વેપાર અને આર્થિક સહયોગને મજબૂત કરવા માટે લક્ષમબર્ગ ખાતે 19મી ભારત–BLEU સંયુક્ત આર્થિક કમિશન બેઠક યોજાઈ

ભારત–બેલ્જિયમ–લક્ઝમબર્ગ આર્થિક યુનિયન (BLEU) સંયુક્ત આર્થિક કમિશન (JEC)ની 19મી બેઠક 29 ઓક્ટોબર 2026ના રોજ લક્ઝમબર્ગ ખાતે યોજાઈ હતી. આ બેઠકે ભારત, બેલ્જિયમ અને લક્ઝમબર્ગને દ્વિપક્ષીય વેપાર અને રોકાણ સંબંધોની સમીક્ષા કરવા અને મુખ્ય ક્ષેત્રોમાં આર્થિક સહયોગને વધુ મજબૂત કરવાની તકો પર ચર્ચા કરવા માટે એક તક પૂરી પાડી હતી.

JECની સહ-અધ્યક્ષતા ભારત સરકારના વાણિજ્ય સચિવ શ્રી રાજેશ અગ્રવાલ; બેલ્જિયમના ફેડરલ પબ્લિક સર્વિસના વિદેશ બાબતો, વિદેશી વેપાર અને વિકાસ સહકાર વિભાગમાં ભૂ-અર્થશાસ્ત્ર અને આર્થિક રાજદ્વારી માટેના મહામહિમ શ્રી ફિલિપ વેન્ડેન બુલ્કે; અને લક્ઝમબર્ગના વિદેશ અને યુરોપિયન બાબતો, સંરક્ષણ, વિકાસ સહકાર અને વિદેશી વેપાર મંત્રાલયના મહામહિમ શ્રી હેનરી શુમાકર દ્વારા કરવામાં આવી હતી.

19મી બેઠકે ભારત, બેલ્જિયમ અને લક્ઝમબર્ગ વચ્ચેના હાલના વેપાર અને રોકાણ સંબંધોની સમીક્ષા કરી અને આર્થિક જોડાણ વધારવા, વેપાર અને રોકાણના પ્રવાહને સરળ બનાવવા અને પરસ્પર હિતના ક્ષેત્રોમાં સહયોગ મજબૂત કરવાના માર્ગો પર વિચાર-વિમર્શ કર્યો હતો.

ચર્ચામાં એર કનેક્ટિવિટી અને પોર્ટ, નવીનીકરણીય ઊર્જા અને ક્લીન ટેકનોલોજી, નાણાકીય સેવાઓ અને ફિનટેક, ડિજિટલ ટ્રાન્સફોર્મેશન અને ઇન્ફોર્મેશન એન્ડ કમ્યુનિકેશન ટેકનોલોજી (ICT), હેલ્થકેર અને લાઇફ સાયન્સ, આયુર્વેદ અને પરંપરાગત દવાઓ, તેમજ એગ્રો અને ફૂડ પ્રોસેસિંગ ઉદ્યોગ પર ધ્યાન કેન્દ્રિત કરવા સાથે લોજિસ્ટિક્સ સહિત પ્રાથમિકતા ધરાવતા ક્ષેત્રોની વ્યાપક શ્રેણી આવરી લેવામાં આવી હતી.

બેઠકમાં એરોસ્પેસ, સંશોધન અને નવીનતા, ઉચ્ચ શિક્ષણ અને કૌશલ્ય વિકાસમાં સહયોગ ગાઢ કરવાની તકો શોધવાનો સંકલ્પ કરવામાં આવ્યો હતો. વેપારની ચિંતાઓને દૂર કરવા, બજારની પહોંચ સુગમ બનાવવા અને આર્થિક સંબંધોને વધુ મજબૂત કરવાની તકો ઓળખવાના હેતુથી બજાર-સંબંધિત મુદ્દાઓ પર પણ ચર્ચા કરવામાં આવી હતી.

JECએ ત્રણેય પક્ષોને તેમની આર્થિક પ્રાથમિકતાઓ પર વિચારોનું આદાન-પ્રદાન કરવા, ક્ષેત્રીય સહયોગની સમીક્ષા કરવા અને વ્યવસાયિક જોડાણ અને રોકાણ ભાગીદારી વધારવાના માર્ગો ઓળખવાની તક પૂરી પાડી હતી. આ ચર્ચાએ ભારત, બેલ્જિયમ અને લક્ઝમબર્ગ વચ્ચે પરસ્પર લાભદાયી આર્થિક સંબંધોને આગળ ધપાવવામાં સતત સંવાદ અને સહયોગના મહત્વની પુનઃપુષ્ટિ કરી હતી.

JEC સત્ર પછી, વાણિજ્ય સચિવ શ્રી રાજેશ અગ્રવાલે એક બિઝનેસ ઇન્ટરેક્શન દરમિયાન લક્ઝમબર્ગ-સ્થિત કંપનીઓના CEOs સાથે વાર્તાલાપ કર્યો. તેમણે ભારતના મજબૂત આર્થિક વિકાસ અને રોકાણની સંભાવનાઓને રેખાંકિત કરી અને નાણાકીય સેવાઓ, અદ્યતન ઉત્પાદન, લોજિસ્ટિક્સ, સ્વચ્છ ઊર્જા, ડિજિટલ ટેકનોલોજી, હેલ્થકેર, અને સંશોધન અને નવીનતામાં સહયોગની તકો પર ભાર મૂક્યો. તેમણે લક્ઝમબર્ગની કંપનીઓને વૈશ્વિક મૂલ્ય શ્રૃંખલાઓને સેવા આપવા માટે લાંબા ગાળાના રોકાણો, ટેકનોલોજી ભાગીદારી અને ભારતીય ફર્મો સાથે સંકલન કરવાની તકો શોધવા પ્રોત્સાહિત કર્યા હતા.

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com