પ્રધાનમંત્રીએ હરિયાણાના સ્થાપના દિવસ પર રાજ્યના લોકોને અભિનંદન પાઠવ્યા

પ્રધાનમંત્રી શ્રી નરેન્દ્ર મોદીએ હરિયાણાના સ્થાપના દિવસ નિમિત્તે રાજ્યના લોકોને શુભેચ્છા પાઠવી છે. શ્રી મોદીએ જણાવ્યું હતું કે, ગૌરવશાળી ઇતિહાસ, અદભૂત શૌર્ય અને સમૃદ્ધ સાંસ્કૃતિક વારસાથી સુશોભિત હરિયાણા રાજ્ય દેશ માટે ગર્વનો વિષય છે. તેની લોક પરંપરાઓ અને જીવંત ગ્રામીણ સંસ્કૃતિએ ભારતની સાંસ્કૃતિક વિરાસતને સતત સમૃદ્ધ બનાવી છે.

શ્રી મોદીએ કહ્યું, "હરિયાણાના લોકોએ કૃષિ, રમતગમત, સંરક્ષણ સેવાઓ, ઉદ્યોગ, શિક્ષણ અને સ્ટાર્ટઅપ્સ જેવા વિવિધ ક્ષેત્રોમાં કઠિન પરિશ્રમ અને સમર્પણ દ્વારા પોતાની પ્રતિભા અને દ્રઢ નિશ્ચયનું પ્રદર્શન કર્યું છે. રાજ્યના ખેલાડીઓ ત્રિરંગાનું સન્માન વધારી રહ્યા છે, જ્યારે અહીંના ખેડૂતો દેશની ખાદ્ય સુરક્ષાને મજબૂત બનાવી રહ્યા છે."

પ્રધાનમંત્રીએ 'X' પર પોસ્ટ કર્યું:

હરિયાણા દિવસ નિમિત્તે રાજ્યના મારા તમામ સાથી નાગરિકોને હાર્દિક અભિનંદન અને શુભકામનાઓ!

ગૌરવશાળી ઇતિહાસ, અદ્ભુત શૌર્ય અને સમૃદ્ધ સંસ્કૃતિ ધરાવતું આપણું રાજ્ય રાષ્ટ્ર માટે ગર્વનો વિષય છે. અહીંની લોકપરંપરાઓ અને જીવંત ગ્રામીણ સંસ્કૃતિએ હંમેશાં રાષ્ટ્રના સાંસ્કૃતિક વારસાને સમૃદ્ધ બનાવ્યો છે.

હરિયાણાના લોકોએ પોતાની સખત મહેનત અને સમર્પણ દ્વારા કૃષિ, રમતગમત અને સંરક્ષણ સેવાઓથી લઈને ઉદ્યોગ, શિક્ષણ અને સ્ટાર્ટઅપ્સ જેવા વિવિધ ક્ષેત્રોમાં પોતાની ક્ષમતા અને દ્રઢ સંકલ્પશક્તિ સાબિત કરી છે. જ્યાં આપણા ખેલાડીઓ ત્રિરંગાનું ગૌરવ વધારે છે, ત્યાં આપણા ખેડૂતો—જે અન્નદાતા છે—તેઓ રાષ્ટ્રની ખાદ્ય સુરક્ષાને મજબૂત બનાવે છે.

હું આશા રાખું છું કે આ વિશેષ અવસર અહીંના તમામ લોકોના જીવનમાં સમૃદ્ધિ લઈને આવે.

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com