پوسٹ کرنے کی تاریخ:
31 OCT 2026 10:47AM by PIB Delhi
وزیر اعظم جناب نریندر مودی نے این وی ایس-03 سیٹلائٹ کو لے جانے والے جی ایس ایل وی-ایف 18 کی کامیاب لانچنگ پر اسرو کے سائنس دانوں اور انجینئروں کو مبارک باد دی ہے۔
وزیر اعظم نے کہا کہ یہ مشن ہندوستان کے اپنے سیٹلائٹ نیویگیشن نظام ’نیوک‘ کو مضبوط بنانے کی سمت ایک اہم قدم ہے۔ جدید اور بہتر صلاحیتوں سے لیس این وی ایس-03 اہم ٹیکنالوجیز میں خود انحصاری کے ہندوستان کے عزم کو مزید آگے بڑھائے گا اور شہریوں کے فائدے کے لیے سمت دکھانے کی خدمات کو مستحکم کرے گا۔
جناب مودی نے ہندوستان کے خلائی سائنس دانوں کی لگن اور جدت طرازی کو سراہتے ہوئے کہا کہ ان کی مسلسل کامیابیاں ملک کے لیے باعثِ فخر ہیں۔
جناب مودی نے سوشل میڈیا پلیٹ فارم ایکس پر ایک پیغام میں لکھا:
’’این وی ایس-03 کو لے جانے والے جی ایس ایل وی-ایف 18 کی کامیاب لانچنگ پر اسرو کے ہمارے سائنس دانوں اور انجینئروں کو مبارک باد۔
یہ مشن ہمارے اپنے سیٹلائٹ نیویگیشن نظام ’نیوک‘ کو مضبوط بنانے کی سمت ایک اہم قدم ہے۔ جدید اور بہتر صلاحیتوں سے لیس این وی ایس-03 اہم ٹیکنالوجیز میں خود انحصاری کے ہمارے عزم کو مزید آگے بڑھائے گا اور ہمارے عوام کے فائدے کے لیے نیویگیشن خدمات کی فراہمی میں معاون ثابت ہوگا۔
ہمارے خلائی سائنس دانوں کی لگن اور جدت طرازی مسلسل ملک کا سر فخر سے بلند کر رہی ہے۔‘‘
******
ش ح۔ ش ا ر۔ ول
Uno-6990