हरियाणा राज्याच्या स्थापना दिनानिमित्त पंतप्रधानांनी जनतेला दिल्या शुभेच्छा

हरियाणा राज्याच्या स्थापना दिनानिमित्त पंतप्रधान नरेंद्र मोदी यांनी राज्यातील जनतेला शुभेच्छा दिल्या आहेत.  अभिमानास्पद इतिहास, अदम्य साहस आणि समृद्ध सांस्कृतिक वारसा लाभलेले हरियाणा राज्य संपूर्ण देशासाठी अभिमानाचा स्रोत आहे, असे पंतप्रधान म्हणाले. इथल्या लोकपरंपरा आणि चैतन्यमय ग्रामीण संस्कृतीने भारताच्या सांस्कृतिक वारशाला नेहमीच समृद्ध केले आहे,असंही त्यांनी सांगितलं.

हरियाणातील जनतेने शेती, क्रीडा, संरक्षण सेवा, उद्योग, शिक्षण आणि स्टार्टअप्ससह विविध क्षेत्रांत कठोर परिश्रम आणि समर्पणाच्या माध्यमातून आपली प्रतिभा आणि दृढनिश्चय सिद्ध केला आहे. राज्यातील खेळाडू तिरंग्याचा मान उंचावत आहेत, तर इथले शेतकरी देशाची अन्नसुरक्षा अधिक बळकट करत आहेत, असे गोरवोद्गार त्यांनी काढले.

पंतप्रधानांनी एक्स या समाजमाध्यमावर लिहिले आहे की,

हरियाणा दिनानिमित्त राज्यातील माझ्या सर्व कुटुंबीयांना मनःपूर्वक अभिनंदन आणि हार्दिक शुभेच्छा!

आपले राज्य, गौरवशाली इतिहास, उल्लेखनीय शौर्य आणि समृद्ध संस्कृतीने नटलेले असून, ते राष्ट्राचा अभिमान आहे. येथील लोकपरंपरा आणि चैतन्यमय ग्रामीण संस्कृतीने राष्ट्राचा सांस्कृतिक वारसा नेहमीच समृद्ध केला आहे.

आपल्या कठोर परिश्रमातून आणि समर्पणातून, हरियाणाच्या लोकांनी कृषी, क्रीडा, संरक्षण सेवा, उद्योग, शिक्षण आणि स्टार्टअप्स यांसारख्या विविध क्षेत्रांमध्ये आपली प्रतिभा आणि दृढनिश्चय सिद्ध केला आहे. इथले खेळाडू तिरंग्याचा सन्मान वाढवत असताना, दुसरीकडे शेतकरी राष्ट्राची अन्नसुरक्षा मजबूत करत आहेत.

हा विशेष दिन येथील प्रत्येकाच्या जीवनात आनंद देवो, अशा शुभेच्छा !

हरियाणा दिवस की राज्य के मेरे सभी परिवारजनों को बहुत-बहुत बधाई और शुभकामनाएं! गौरवशाली इतिहास, अद्भुत पराक्रम और समृद्ध संस्कृति से सुसज्जित हमारा यह प्रदेश देश की शान है। यहां की लोक परंपराओं और जीवंत ग्रामीण संस्कृति ने राष्ट्र की सांस्कृतिक धरोहर को हमेशा समृद्ध किया है। हरियाणा के लोगों ने अपने परिश्रम और समर्पण से कृषि, खेल और रक्षा सेवाओं से लेकर उद्योग, शिक्षा और स्टार्टअप तक अपनी प्रतिभा और संकल्प का लोहा मनवाया है। यहां के खिलाड़ी तिरंगे का मान बढ़ा रहे हैं, तो अन्नदाता देश की खाद्य सुरक्षा को मजबूती दे रहे हैं। मैं कामना करता हूं कि यह विशेष अवसर यहां के सभी लोगों के जीवन में खुशहाली लेकर आए।

— Narendra Modi (@narendramodi) November 1, 2026

***

राधिका अघोर/राजेश शिरभाते/परशुराम कोर

*** 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai