.সি.জি.ঐচ.না গ্রী হাইদ্রোজেন তেক্নোলোজিশিং, ইনভেস্তমেন্ত অমসুং স্কেল-অপতা মিত্‍‌য়েং থমগনি। প্লেৎফোরম অহুম অসিনা পুন্না ইন্তর্নেস্নেল কোওপরেসন মপাঙ্গল কনখৎহনগনি অমসুং ক্লিন ইনর্জি দিপ্লোয়মেন্ত খোঙজেল য়াংহনগনি।

ভারতকি ফ্লেগশিপ রিন্যুএবল ইনর্জি ইনভেস্তমেন্ত সমিৎ ওইরিবা রি-ইনভেস্তকি লিগেসিদা য়ুম্ফম ওইদুনা ভারত আর.ই. সমিৎ অসিদা শেল থাদবা, পার্ত্নররশিপ অমসুং প্রোজেক্ত দিবেলপমেন্ত প্রমোত তৌনবা বিজিনেশ-তু-বিজিনেশ, বিজিনেশ-তু-গবরনমেন্ত অমসুং গবরনমেন্ত-তু-গবরনমেন্ত এঙ্গেজমেন্তশিংগা লোয়ননা প্লেনরি সেসনশিং, মিনিস্ত্রীশিংগী খন্ন-নৈনবা, সি.ই.ও.গী রাওন্দতেবলশিং অমসুং লৈবাক অমসুং রাজ্যগী সেসনশিংসু পাঙথোক্কনি। এক্সপো অসিদা সোলর অমসুং ৱিন্দ পাৱরগ্রী হায়দ্রোজেন, ইনর্জি স্তোরেজ অমসুং অতৈ থোরক্লিবা লমশিংদা অহোঙবা তেক্নোলোজিশিং, ভারতকি মেন্যুফেকচরিং কেপেবিলিতিশিং অমসুং ক্লিন ইনর্জি সোলুসনশিং উৎপা একজিবিতর ৪০০ হেন্না য়াওগনি।

***