U myntri rangbahduh ka ri ula ai khublei ïa ki stad saian bad ïa ki barikor jong ka ISRO halor ka jingseisoh jong ka jingpynher ïa u GSLV-F18 uba kit ïa u NVS-03

U myntri rangbahduh ka ri, u Narendra Modi ula ai khublei ïa ki stad saian bad ïa ki barikor ha ISRO halor ka jingseisoh jong ka jingpynher ïa u GSLV-F18 uba kit ïa u NVS-03.

U myntri rangbahduh ka ri ula ong ba kane ka jingïaid lynti ka long kaba kongsan bha na ka bynta ban pynkhlaiñ shuh shuh ïa ka NavlC, kaba dei kaba khmih ïa ki satellite jong ka India. Ryngkat bad ki tiar ki tar kiba la pynbiang, ka NVS-03 kan pynkhlaiñ shuh shuh ïa ka India ba kan lah ban shañiah tylli ha lade ha kaba ïadei bad ki jingstad teknoloji kiba kham kongsan bad pynkhlaiñ shuh shuh ïa ka rukom pynïaid na ka bynta ka jingmyntoi jong ki nongshong shnong.

U myntri rangbahduh ka ri ula ai ka jingïaroh ïa ka jinglenlade bad ïa ka jingstad jingshemphang jong ki stad haw haw jong ka India, da kaba ong ruh ba ka jingïaibteng jong ki ban ïoh ïa ka jingjop ki wanrah ka jingsngewsarong ïa ka ri.

Ha u kyrwoh lyngba ki rynsan social media X :

U Modi ula ai khublei ïa ki stad saian bad barikor jong ngi ha ISRO halor ka jingseisoh jong ka jingpynher ïa u GSLV-F18 uba kit ïa u NVS-03.

Kane ka jingïaid lynti ka long kaba kongsan bha na ka bynta ban pynkhlaiñ shuh shuh ïa ka NavlC, kaba dei kaba khmih ïa ki satellite jong ka India. Ryngkat bad ki tiar ki tar kiba la pynbiang, ka NVS-03 kan pynkhlaiñ shuh shuh ïa ka India ba kan lah ban shañiah tylli ha lade ha kaba ïadei bad ki jingstad teknoloji kiba kham kongsan bad kyrshan ïa ka rukom pynïaid na ka bynta ka jingmyntoi jong ki paidbah jong ngi.

Ka jinglenlade bad ka jingstad jingshemphang jong ki stad haw haw jong ngi ka ïaibteng ban pynlong ïa ka ri jong ngi kaba dap da ka jingsngew sarong.

Congratulations to our scientists and engineers at ISRO on the successful launch of GSLV-F18 carrying NVS-03. This mission marks an important step in strengthening NavIC, our indigenous satellite navigation system. Equipped with enhanced capabilities, NVS-03 will further our pursuit of self-reliance in critical technologies and support navigation services that benefit our people. The dedication and ingenuity of our space scientists continue to make our nation proud. @isro

— Narendra Modi (@narendramodi) October 31, 2026

******