പോസ്റ്റഡ് ഓണ്‍:
31 OCT 2026 9:55AM by PIB Thiruvananthpuram
2026-ലെ ‘കേന്ദ്ര ആഭ്യന്തര മന്ത്രി ദക്ഷതാ പതക്’ വിവിധ സംസ്ഥാനങ്ങൾ/കേന്ദ്രഭരണ പ്രദേശങ്ങൾ /കേന്ദ്ര സായുധ പോലീസ് സേനകൾ (CAPFs)/കേന്ദ്ര പോലീസ് സംഘടനകൾ (CPOs) എന്നിവിടങ്ങളിലെ 490 ഉദ്യോഗസ്ഥർക്ക് ലഭിച്ചു . മികച്ച പ്രവർത്തനങ്ങളെ അംഗീകരിക്കുക, തൊഴിൽപരമായി ഉയർന്നനിലവാരം പ്രോത്സാഹിപ്പിക്കുക, ബന്ധപ്പെട്ട ഉദ്യോഗസ്ഥരുടെ ആത്മവീര്യം വർധിപ്പിക്കുക എന്നിവയാണ് ഈ മെഡലിൻ്റെ ലക്ഷ്യം.
പ്രധാനമന്ത്രി ശ്രീ നരേന്ദ്ര മോദിയുടെ നേതൃത്വത്തിലും കേന്ദ്ര ആഭ്യന്തര, സഹകരണ മന്ത്രി ശ്രീ അമിത് ഷായുടെ മാർഗനിർദേശത്തിലും ആരംഭിച്ച ‘കേന്ദ്ര ആഭ്യന്തര മന്ത്രി ദക്ഷതാ പതക്’ എല്ലാ പോലീസ് ഉദ്യോഗസ്ഥരുടെയും ആത്മവീര്യം വർധിപ്പിക്കുന്നതിന് സഹായകമാകും.
കേന്ദ്ര ആഭ്യന്തര മന്ത്രാലയത്തിൻ്റെ 2024 ഫെബ്രുവരി 1-ലെ വിജ്ഞാപനത്തിലൂടെയാണ് ‘കേന്ദ്ര ആഭ്യന്തര മന്ത്രി ദക്ഷതാ പതക്’ ആരംഭിച്ചത് .
രാജ്യത്തെ സംസ്ഥാനങ്ങൾ/ കേന്ദ്രഭരണ പ്രദേശങ്ങൾ/കേന്ദ്ര പോലീസ് സംഘടനകൾ (CPOs)/കേന്ദ്ര സായുധ പോലീസ് സേനകൾ (CAPFs)/ദേശീയ സുരക്ഷാ സേന /അസം റൈഫിൾസ് എന്നിവിടങ്ങളിലെ പോലീസ് സേനാംഗങ്ങൾ, സുരക്ഷാ സംഘടനകളിലെ ഉദ്യോഗസ്ഥർ, ഇൻ്റലിജൻസ് വിഭാഗം,സ്പെഷ്യൽ ബ്രാഞ്ച് അംഗങ്ങൾ, ഫോറൻസിക് സയൻസ് (കേന്ദ്രം/സംസ്ഥാനം/കേന്ദ്രഭരണ പ്രദേശങ്ങൾ) മേഖലയിലുള്ളവർ എന്നിവർക്കാണ് ഈ മെഡൽ സമ്മാനിക്കുന്നത്.
പ്രവർത്തനമേഖലയിലെ മികവ്, അന്വേഷണരംഗത്തെ ഗംഭീര സേവനം, അസാമാന്യ പ്രകടനം, അചഞ്ചലവും ധീരവുമായ രീതിയിലുള്ള ഇൻ്റലിജൻസ് സേവനം, ഫോറൻസിക് സയൻസ് മേഖലയിൽ സേവനമനുഷ്ഠിക്കുന്ന ഗവൺമെൻ്റ് ശാസ്ത്രജ്ഞർ നടത്തുന്ന പ്രശംസനീയമായ പ്രവർത്തനങ്ങൾ എന്നിവ പരിഗണിച്ചാണ് മെഡൽ നൽകുന്നത്.
സർദാർ വല്ലഭ്ഭായ് പട്ടേലിൻ്റെ ജന്മവാർഷികത്തോടനുബന്ധിച്ച് എല്ലാ വർഷവും ഒക്ടോബർ 31-നാണ് ഈ മെഡൽ പ്രഖ്യാപിക്കുന്നത്.
പുരസ്കാര ജേതാക്കളുടെ പട്ടിക കേന്ദ്ര ആഭ്യന്തര മന്ത്രാലയത്തിൻ്റെ വെബ്സൈറ്റിൽ ലഭ്യമാണ്: [https://www.mha.gov.in](https://www.mha.gov.in?utm_source=chatgpt.com)
(പുരസ്കാര ജേതാക്കളുടെ പട്ടിക കാണുന്നതിന് ക്ലിക്ക് ചെയ്യുക)
*****